Genesis 9:1 - Mawu a Mulluku

¹ Mulluku aamudalisa Nowa ni anaayeene voollotani wi, “Muyarane wi mwaate nave muddalle va ellapo yavatthi.

Genesis 9:1 Iomraidhean Croise

Genesis 1:22

Aaddidalisa voollotani wi, “Muttotthollane wi muddalle munyanja nave epallamettho ddiddalle va ellapo yavatthi.”

Genesis 1:28

Ahaadalisa athwaayo vawaalleellani wi, “Muyarane wi mwaate, muddalle va ellapo yavatthi wi muyilamulelleke. Mulamulelleke va ddamunyanja, epallame ni enama ddittheddene ddinakhalla va ellapo yavatthi.”

Genesis 10:32

Attheenaalla sika malloko a edduullu dda Nowa voothwarani oyariwa wiwa ni mitundu ddiwa. Nndda sika mitundu ddittheddene dda va ellapo yavatthi ddakhumalle mwa malloko a Nowa eviralle echigumula.

Genesis 2:3

Mulluku aadalisa nllapo naneetthanu ni piilli, aaneelliha ekaamba yawi tti nllapo nno iithuuwalleeye amallihalle muttekwaaye muttheene woophatusa.

Genesis 24:60

Nave yaamudalisa Rebekooyo voollotani wi, “Weyaano murokorihu, Apwiya yuudalise wi okhalle moowe a athu awaata wunchichi. Edduullu ddawo ddineerewaagonjiha adaniiwa.”

Genesis 35:11

Nave Mulluku aamulleella wi, “Mi tti Mulluku, Amasiva Mattheene. Nave muyarane wi mwaate. Edduullu ddawo ddineerokhalla mitundu ddinchichi nave ovenyera mwa ddennddo muneerokhalla mamwene.

Genesis 8:17

Khumiha ddookumi ddittheddene, erive enama, erive epallame ni erive yawaapadda wi ddittotthollane nave ddiddalle va ellapo yavatthi ettheene.”

Genesis 9:19

Anamwani a Nowa araru yaalla sika makhollo a athu a va ellapo yavatthi ettheene.

Genesis 9:2

Enama ddittheddene dda va ellapo yavatthi ni epallame ddene, ddawaapadda ni ddittheddene ddamunyanja ddineerekowoovani. Ddittheddenenndda kooddihiya wi muddilamulelleke.

Genesis 9:7

Vano Mulluku aamudalisa Nowa wi, “Muyarane wi mwaate nave muddalle va ellapo yavatthi.”

Masalimo 112:1

Aleluya! Oodalisiwa tti muthu oyo anawoova Apwiya, ookonda osunga malamulwiiwa.

Yesaya 51:2

Ngaganizani dda Abrahamu nikhollo nanyu attiitthaanyu ni Sara oyo uuyarilleni, kamwiithaneemi Abrahamu, khaarina mwaana koma kaamudalisa, kahoonjerera edduullu ddaye.