Genesis 7:7 - Mawu a Mulluku

⁷ Olliye ni mwaariye owaakattho anaaye ni awariwa yaavollowa muchomboni, othawa echigumuleeyo.

Genesis 7:7 Iomraidhean Croise

Genesis 6:18

koma kineerokeraatthiha echipangano ni weyaano. Ovollowe muchomboni weyaano ni mwaariyo owaakattho anaawo ni awariwa.

Genesis 7:1

Apwiya yaamulleella Nowa wi, “Vollowa muchomboni weyaano ni nibanja nawo. Kohoona tti weekhave oolungama variyari va athu attheene a mbadoolla.

Miyambo 22:3

Muthu oochenjera oona ello yawoopiha anniipittha koma eenamwani annayithwara ophiyera annallivihiwa.

Mateyu 24:38

Vawi m'mallaponi yaalle, ehinasefukelle maaddi, athu yaamoona ocha ni owirya, yaatthella ni otthelliwa, ophiyera nllapo nenno Nowa avollowilleeye mukallawani.

Luka 17:27

Athu yaamoona ocha ni owirya, yaatthella ni otthelliwa, ophiyera nllapo nenno Nowa avollowilleeye mukallawani nave maaddi yaawa ewiipha athu attheene.

Aheberi 11:7

Ekaamba ya echikhulupililo, Mulluku aamuchenjeza Nowa dda ddeko ddamuhoollo nnddo ddaari ddihinooneye. Ahiiwellella nave aamaka ekallawa wi aavullusellemo athu attheene a mu nibanja naye. Sika ahaavaanyiha athu a ellapo yavatthi wi tti oochimwa nave ahaakhella echilungamo yoovenyera o echikhulupililo.

Aheberi 6:18

Mwawi ddiidda vookhalla ddeko piilli nndda, ollupella ni olonjeza. Khaddisinthiwa nave ddinnooniha wi Mulluku khoottha. Sika wa hiyaano nathawenlle wa olliye naaphwanya ollipihiwa murima wuullupalli wi niphare moollipa etiyerello eyo ninaakhelleehu muhoollo.

1 Petro 3:20

Ddenndda tti minepa dda ayo yahimwiiwellelle Mulluku atiyereeye mookhurumusa murima m'mallaponi ayo Nowa amakeeye ekallawaaye. Vano athu ooyeva atthanu ni araru, yaavullusiwa m'maaddini.

2 Petro 2:5

Mulluku khaawalleville khalle athu a va ellapo yavatthi koma ahaarumiha maaddi eddalla va ellapo yavatthi ya athu oohimullapella Mulluku. Ayo aavullusalleeye tti Nowa, oyo allalleya dda echilungamo ni athu amodda atthanu ni eelli.