Genesis 48:7 - Mawu a Mulluku

⁷ Kenre ddenndda ekaamba yawi enthawi kavenyereemi o Mesopotamiya, amaayo Rakele yakhwenlle mu ellapo ya Kanani, vihanlle mwanamutunda wi niphiye o Efurata. Ethakaraka ddaakimora wunchichi. Vano nahaavittha wenko mukhwipi mwa musewu wooyeella o Efurata.” (Efurata tti Betelehemu.)

Genesis 48:7 Iomraidhean Croise

Genesis 25:20

Isaki aari ni miyakha 40 enthawi eyo amutthellilleeye Rebeka mwaana a Betuele Muaramu a o Mesopotamiya. Murokoriye Rebeka aari Labani, Muaramu.

Genesis 33:18

Vatulli viwa Yakobo aaphiya phaama o muzinda wa Shekemu mu ellapo ya Kanani, ahokollowille ovenyera o Mesopotamiya. Nave aatthipella misasa vanipuroni na vakhuviru ni muzindooyo.

Genesis 35:20

Nave Yakobo ahiimesa nlluku na yawuupuwella va mahame a Rakele. Nllukunno nookhallawove ophiyera ollello.

Genesis 35:9

Yakobo awiillewo o Mesopotamiya wulle, Mulluku aamooneyellattho nave amudalisa.

Genesis 48:6

Koma ooyariwa vatulli va alliwaayo enaakhalle aawo nave enaakhelle yoohallaniiwa oweella mwa asinniwa Efuremu ni Manase.

Mika 5:2

Apwiya enallota wi, “We Betelehemu Efurata, ori mung'onong'ono variyari va matawoni a Yuda koma mwa weyaano muneerovenyera oolamulella Israele. Olliyoolla maambeellwaaye tti akhallekhalle, a mallapo oohaamba.”

Mateyu 2:18

“Okhuwa onniiweya o Rama, wa ekutho ni winlla wunchichi, Rakele anawinllella anaaye, animakhoota okhurumusiwa murima, kaambiiwa anaaye aakhwa.”

Rute 1:2

Nnddina na muthu yoolla naari Elimeleki nave mwaariye aari Naomi. Anaaye eellaalle manddiniiwa yaari Maloni ni Kiliyoni. Yaari a nlloko na Efurati oovenyera o Betelehemu o Yuda. Yaaya o Mowabu yakhallaka wenko.

1 Samuele 1:1

Waakhalla muthu mmodda nnddina naye aari Elikana oovenyera mu nlloko na Efuremu o etawoni ya Rama eyo yaari mu ellapo yamiyaango ya Efuremu. Olliye aari mwaana a Yerohamu edduullu ya Elihu, edduullu ya Tohu, edduullu ya Zufu, a nlloko na Efuremu.

1 Samuele 10:2

ollellova nahiyana oneerokumana ni athu eelli va mahame a Rakele o Zeliza mu echigawo ya Benjamini. Alliwaayo eneerewuulleella wi abulu wawaashaawaalle aaphwanyeya. Nave attiittho aahiya ddawaakhupanya abulwaayo koma enakhupanya dda weyaano, enallota wi, ‘Kinaawere tini miyaano vawi mwanaka khanooneya?’

1 Samuele 16:4

Samuele aheera nnddo Apwiya yamulamulalliiwa, aphiya o Betelehemu. Oohoollella a m'muzindanimmo yamuchingamella etthukumellaka nave yamukoha wi, “Ethiyo mwaweella waarera?”

1 Samuele 17:12

Davide aari mwaana a Yese, mu Efurati, o Betelehemu a o Yuda. Oyo aari ni anamwani aallopwana atthanu ni araru. Va enthawi ya mwene Saulo, Yese aari uulluvanlle wunchichi.