Genesis 49:6 - Mawu a Mulluku

⁶ Ngiwa kiiwanana ni ddoollota ddiwa ddavakhwipi, naari va mitthukumano ddiwa, ngiwa kaattanana, kaambiiwa yaawiipha athu moosha murima, nave yahaaphoriiha anankhoro a eng'ombe mwa ekuku, nave yahaatthattusa yoottheellana.

Genesis 49:6 Iomraidhean Croise

Genesis 34:30

Yakobo aamulleella Simeoni ni Levi wi, “Hii! Mookittatthamullella ekhoto nave mohunkhiha nnddina naka variyari va athu mwiillaponimmu, Akanani ni Aperezi. Miyaano nginna athu anchichi, sika alliwaalla yatthukumana wi ekihelle ekhoto, miyaano ni nibanja naka nittheene, attheene nineerewoonongiwa.”

2 Samuele 8:4

Nave Davide aamwaakha magareta 1,000, athu oowella va akavalo 1,700 ni akhoto aweeta vatthi 20,000. Eerille ddiiddo, Davide aaphadda misempha ddam'metoni dda akavalo koma ahaahiya akavalo ookwakhwanella magareta 100.

1 Epilli 18:4

Nave Davide aamwaakha magareta 1,000, athu oowella va akavalo 7,000 ni akhoto aweeta vatthi 20,000. Eerille ddiiddo, Davide aaphadda misempha ddam'metoni dda akavalo koma aahiya akavalo ookwakhwanella magareta 100.

Masalimo 1:1

Oodalisiwa tti muthu oyo ahineeta ni athu oonanara, ahiniimella ni athu oochimwa, ahinakeraatthi ni athu oomuvevulla Mulluku.

Masalimo 103:1

We murimaaka, atitimihe Apwiya, okumaaka muttheene riiha nnddina niwa naweella.

Masalimo 139:19

Nyu Mulluku, wakhalla wooworeya woonongeni athu oonanara, kivenyiherenivoni athu oomoriha nikhame.

Masalimo 16:9

Sika murimaaka onnahakallalla, muwariwari mwakammu kinnattaphuwa, okumaaka wookhalla ni murendelle.

Masalimo 26:9

Muhikitathillelle nimodda ni oochimwa, muhikivenyihelle okumi nimodda ni awiipha,

Masalimo 28:3

Muhikivenyihelle nimodda ni athu aweera ddoonanara, ayo eneera ddoolleka, ayo enallota ddamurendelle koma m'murimani mwiwa muddanlle ddawiitana.

Masalimo 30:12

Sika ngikhalla ellapo tuu, koma kineerewuutitimihani ni murimaaka muttheene. Apwiya nyuwaano tti Mullukwaaka, kineerewuuthokozani wa enthawi yoohimalla.

Masalimo 42:11

Kaambiiwa tini onamoriweewe ethakaraka, we murimaaka? Kaambiiwa tini onakatamihiweewe muwari mwaka? Mutiyere Mulluku vawi kineeromutitimihattho, oyo ari oovullusaaka ni Mullukwaaka.

Masalimo 42:5

Kaambiiwa tini onamoriweewe ethakaraka, we murimaaka? Kaambiiwa tini onakatamihiweewe muwari mwaka? Muroromelle Mulluku vawi kineeromutitimihattho, oyo ari oovullusaaka ni Mullukwaaka.

Masalimo 43:5

Kaambiiwa tini onamoriweewe ethakaraka, we murimaaka? Kaambiiwa tini onakatamihiweewe muwari mwaka? Muroromelle Mulluku vawi kineeromutitimihattho, oyo ari oovullusaaka ni Mullukwaaka.

Masalimo 5:10

Mulluku, areyeni machimo va muru viwa, opangana wiwa woonanara waakuhe weekhiiwa. Mwaavenyihevo vamiitthoni vanyu, ekaamba ya machimwiiwa manchichi, vawi ennuuwukilani nyuwaano.

Masalimo 57:8

We murimaaka venya, nyu zeze ni gitala, inllani! Kineerovenyiha nndduwa ni nchipo naka.

Masalimo 64:2

Kiipitthiheni o ddoopangana dda athu oonanara, echiwawa ya aweera oonanara.

Miyambo 1:11

Yallota wi, “Nithware wi namwiipitthelle muthu wi nimwiiphe, namwiipitthelle muthu oohilakwa.

Miyambo 12:5

Maganizo a athu oolungama tti awookowa koma malangizo a oonanara tti oolleka.

Yeremiya 15:17

Ngaakhanlle m'mutthukumano wa athu oovudduwa naari ohakallallana alliwa. Koma kahanlle meekha ekaamba yawi nnatta nanyu niri va miyaano nave mwaaddalliha owalli murimaaka.

Yeremiya 4:19

Kookhwa, kookhwa! Ha, murimaaka onimakivoreya, murimaaka oni pha, pha, pha! Ngiwora ovillella. Kinniiwa winlla wa nipallapata, okhuwa wa ekhoto.

Luka 12:19

Vano kineerollota wa murimaaka! Wookhalla ni ddeko ddookwakhwana miyakha ddinchichi. Sika ithuuwa, oche, owirye, ohakallalle.’

2 Akorinto 6:14

Muhaattaneke ni athu oohikhulupilila. Echilungamo ni yoonanara ddinaathaanane mwawiidde? Epiphi ni owala ddinaathaanane mwawiidde?

Deuteronomo 27:24

“Atembeleliwe arive muthu oomwiipha mwawiipittha mukhwaaye. “Nave athu attheene yaakhulle wi, ‘Amen!’

Yoswa 11:9

Yoswa aheera nnddo Apwiya yalamulalliiwa. Yahaaphoriiha akavalo attheene, ewoosa magareta.

Oweeruza 5:21

Maaddi oosefukella a muhinje wa Kishoni, yahaakwakwadda attheene, maaddi oothamaka, maaddi amasiva a muhinje wa Kishoni. Murimaaka llipihella, eta mwamasiva!”