Genesis 9:2 - Mawu a Mulluku

² Enama ddittheddene dda va ellapo yavatthi ni epallame ddene, ddawaapadda ni ddittheddene ddamunyanja ddineerekowoovani. Ddittheddenenndda kooddihiya wi muddilamulelleke.

Genesis 9:2 Iomraidhean Croise

Genesis 1:21

Sika Mulluku aaphatusa ehomba dduullupalli ddamunyanja ni ddoophatusiwa ddimodda ddittheddene ddookhalla m'maaddini, vamoddattho ni epallame ni ddoovava ddimodda ddamitundumitundu. Nave Mulluku ahoona wi nndda ddaari ddaphaama.

Genesis 1:26

Vano Mulluku aallota wi, “Hankoni nimuphatuse muthu moophwanaphwana ni hiyaano, akhalle wonanko hiyaano. Alamulelleke ddamunyanja, epallame, eziweto, enama ddamuhakani ddawaapadda ddittheddene dda va ellapo yavatthi.”

Genesis 1:28

Ahaadalisa athwaayo vawaalleellani wi, “Muyarane wi mwaate, muddalle va ellapo yavatthi wi muyilamulelleke. Mulamulelleke va ddamunyanja, epallame ni enama ddittheddene ddinakhalla va ellapo yavatthi.”

Genesis 2:19

Apwiya yaakusa ethaya yoopa enama ddittheddene ni epallame ddittheddene. Yaawaana wa muthu wi addivahe manddina. Vawi manddina ayo muthu aromollilleeye ovenyera vaavo ddinadduwelliwa ni manddina yaayo.

Genesis 35:5

Yakobo ni anaaye yatimulliiwa, athu attheene a mizinda ddawaapheella yahoova wunchichi vawi yaalephela waathamakella.

Genesis 9:1

Mulluku aamudalisa Nowa ni anaayeene voollotani wi, “Muyarane wi mwaate nave muddalle va ellapo yavatthi.

Genesis 9:3

Vano mucheke enama ddittheddene, wonanko kawaakhullelleemini ocha matthaapa amakukhu. Kohuuvahani ddittheddenenndda wi ddikhalle yoochaanyu.

Yobu 39:11

Ethiyo ttuuroromella enari ekaamba ya masiviiwa, apaalle ttuuyihiyera muttekwaawo?

Ezekiele 34:25

Kineerokeraatthihana echipangano yamurendelle. Kineeroddivenyihamo mwiillaponimmo enama ddittheddene ddamuhakani wi enkhosa ddaka ddikhallekemo mwamurendelle naari muchipululuni apaalle muhakani.

Hoseya 2:18

Enthawi yeeyo kineerokeraatthiha echipangano ni enama ddamuhakani, epallame ddoovava, ddawaapadda wi ddaattane ni athwaaka. Vano kineerewinttaka muura, nsupada ni ezida ddakhoto ddimodda ddittheddene nave kineeroddivenyihamo mwiillaponimmo wi alliwa ekhalleke mwamurendelle.

Levitiko 26:22

Kineerewuurumihellani enama ddawoopiha ddamuhakani nave ddineerowoonongellani aniinyu owaaka eng'ombe ddanyu. Enama ddawoopiha dda muhakaninnddo ddineeroyeviha waata wanyu sika vano mu ettilla ddanyu khamuviraka athu.

Levitiko 26:6

Kineerowaana murendelle mwiillaponaanyu nave muneerekokonaatthi woohikhallavo owoopopihani. Kineerowiikariha enama ddamuhakani ddawoopiha mwiillaponaanyu nave khamuwa mukhalla ekhoto.

Yakobo 3:7

Arive muthu annawora oweta orive mulloko wa enama, wa epallame, wa ddawaapadda ni ddamunyanja nave ndithu annaddiweta ddenndda.