Genesis 9:10 - Mawu a Mulluku

¹⁰ ni ddookumi ddittheddene, epallame, eziweto, enama ddamuhakani ni ddimodda ddittheddene ddakhumalle ni nyuwaano muchomboni.

Genesis 9:10 Iomraidhean Croise

Genesis 8:1

Vano Mulluku aamuupuwella Nowa ni enama ddittheddene ddamuhakani ni eziweto nnddo ddaari ni olliye muchombonimmo. Aalamula ephevo wi yoope va ellapo yavatthi, enthawi yeeyo maaddi yahaamba owelleella.

Genesis 8:19

Enama ddittheddene, ddawaapadda ddittheddene, epallame ddittheddene ni ddimodda ddittheddene ddaweeta vatthimva ddaakhuma muchombonimmo millokomilloko moollikana ni mitundu ddiwa.

Genesis 9:11

Echipanganweeyo tti yawi, ‘Ngiwa koonongattho ddookumi ddittheddene ni echigumula. Kinimallupella wi echigumula khewa yoonongattho ellapo yavatthi.’ ”

Genesis 9:9

“Vano kinakeraatthiha echipangano ni nyuwaano ni edduullu ddanyu,

Masalimo 145:9

Apwiya tti aphaama wa attheene, ennaddeerella echifundo ddittheddene yaddiphatusalliiwa.

Hoseya 2:20

Kineerewuutomela moororomelleya nave oneerodduwella wi mi tti Apwiya.”

Yona 4:11

Nave ethiyo miyaano, nginaphwanella owumoriwella ethakaraka muzinda muullupalli olla wa Nineve? Mu Nineve mookhalla athu ookhwaranya 120,000 ayo enakhalla wonanko anamwani oohiwora ohiyaniha variyari va yaphaama ni yoonanara, mookhallattho eziweto ddinchichi.”