Genesis 7:12 - Mawu a Mulluku

¹² Sika murimu munchichi aarupa va ellapo yavatthi mallapo 40, otthaana ni mahiiyu.

Genesis 7:12 Iomraidhean Croise

Genesis 7:17

Nave echigumula yaakhalla va ellapo yavatthi mallapo 40. Maaddi yahaata va ellapo yavatthi nave echombweelle yahaamba obelluwa.

Genesis 7:4

Vavira mallapo matthanu ni meelli, kineeromurupiha murimu va ellapo yavatthi mallapo 40, otthaana ni mahiiyu wi ddookumi ddittheddene kaddiphatusalleemi dditthollowe.”

Genesis 8:2

Aneetuutu amaaddi manchichi ookhalla vatthi va ellapo ni maaddi ooddullu yaawalliwa. Sika murimu aamwara,

1 Mamwene 19:8

Eliya aavenya, acha ni owirya mwawi aakhalla ni masiva aweetella. Aheeta mallapo 40 otthaana ni mahiiyu aphiya o Horebu, mwaango wa Mulluku.

Eksodo 24:18

Mose aavollowa m'muraponimmo aphiya vaddullu va mwaango. Mose aakhalla wenko mallapo 40, otthaana ni mahiiyu.

Mateyu 4:2

Nave emanlle mallapo 40 otthaana ni mahiiyu ahaallaka ocha, ettalla yaamuvolla.

Deuteronomo 10:10

“Miyaano kaakhalla vamwaangonimvo mallapo 40, otthaana ni mahiiyu, wonanko mmo keerilleemi enthawi yawaambeelle. Apwiya yaakiiwellellattho enthawi yeella nave yahaakhullella wi ehiwoonongeni.

Deuteronomo 9:18

Vano mallapo mamoddattho 40, otthaana ni mahiiyu, kaakokhora vamiitthoni va Apwiya nave kaavekella. Ngaachille apaalle owirya erive ello kaambiiwa mwaheera ddoonanara vamiitthoni va Apwiya vaweerani ddoonanara nave ddahaashiha murima.

Deuteronomo 9:9

Miyaano kaawella mwaango wi kaakhelle malluku meelli mvo valembiwe echipangano eyo Apwiya yakeraatthihalliiwa ni nyuwaano. Kaakhalla omwaangoni wulle mallapo 40, otthaana ni mahiiyu nave ngaachille apaalle owirya erive ello.

2 Petro 3:6

nave ellapo yavatthi yakhalle yahoonongiwa ni maaddi yaayo, maaddi oosefukella.