Genesis 5:22 - Mawu a Mulluku

²² Enoki ahaattana ni Mulluku nave aakhalla ni okumi miyakha ddimodda 300. Ahaayarattho anamwani amodda aallopwana ni aatthiyana.

Genesis 5:22 Iomraidhean Croise

Genesis 17:1

Abramu ari ni miyakha 99 Apwiya yaamooneyella emulleella wi, “Mi tti Mulluku Amasiva Mattheene. Vano wiiwellelleke enthawi ddittheddene nave ohichimweke

Genesis 24:40

Alliwa yaakaakhulla wi, ‘Apwiya ayo kikhanlleemi kiwiiwellellaka enthawi ddittheddene, eneeromuruma mungelwiiwa wi eete nimodda ni weyaano nave aweeriha wi ddiweetelle phaama. Nave oneeromwaashera mwanaka mutthiyana ovenyera wa athwaaka, o nibanja na attiitthaaka.

Genesis 48:15

Nave aamudalisa Yosefe voollotani wi, “Mullukwaaka oyo makhollwaaka Abrahamu ni Isaki yamurumeyelliiwa, Mulluku oyo akihoollelle mu okumaaka muttheene ophiyera ollello,

Genesis 5:21

Enoki ari ni miyakha 65, aamuyara Metusela.

Genesis 5:23

Mallapo mattheene a okumi a Enoki yaari 365.

Genesis 5:24

Olliye ahaattana ni Mulluku mu okumaaye muttheene. Nave Enoki khaawooneyillettho, ekaamba yawi Mulluku aamukusa.

Genesis 6:9

Nna sika ntthopoollo na Nowa. Nowa aari muthu oolungama ni oohichimwa vamiitthoni va Mulluku. Nave mum'badwaaye aari yooyove aattanille ni Mulluku.

1 Mamwene 2:4

Sika Apwiya eneerokwakhwanihella nnddo yallotilliiwa dda miyaano wi, ‘Anaawo yasunga phaama ettilla ddiwa ni weeta vamiitthoni vaka moororomelleya ni murimiiwa muttheene ni okumiiwa muttheene, khaviwa virama edduullu va mpando woomwene wa Israele.’ ”

2 Mamwene 20:3

“Nyu Apwiya, upuwellani wi kaanuurumeyellani moororomelleya ni mwawiivelleella nave kaaneera ddawuuddivellani.” Eerille ddiiddo ahaamba winlla moovoreyiwa murima.

Masalimo 116:9

Kinneeta vamiitthoni va Apwiya, mu ellapo ya athu ookumi.

Masalimo 128:1

Oodalisiwa tti arive muthu oyo anawoova Apwiya, oyo aneeta mu ettilla ddiwa.

Masalimo 16:8

Erive enthawi kinnaahiya vamurimani Apwiya, vawi eri onnattanatta waka, sika khaavo oyo anaakitikhe.

Masalimo 26:11

Koma miyaano kinneeta moolungama. Mukeerelle echifundo nave mukivulluse.

Masalimo 56:13

Vawi mohaakihera okumaaka wa okhwa, mooseera manyallwaaka wi ehikwakwatuwe. Sika kineeta vamiitthoni va Mulluku mu owala wa okumi.

Masalimo 86:11

Nyu Apwiya, kihuddiheni ettilla ddanyu wi keeteke mu ddawoona ddanyu. Mukivahe murima woohikawaneya wi kooveke nnddina nanyu.

Eksodo 16:4

Vano Apwiya yaamulleella Mose wi, “Kineerewuuvahani yoocha eyo enaamore wonanko murimu ovenyera oddullu. Athu enaakhumeke nllapo ni nllapo enaya yatthukumanihaka yoocha yookwakhwanella nllapo nenno wi kiweese nave koone yaarimi ethwareke malamulwaaka apaalle iyaayi.

Nchipo na Solomoni 1:4

Kikuse nave hanko naakuve. Mwene, kivollochihe muchipindani mwawo. Nihakallalle wunchichi nimodda. Niyiriihe echikondaawo omukhwaranya vinyo. Anamwalli attheene enuukondella ddawoona.

Hoseya 14:9

“Oyo aniiwesese addisunge. Vawi ettilla dda Apwiya tti ddoolungama nave oolungama enneetamo koma oochimwa ennakwakwatuwamo.”

Levitiko 26:12

Kineereweeta variyari vanyu. Miyaano kineerokhalla Mullukwaanyu nave nyuwaano muneerokhalla athwaaka.

