Genesis 9:23 - Mawu a Mulluku

²³ Koma Shemu ni Yafeti yaakusa yawiikhuneellana eyihiya otulli wiwa, eyitukhullalle vamathurini. Nave yaheeta nintulli yaakhuneella attiitthiiwaayo, miitthwiiwa ewehaka okhwipi ekaamba yawi yaawulliwa muru wi ehoone epwillimwinddi ya attiitthiiwa.

Genesis 9:23 Iomraidhean Croise

Genesis 9:22

Hamu, attiitthinnya a Kanani, oonille wi Nowa, attiitthinnya eri epwillimwinddive, ahaalleella asinne eellaalle.

Genesis 9:24

Nowa avenyilleeye, ahiiwa ddittheddene nnddo mwanaye mung'onong'ono eerilleeye,

Eksodo 20:12

“Waavaheke olemu attiittho ni amaayo wi enthawi ya okumaawo erekame mu ellapo eyo Apwiya Mullukwaawo enuuvahiiwa.

Levitiko 19:32

“Mukhalleke oolemu vamiitthoni va muthu awuulluvalla nave mumooveke Mullukwaanyu. Mi tti Apwiya.

Aroma 13:7

Muvelleelleke wa arive muthu eyo munaphwanelleenyu ovelleella, wonanko okhoma misonkho, ovaha olemu apaalle oriiha.

Agalatiya 6:1

Asinnaka ni arokoraka, mmodda aphwanyiwa achimwaka, nyuwaano mwaakhenlle Munepa Waweella munaphwanella mumuhumullulle mwawiithaalla. Koma mwiiwehereke weekhiinyu wi nanyeenettho muheesiwe.

1 Timoteo 5:1

Ohimuhumullulleke muttekweene moomusimwella koma omukoheke wonanko attiittho. Okhalleke ni asombwe wonanko asinno.

1 Timoteo 5:17

Attekweene enahoollella phaama yaakhelleke olemu munchichi, makamaka ayo enaphara mutteko moollipa woohuddiha ni woollalleya.

1 Timoteo 5:19

Ohaakhullelleke mullatu wa muttekweene, vaavove vikhanlle amboni eelli apaalle araru.

1 Petro 2:17

Mumuvaheke olemu arive muthu, mwaakondeke ookhulupilila akhwiinyu, mumooveke Mulluku nave mumuvaheke olemu Kaisara.

1 Petro 4:8

Yuullupalli ya yeella tti ya wi mukondaneke mmodda ni mukhwaaye mwawoona kaambiiwa echikondi sika enavuhellella machimo.