Genesis 8:20 - Mawu a Mulluku

²⁰ Enthawi yeeyo Nowa ahaamakella nikuwa Apwiya. Aakusavo orive mutundu wa enama ni epallame ddaweellihiwa nave aaddiipha, addivelleella mukutho wooshellelliha vanikuwanimvo.

Genesis 8:20 Iomraidhean Croise

Genesis 13:18

Sika vano Abramu aatthaamiha musasaaye, aya akhalla o miteekho dda muthundu dda o Mamure nnddo ddiri o Hebroni. Nave wenko ahaamakella Apwiya nikuwa.

Genesis 13:4

Sika aahokollweellattho onipuroni wulle khalle amakilleeyewo nikuwa nave aallapella nnddina na Apwiya.

Genesis 22:2

Mulluku aallota wi, “Mukuse Isaki, mwanawo mmoddave yooyo onamukondeewe wunchichi, oye o ellapo ya Moriya. Wenko wamuvelleelle wonanko mukutho wooshellelliha vamwaangoni oyo kineereemi kuulleelle.”

Genesis 22:9

Ephiyalle onipuroni wulle Mulluku amulleelleeye, Abrahamu aamaka nikuwa nave aatthatta ekhuni vaddullu va nikuwanno. Enre ddiiddo ammaka mwanayoolle, amukonaatthiha vaddullu va ekhuninnddo.

Genesis 26:25

Sika Isaki aamaka nikuwa wenko nave ahaallapella Apwiya nave aamakattho musasaaye wenko. Navettho akaporwaaye yaakata ehime wenko.

Genesis 33:20

Nave aamaka nikuwa vaavo, aniromolla wi Eli Elohe Israele, ottaphullella wi Mulluku tti Mulluku a Israele.

Genesis 35:1

Vano Mulluku aamulleella Yakobo wi, “Timulla, oye o Betele, wakhalle wenko. Wamakewo nikuwa na Mulluku oyo awooneyelle enthawi wamuthaweewe mwanamunno Esau.”

Genesis 35:7

Aamaka nikuwa wenko nave nipuronna yaaniromolla Betele, ekaamba yawi wenko sika Mulluku adduupullullalleeye wa Yakobo enthawi amuthaweeye mwanamunne.

Genesis 4:4

Abele nayeenettho aakusa amodda a anamwani awaamba a enkhosa ddaye nave aavelleella wonanko mukutho enama yaphaama yamakhura. Sika Apwiya yaahakallalla ni Abele ni mukuthwaaye.

Genesis 7:2

Vano okuse enama ddaweellihiwa dditthanu ni piilli anankhoro ni dditthanu ni piilli ddeetthiyana. Nave okusettho piillipiilli yaamullopwana ni yaamutthiyana ya orive mutundu wa enama ddooripihiwa.

Genesis 7:3

Okusettho dda erive epallame dditthanu ni piilli ddeellopwana ni dditthanu ni piilli ddaamutthiyana. Weere ddenndda wi enama ni epallame dda mitundu ddittheddene ddisungiwe ni okumi va ellapo yavatthi.

Genesis 8:19

Enama ddittheddene, ddawaapadda ddittheddene, epallame ddittheddene ni ddimodda ddittheddene ddaweeta vatthimva ddaakhuma muchombonimmo millokomilloko moollikana ni mitundu ddiwa.

Yobu 1:5

Vano mallapo a machellello yamalla, Yobu aanavenya ohinase ovelleella mikutho ddooshellelliha nave aanaddivelleella moollikana ni waata wa anamwanaayo wi yeellihiwe. Eera ddenndda vooganizani wi apaalle mmodda mwa anaaye aachimwa nave oomullotella epewe Mulluku m'murimani mwaye. Yobu aaneera ddenndda enthawi ddittheddene.

Eksodo 10:25

Mose aallota wi, “Vanothi nyuwaano sika munaanivahe eziweto ddoovelleellella mukutho wooshellelliha wa Apwiya Mullukwaahu.

Eksodo 29:18

Nave oshellellihe enkhosa ettheeneeyo va nikuwamvo. Yooyo onaakhalle mukutho wooshellelliha woovelleella wa Apwiya, mukutho wa nthuko nawaaddivella, wawoosiwa viikho.

Eksodo 29:25

Sika oddikuse nndde ovenyera m'mattani mwiwa nave oddishellellihe va nikuwa ni mukutho wooshellelliha wi ddikhalle mukutho wa nthuko nawaaddivella Apwiya, mukutho wawoosiwa viikho woovelleelliwa wa Apwiya.

Numeri 7:21

Aavelleellattho mwaana a eng'ombe mmodda, nankhoro enkhosa emodda navettho nankhoro a mwaanaankhosa mmodda a muyakha mmodda wi ddittheddennddo ddikhalle mukutho wooshellelliha.

Aroma 12:1

Sika asinnaka ni arokoraka, kinimuuvekani ekaamba ya echifundo ya Mulluku wi mwiiheraatthi nyookhaanyu wi mukhalle mukutho wookumi, waweella ni wawaakhelliwa wa Mulluku. Ella sika ettilla yaphaama yoomullapellella.

Aheberi 13:10

Hiyaano nookhalla ni nikuwa koma allupa mukutho oorumeyella m'musasani kheyaakhullelliwa ocha ddooheraatthiwa mukutho vanikuwaninno.

1 Petro 2:5

Waani wonanko malluku ookumi wi nyuwaano mupharihiwe mutteko voomakani enyumba ya Munepa, nko munaarumeyelleke wonanko allupa mukutho aweella oheraatthi wa Mulluku mukutho wa Munepa ni wawaakhelliwa oweella mwa Yesu Khrisitu.

1 Petro 2:9

Nave nyuwaano tti mutundu wootthoolliwa, allupa mukutho oomwene, mutundu woopatuleya, athu a mwaneena Mulluku, ootthoolliwa wi mullalleye ddaweera dda Mulluku ddoottikhiniha, oyo aawiithanneni ovenyera mwiipiphini oya mu owala waye woottikhiniha.