Genesis 7:3 - Mawu a Mulluku

³ Okusettho dda erive epallame dditthanu ni piilli ddeellopwana ni dditthanu ni piilli ddaamutthiyana. Weere ddenndda wi enama ni epallame dda mitundu ddittheddene ddisungiwe ni okumi va ellapo yavatthi.

Genesis 7:3 Iomraidhean Croise

Genesis 6:20

Epallame ni enama dduullupalli ni ddawaapadda dda mitundu ddoohiyanahiyana, ddivollowe muchomboni wi ddisungiwe ni okumi.

Genesis 7:2

Vano okuse enama ddaweellihiwa dditthanu ni piilli anankhoro ni dditthanu ni piilli ddeetthiyana. Nave okusettho piillipiilli yaamullopwana ni yaamutthiyana ya orive mutundu wa enama ddooripihiwa.

Genesis 7:4

Vavira mallapo matthanu ni meelli, kineeromurupiha murimu va ellapo yavatthi mallapo 40, otthaana ni mahiiyu wi ddookumi ddittheddene kaddiphatusalleemi dditthollowe.”

Genesis 7:8

Piillipiilli, yaamullopwana ni yaamutthiyana, dda orive mutundu wa enama ddaweellihiwa ni enama ddooripihiwa ni orive mutundu wa epallame ni wa orive mutundu wa ddawaapadda yaamullopwana ni yaamutthiyana

Genesis 8:20

Enthawi yeeyo Nowa ahaamakella nikuwa Apwiya. Aakusavo orive mutundu wa enama ni epallame ddaweellihiwa nave aaddiipha, addivelleella mukutho wooshellelliha vanikuwanimvo.

Levitiko 11:11

Ddennddo tti ddooripihiwa wa nyuwaano nave muhiddicheke. Ddakhwa ddikhalleve ddooripihiwa wa nyuwaano.