Genesis 6:17 - Mawu a Mulluku

¹⁷ Kineeromurupiha murimu a echigumula va ellapo yavatthi wi oononge erive ello yookumi. Ddeko ddittheddene dda va ellapo yavatthi ddineerokhwa,

Genesis 6:17 Iomraidhean Croise

Genesis 2:7

Sika vano Apwiya Mulluku yaakusa ethaya ovenyera vatthi nave emoopa muthu ni ethayeeyo. Yaamuviddeellella mphunani mpweya woovaha okumi nave muthooyo aakhalla ni okumi.

Genesis 6:13

Sika Mulluku aamulleella Nowa wi, “Koosimikiza ni murima muttheene wi kiwoononge athu attheene. Kineerewaatthollosa ekaamba yawi ellapo yavatthi ettheene yooddalla ni echiwawa.

Genesis 6:16

Omake epattho ya echombweeyo nave ohiye mpata wa masentimita 50 variyari va epatthweeyo ni mukhwipi mwiwa. Oyimake mootthinddaanyera, ekhalle ya enyumba ddiraru nave mukhwipi mwene mukhalle nchiwi.

Genesis 6:7

vano Apwiyaayo yaallota wi, “Athu attheene kaaphatusalleemi kineerewaatthollosa. Kineerewoonongattho enama ddittheddene ni ddawaapadda ddene ni epallame kaambiiwa kinnamoriwa ethakaraka wi kaaphatusa ddenndda.”

Genesis 7:15

Nave ddookumi piillipiilli dda orive mutundu, yaamullopwana ni yaamutthiyana, ddaawa wa Nowa muchombonimmo moollikana ni mmo Mulluku aamulamulalleeye. Nave Apwiya yaawalla mullako wa echombweeyo.

Genesis 7:17

Nave echigumula yaakhalla va ellapo yavatthi mallapo 40. Maaddi yahaata va ellapo yavatthi nave echombweelle yahaamba obelluwa.

Genesis 7:4

Vavira mallapo matthanu ni meelli, kineeromurupiha murimu va ellapo yavatthi mallapo 40, otthaana ni mahiiyu wi ddookumi ddittheddene kaddiphatusalleemi dditthollowe.”

Genesis 9:9

“Vano kinakeraatthiha echipangano ni nyuwaano ni edduullu ddanyu,

Yobu 22:16

Alliwa yaakhwarulliwa enthawiiwa ehinakwakhwane, matthipellwiiwa yaakusiwa ni maaddi.

Masalimo 107:34

Yaayitthattusa ethaya yaphaama ekhalla yooguga ekaamba ya onanara wa athu ookhalla mwemmo.

Masalimo 29:10

Apwiya ennalamulella enyanja yoowallamella ddittheddene, ennakhalla va mpando woomwene wa enthawi yoohimalla.

Eksodo 14:17

Kineerewummiha murima Aiguputwaayo, sika wi eneerewaathwara Aisraele. Nave vaweerani ddiiddo kineeromugonjiha Farao ni akhotwaaye, magaretaaye ni oowella va akavalo wi kititimihiwe.

Yesaya 51:12

Apwiya enallota wi, miyaano meekhaaka sika kinuukhurumusani murima. Ethiyo nyu ttaani wi mumooveke muthu oyo anaakhwe, mwaana a muthu ookhalla enthawi yooyeva wonanko manasi?

Yesaya 54:9

“Vawi wa miyaano ddenndda ddiri wonanko mallapo a Nowa, kallupellelleemi wi ngiwa koonongattho ellapo yavatthi ni echigumula, Emoddamoddavettho kinimallupellattho wi ngiwa kuushellattho murima, ngiwa kuuhumullullattho.

Ezekiele 34:11

Mi Apwiya Mulluku kinallota wi, “Vano enkhosa ddakannddo kineeroddaashaasha mwaneenaaka nave kineeroddipwatha.

Ezekiele 34:20

“Vano mi Apwiya Mulluku kinuulleellani wi miyaano mwaneenaaka kineereweeruza variyari va enkhosa ddooneneva ni ddimodda ddawoonda.

Ezekiele 5:8

Ella sika ekaambiiwa mi Apwiya Mulluku kinuuvaanyiheemini. Kineerewuullakani athu a mitundu ddimodda yoonaka.

Ezekiele 6:3

‘Nyu miyaango dda o Israele, iwani mawu a mi Apwiya Mulluku. Kinuulleellani nyuwaano miyaango ni asimiyaango, mihinje ni matapo wi kineerorumiha ekhoto nave kineerewoononga mapurwaanyu oollapellamo mafano.

Hoseya 5:14

Kineerewaalluphella Aefuremu nave kineerewaapuramella Ayuda wonanko mukango. Kineerewaakhaddulla nave kineerovenyavo, khaavo anaawore waavullusa.”

Levitiko 26:28

kineerovaanyihanattho ni nyuwaano moowalli nave miyaano mwaneenaaka kineerewuullakani mwawaanjerera otthanu ni opiilli ekaamba ya machimwaanyu.

Amosi 9:6

ennamaka mapurwiiwa ookhallamo oddullu, ennahiyera murapo wonanko eddullu ya ellapo yavatthi, enniithana maaddi a o enyanja wi ewiithelle va ellapo yavatthi, nnddina niwa tti Apwiya.”

Mateyu 24:39

Kheyaadduwenlle ello ophiyera maaddi yaasefukella ni waakusa attheene. Owa wa miyaano, Mwaana a Muthu, onaakhalle wawi ddiidda.

Luka 17:27

Athu yaamoona ocha ni owirya, yaatthella ni otthelliwa, ophiyera nllapo nenno Nowa avollowilleeye mukallawani nave maaddi yaawa ewiipha athu attheene.

Aroma 5:21

Sika vano vawi machimo yaanalamulella ohoollella o okhwa, emoddamoddave yeeyo, vano echisomo ya Mulluku ennalamulella oweella mu echilungamo, ennanihoollella o okumi woohimalla oweella mwa Yesu Khrisitu Apwiihu.

Aroma 6:23

Vawi mallivello a machimo tti okhwa. Koma emphaso ya Mulluku tti okumi woohimalla mu eyaattano ni Khrisitu Yesu Apwiihu.

Deuteronomo 32:39

“Onani wi miyaano sika Mulluku mwaneena, nave khaavo mulluku mmodda. Kinniipha nave kinnavahattho okumi, kinnaphoriiha nave kinnachirihattho, khaavo oomuvullusa muthu m'mattani mwaka.

Aheberi 11:7

Ekaamba ya echikhulupililo, Mulluku aamuchenjeza Nowa dda ddeko ddamuhoollo nnddo ddaari ddihinooneye. Ahiiwellella nave aamaka ekallawa wi aavullusellemo athu attheene a mu nibanja naye. Sika ahaavaanyiha athu a ellapo yavatthi wi tti oochimwa nave ahaakhella echilungamo yoovenyera o echikhulupililo.

1 Petro 3:20

Ddenndda tti minepa dda ayo yahimwiiwellelle Mulluku atiyereeye mookhurumusa murima m'mallaponi ayo Nowa amakeeye ekallawaaye. Vano athu ooyeva atthanu ni araru, yaavullusiwa m'maaddini.

2 Petro 2:5

Mulluku khaawalleville khalle athu a va ellapo yavatthi koma ahaarumiha maaddi eddalla va ellapo yavatthi ya athu oohimullapella Mulluku. Ayo aavullusalleeye tti Nowa, oyo allalleya dda echilungamo ni athu amodda atthanu ni eelli.