Genesis 7:4 - Mawu a Mulluku

⁴ Vavira mallapo matthanu ni meelli, kineeromurupiha murimu va ellapo yavatthi mallapo 40, otthaana ni mahiiyu wi ddookumi ddittheddene kaddiphatusalleemi dditthollowe.”

Genesis 7:4 Iomraidhean Croise

Genesis 2:5

khavaari erive yoomella va ellapo yavatthi. Nave orive mmiddo waari ohinamelle ekaamba yawi Apwiya Mulluku yaari ehinamurupihe murimu va ellapo yavatthi. Navettho khavaari muthu oollima emata.

Genesis 6:13

Sika Mulluku aamulleella Nowa wi, “Koosimikiza ni murima muttheene wi kiwoononge athu attheene. Kineerewaatthollosa ekaamba yawi ellapo yavatthi ettheene yooddalla ni echiwawa.

Genesis 6:17

Kineeromurupiha murimu a echigumula va ellapo yavatthi wi oononge erive ello yookumi. Ddeko ddittheddene dda va ellapo yavatthi ddineerokhwa,

Genesis 6:3

Sika Apwiya yaallota wi, “Ngiwa kaakhullella wi muthu akhalleke ni okumi woohimalla vawi tti mwiilli wookhwa. Waambeella ollello okumaaye onaakomelleke miyakha 120.”

Genesis 6:7

vano Apwiyaayo yaallota wi, “Athu attheene kaaphatusalleemi kineerewaatthollosa. Kineerewoonongattho enama ddittheddene ni ddawaapadda ddene ni epallame kaambiiwa kinnamoriwa ethakaraka wi kaaphatusa ddenndda.”

Genesis 7:10

Viviralle mallapo matthanu ni meelli, echigumula yaaphiya va ellapo yavatthi ettheene.

Genesis 7:12

Sika murimu munchichi aarupa va ellapo yavatthi mallapo 40, otthaana ni mahiiyu.

Genesis 7:17

Nave echigumula yaakhalla va ellapo yavatthi mallapo 40. Maaddi yahaata va ellapo yavatthi nave echombweelle yahaamba obelluwa.

Genesis 7:3

Okusettho dda erive epallame dditthanu ni piilli ddeellopwana ni dditthanu ni piilli ddaamutthiyana. Weere ddenndda wi enama ni epallame dda mitundu ddittheddene ddisungiwe ni okumi va ellapo yavatthi.

Genesis 8:10

Atiyerelle mallapo matthanu ni meelli mamodda, aayikhumihattho ekhundeelle.

Genesis 8:12

Vatulli viwa Nowa aatiyerellattho mallapo matthanu ni meelli mamodda, aayikhumihattho ekhundeelle koma ekhundeeyo kheyaahokollowille.

Genesis 8:2

Aneetuutu amaaddi manchichi ookhalla vatthi va ellapo ni maaddi ooddullu yaawalliwa. Sika murimu aamwara,

Yobu 22:16

Alliwa yaakhwarulliwa enthawiiwa ehinakwakhwane, matthipellwiiwa yaakusiwa ni maaddi.

Yobu 28:25

Akeraatthihalleeye masiva a ephevo, alingalleeye owallamella wa enyanja,

Masalimo 69:28

Mwaavenyihemo mu nibukhu na akumi, ehilembiwe nimodda ni athwaanyu.

Yeremiya 28:16

Sika Apwiya enallota wi, ‘Ochenjere vawi eneerewuuvenyihavo va ellapo yavatthi. Onaakhwe muyakhoolla ohinamalle ekaamba yawi onallalleya ddookiwukila miyaano Apwiya.’ ”

Amosi 4:7

Tti miyaanottho kammakille murimu vihanlle miyeri miraru wi muhate. Tti miyaano kamurupiha murimu m'muzinda mmodda ni oohimurupiha m'muzinda mmodda. Murimu aanarupa va emata emodda koma va emodda ahirupeeyevo yahumma.

Yawuupullulla 3:5

Oopambanaayo eneerowarihiwa ddaweella ddiidda nave ngivenyiha manddiniiwa mu nibukhu na akumi. Vamiitthoni va Attiitthaaka ni angelwaaye kineerewaakhullella wi tti athwaaka.