Hoseya 1:10 - Mawu a Mulluku

¹⁰ Aisraele eneerewaata wonanko mihava dda mu enyanja nnddo ohinaaworeewe owulinga ni oweerenga. Vano vanipuroni mvo yalleelliwiiwa wi, “Nyu khe athwaaka,” vaavottho aneerewaaromolla wi, “Anamwani a Mulluku Ookumi”

Hoseya 1:10 Iomraidhean Croise

Genesis 13:16

Kineerewuuvaha edduullu ddinchichi nave khaavo naari mmodda anaawore oddeerenga. Yooyove anawora weerenga nthupi na va ellapo yavatthi sika anaawore.”

Genesis 22:17

kineerewuudalisa wunchichi ni wuuvaha edduullu ddinchichi wonanko etheneeri dda oddullu navettho wonanko mihava dda mukhwipi mwa enyanja. Edduullu ddawo ddineerewaagonjiha adaniiwa attheene.

Genesis 32:12

Upuwellani lonjezo nanyunne nawi, ‘Kineerewuupwatha wi ddeko ddiweetelle phaama nave kineerewuuvaha edduullu ddinchichi ddooheerengeya. Ddinaakhalle ddinchichi wonanko mihava dda mukhwipi mwa enyanja.’ ”

2 Samuele 7:24

Nave mwaaweera Aisraele, okhalla aanyu aanyu wa enthawi yoohimalla nave nyu Apwiya mwaakhalla Mullukwiiwa.”

Yesaya 43:6

Kineerewaalleella oompoto wi, ‘Ahiyeni!’ Kineerewaalamula oomwera wi, ‘Muhaawanddeellelle!’ Anaaka aallopwana ehokollowe ovenyera o ellapo ddawoorekama, anaaka aatthiyana ewe ovenyera wookomella ellapo yavatthi,

Yesaya 48:19

Anaawo yeerewaata wonanko mihava, edduullu ddawo wonanko nthupi. Nnddina niwa khanaavenyihiwe vamiitthoni vaka, khanaamwaramwasiwe.”

Yesaya 63:16

Vawi nyuwaano sika attiitthiihu naari Abrahamu ahinidduwellaka navettho Israele ahinaakhullaka. Koma nyu Apwiya muri attiitthiihu, oonoopollaahu waambeella khalle.

Yesaya 64:8

Komave nyu Apwiya muri attiitthiihu. Niri wonanko olloko nave nyuwaano muri wonanko awoopa vawi niri mitteko dda mattaanyu.

Yesaya 65:1

Apwiya yaallota wi, “Kaaddoonihella meekha wa ayo yahikivekille nave kaaphwanyiwa ni ayo yahikaashille. Wa mutundu oyo ohinakiithaneke kaallota wi, ‘Kiri vaava, kiri vaava.’

Yesaya 66:20

Nave eneerowaana abalaanyu attheene ovenyera wa athu a mitundu ddimodda wi ekhalle emphaso wa miyaano. Eneerowaana o mwaangwaaka waweella o Yerusalemu abalaanywaayo yaawellihalle va akavalo, abulu, ekamira,* magareta ni machira. Eneerowaana wonanko Aisraele yaawaakana ddoovelleella dda yoocha o enyumba ya Mulluku, addikusalle mu embale ddoopatuleya.

Yeremiya 33:22

Kineeroddiruuwiha edduullu dda oorumeyellaaka Davide ni oorumeyellaaka allupa mukutho Aalevi nave enaate wonanko etheneeri ddooddullu apaalle muhava wa mukhwipi mwa enyanja.”

Daniele 6:26

Kinakeraatthiha lamulo nawi athu attheene a mu omwenaaka emooveke ni omuvaha olemu Mulluku a Daniele. Olliye tti ookumi ni oohimalla, omwenaaye khowa woonongeya, olamulellwaaye khowa omalla.

Hoseya 1:9

Vano Apwiya yaamulleella Hoseya wi, “Omuvahe nnddina nawi, Khe Athwaaka. Vawi nyu Aisraele khamuhiyo athwaaka nave miyaano ngihiyo Mullukwaanyu.”

Hoseya 2:23

Kineerommidda mwiillaponi wi akhalle aaka. Kineerewooniha echikondi wa ‘Khakondiwa.’ Athu ayo kaaromolleemi wi ‘Khe athwaaka,’ kineerewaaromolla wi, ‘Athwaaka.’ Nave alliwa eneerollota wi, ‘Mullukwaahu.’ ”

Yohane 1:12

Koma attheene ayo yamwaakhenlle olliye ahaavaha masiva wi ekhalle anamwani a Mulluku, wa ayo yakhulupililalle nnddina naye.

Aroma 8:19

Erive ello eyo yaphatusiwe ennatiyera moopaalla wi Mulluku awuupullulle anaaye.

2 Akorinto 6:18

Kineerokhalla Attiitthaanyu, nave muneerokhalla anaaka aallopwana ni aatthiyana. Apwiya Mulluku Amasiva Mattheene sika enallota ddenndda.”

Aheberi 11:12

Abrahamu uulluvanlle, ari vakhuviru okhwa, aakhalla nikhollo na edduullu ddinchichi. Vawi edduullunnddo ddohaata wonanko etheneeri apaalle wonanko mihava dda mukhwipi mwa enyanja.