Genesis 9:25 - Mawu a Mulluku

²⁵ nave aallota wi, “Atembeleliwe Kanani! Anaakhalle kaporo a akaporo attheene wa asinne.

Genesis 9:25 Iomraidhean Croise

Genesis 3:14

Sika Mulluku aayilleella enoweeyo wi, “Ekaamba ya nndda weerilleewe, ori ootembeleliwa variyari va enama ddittheddene dda va ellapo yavatthi, eziweto ni ddamuhakani ddene. Waambeella ollello mu okumaawo muttheene onaapaddeke ni erukullwaawo nave onaacheke nthupi.

Genesis 4:11

Sika wootembeleliwa, khoyillimattho ethaya eyo ewinrye nikhame na mung'onong'onwaawo oyo omwiiphalleewe ni mattaawo.

Genesis 49:7

Otembeleliwe osha murima kaambiiwa tti wawoopiha, otembeleliwettho owalliiwa kaambiiwa wenko tti ohoosa. Kineerewaamwara mu ellapo ettheene ya Yakobo, Kineerewaapallallesa variyari va Israele.”

Genesis 9:18

Anamwani a Nowa ayo akhumalleeyena muchomboni mulle yaari Shemu, Hamu ni Yafeti. Hamu sika aari attiitthinnya a Kanani.

Genesis 9:22

Hamu, attiitthinnya a Kanani, oonille wi Nowa, attiitthinnya eri epwillimwinddive, ahaalleella asinne eellaalle.

Genesis 9:24

Nowa avenyilleeye, ahiiwa ddittheddene nnddo mwanaye mung'onong'ono eerilleeye,

Mateyu 25:41

“Vano miyaano kineerollota wa ayo a o nnatta noonyottho wi, ‘Venyanivoni va miyaano, nyu ootembeleliwa ni Mulluku! Khaweni o omunlloni woohimalla oyo okharihelliwe Satana ni angelwaaye.

Yohane 8:34

Yesu ahaakhulla wi, “Ddawoona, kinimuulleellani wi, oyo anachimwa tti kaporo a machimwaayo

Deuteronomo 27:16

“ ‘Atembeleliwe arive muthu oohaavaha olemu attiitthinnya apaalle amennya.’ “Nave athu attheene yaakhulle wi, ‘Amen!’

Deuteronomo 28:18

“Apwiya eneerotembelela ezipaso dda m'mwiillini mwanyu, ezipaso dda m'matani mwanyu ni asaana a eziweto ddanyu.

Yoswa 9:23

Vawi moheera ddenndda Mulluku ohuutembelelani khaavo mmodda a nyuwaano anaattaphuwe wuukaporoni. Erive enthawi nyuwaano sika munanaashereke ekhuni ni onirikella maaddi o enyumba ya Mulluku.”

Yoswa 9:27

Koma enthawi yeeyo, yaatthattuwa oowaashella ekhuni navettho owaarikella maaddi athu a vamutthukumanonimvo ni o nikuwani na mukutho na Apwiya. Ophiyera ollello, enneerave ddenndda o orive nipuro nko Apwiya enaatthoolliiwa.