Amosi 3:3

“Ethiyo athu eelli ttuuweeta nimodda ehinapangane?

Mika 4:5

Naari orive mutundu wa athu othwaraka milluku ddiwa, hiyaano ninaawaathware Apwiya Mullukwaahu wa enthawi yoohimalla.

Mika 6:8

Iyaayi, muthuwe, Apwiya yaawooniha khalle eyo eri yaphaama. Alliwa enapaalla wi weereke ddoolungama, okondeke echifundo ni weeta mwawiiyeviha vamiitthoni va Mullukwaawo.

Malaki 2:6

Malamulo awoona yaari vayanoni vaye nave khaallotille yoohilungama. Aheeta ni miyaano mwamurendelle ni mwawookowa nave ahaahokollosa anchichi o ddoonanara.

Luka 1:6

Eellaalla yaari oolungama vamiitthoni va Mulluku nave yahiiwellella phaama malamulo ni ddoolamulella dda Apwiya.

Mitteko 9:31

Nave mipingo dda mu ezigawo ddittheddene dda Yudeya, Galileya ni Samariya ddaari mu enthawi yamurendelle. Vookaviheriwani ni Munepa Waweella mipingo ddahunnuwa vookhallani ni athu anchichi vawi yaanawoova Apwiya.

Aroma 8:1

Vano athu ayo enakhalla mu eyaattano ni Khrisitu Yesu khenna mullatu vamiitthoni va Mulluku.

1 Akorinto 7:17

Arive muthu akhalleke moollikana ni mmo avahiweeye ni Apwiya nave wonanko mmo akhallelleeye iithaniweeye ni Mulluku. Nna sika lamulo kinahuddiheemi m'mipingoni ddittheddene.

2 Akorinto 6:16

Enyumba ya Mulluku enaattane ni mafano mwawiidde? Vawi hiyaano tti enyumba ya Mulluku Ookumi. Mulluku yeekhaaye aallota wi, “Kineerokhalla mwa alliwa, nave kineereweeteeta variyari viwa. Kineerokhalla Mullukwiiwa, nave alliwa beneerokhalla athwaaka.”

Aefeso 5:15

Sika muchenjereke ni makhallellwaanyu. Muhikhalleke wonanko athu oohidduwella koma mukhalleke wonanko athu eezeru

Deuteronomo 13:4

Mwaathwareke Apwiya Mullukwaanyu, muwooveke, musungeke malamulwiiwa wiiwellella mawiiwa, mwaarumeyelleke ni waawanddeellella alliwa.

Deuteronomo 28:9

“Mwaawiiwellellaka malamulo mattheene ni weeta mu ettilla ddiwa, Apwiya eneerewuutthattusani weekhiiwa mutundu woopatuleya moollikana ni mmo yallupellelliiwa.

Deuteronomo 5:33

Mweeteke mu ettilla eyo Apwiya Mullukwaanyu yuulamulalliiwani wi ddeko ddiweetellekeni phaama nave wi enthawi ya okumaanyu erekame mu ellapo eyo munaawaakheenyu.”

Akolose 1:10

Mweeddiiddo muneerowora okhalla wonanko Apwiya enapaallelliiwa nave enthawi ddittheddene muneerekeweera ddoomuhakallalliha olliye. Makhallellwaanyu oneerewimma ezipaso ddaphaama ddoohiyanahiyana nave omudduwella wanyu Mulluku oneerewunnuwa.

Akolose 4:5

Makhallellwaanyu va athu oohimukhulupilila Mulluku ekhalleke eezeru, muphariheke mutteko enthawaanyu vaweerani ddaphaama.

1 Atesalonika 2:12

Nahuullipihani murima, nahuukhurumusani murima nave naanuuvekani wi mukhalleke ni makhallello oomuhakallalliha Mulluku, oyo anawiithanani nyuwaano wi muvollowe mu omwenaaye nave mu ntitimiho naye.

1 Atesalonika 4:1

Voomallihella, asinnihu ni arokorihu, mwahiiwa ovenyera wa hiyaano dda makhallello oomuhakallalliha Mulluku. Munnattakihera yaalla. Nave vano ninuuvekani mu nnddina na Apwiya Yesu wi mweereke ohiyana ni khalle.

1 Yohane 1:7

Koma nakhalla mu owalanko, wonanko olliye ariiye mu owala, sika nookhalla ni eyaattano va mmodda ni mukhwaaye nave nikhame na Yesu, Mwanaye, ninnaneelliha ovenyiha machimo mattheene.