Genesis 49:9 - Mawu a Mulluku

⁹ Yuda ari wonanko mwanamukango, Iipha enamaaye, annahokollweellattho nko aniipittheeye. Annattaphuruwa navettho annakonaatthi vatthi wonanko mukango, Nave khaavo anaallipe murima wi amuvenyihe.

Genesis 49:9 Iomraidhean Croise

1 Mamwene 10:20

Ddoosemiwa khumi ni piilli dda mikango ddahiimesiwattho emodda nngu ni nngu va erive esitepe va masitepe matthanu ni emoddaayo. Khawaarivo omwene waari ni mpando woopangiwa mwawi ddiidda.

2 Epilli 9:18

Mpando woomwenoolla waakhalla ni masitepe matthanu ni emodda ophiya vookeraatthella ni voonyingalla nave embali piilli ddittheddene ddaakhalla ni voohameellihavo miwono ni ddoosema dda mikango ddiimesiwe embali piillinnddo.

Ezekiele 19:5

“Amennyaalle yoonille wi mwaana yamuroromelliiwa oophariwa, yaamullella mwaana mmodda mwa aniiwa, emutthattusa mukango wamasiva.

Hoseya 5:14

Kineerewaalluphella Aefuremu nave kineerewaapuramella Ayuda wonanko mukango. Kineerewaakhaddulla nave kineerovenyavo, khaavo anaawore waavullusa.”

Hoseya 5:4

Mitteko ddiwa ddoonanara ddoowalla ettilla ddiwa ddoohokollweella wa Mullukwiiwa vawi munepa wooraruwa ori mwa alliwa nave khenadduwella dda Apwiya.

Mika 5:8

Oohalla a Yakobo enaakhalle variyari va mitundu ddinchichi dda athu wonanko mukango variyari va enama ddamuhakani. Anaakhalle wonanko mukango onavira variyari va mulloko wa enkhosa oyo onnaddiphara ni oddikhaddulla, oohikhallavo ooddivullusa.

Numeri 23:24

Mutundu wa Israele onavenya wonanko mukango waamutthiyana, onnatthupulluwa wonanko nankhoro a mukango, oyo ohinakonaatthi vatthi ophiyera opharille enama owirya nikhame na enama yoophariweeyo.”

Numeri 24:9

Israele ahiitta akonaatthi vatthi wonanko mukango, waamullopwana apaalle waamutthiyana. Ethiyo anaamuvenyihe ttaani? Oodala tti muthu oyo anuudalise ootembeleliwa tti muthu oyo anuutembelele.”

1 Akorinto 15:24

Vano ellapo yavatthi eneeromalla; Khrisitu aneerowoononga masiva mattheene oolamulella nave aneerovelleella omwenooyo wa Mulluku Attiitthinnya.

Deuteronomo 33:20

“Oodalisiwa ekhalle oyo anunnuwiha ellapwaaye, Gadi ari wonanko mukango, annanyenya muwono ni ekharakadda.

Yawuupullulla 5:5

Vano mmodda a attekweene aallota ni miyaano wi, “Ohinlle. Ngoona, edduullu ya Davide, mukango woovenyera o mulloko wa Yuda, oopambana nave aneerowora omarulla ddoomarella dditthanu ni piilli navettho okhunuulla nibukhunno.”