Genesis 48:4 - Mawu a Mulluku

⁴ Nave aakilleella wi, ‘Kineerewuuvaha wi okhalle nikhollo nuullupalli na mitundu ddinchichi dda athu. Ellapweella kineerovaha edduullu ddawo wi ekhalle yayiwa wa enthawi yoohimalla.’ ”

Genesis 48:4 Iomraidhean Croise

Genesis 12:2

Kineerewuutthattusa nikhollo na mutundu nuullupalli nave kineerewuudalisa ni wuutthattusa oovuwa wi okhalle madaliso.

Genesis 17:13

Aphaddiweke arive kaporo ooyariwa mpa mwanyu apaalle kaporo mwamukunlleenyu ni makobiraanyu. Nave yeella ekhalle echizindikiro ya va miilli ddanyu, yawooniha wi echipanganwaaka ni nyuwaano tti ya enthawi yoohimalla.

Genesis 17:6

Kineerewuuvaha edduullu ddinchichi vawi ddinaakhalle mitundu ddinchichi nave ddimodda mwa edduullunnddo ddinaakhalle mamwene.

Genesis 17:8

Ellapo ella onakhalleewemo wonanko mulleto, kineerewuuvaha weyaano ni edduullu ddawo. Ellapo ettheene ya Kanani enaakhalle ya edduullu ddawo wa enthawi yoohimalla nave miyaano kineerokhalla Mullukwiiwa.”

Genesis 22:17

kineerewuudalisa wunchichi ni wuuvaha edduullu ddinchichi wonanko etheneeri dda oddullu navettho wonanko mihava dda mukhwipi mwa enyanja. Edduullu ddawo ddineerewaagonjiha adaniiwa attheene.

Genesis 26:4

Kineerewuuvaha edduullu ddinchichi wonanko ddikhallelle etheneeri ddooddullu nave edduullu ddawonnddo kineeroddivaha ellapo ddittheddenenndda. Mitundu ddittheddene dda va ellapo yavatthi ddineerodalisiwa oyeella mwa edduullu ddawo.

Genesis 28:3

Mulluku Amasiva Mattheene uudalise nave uuvahe edduullu ddinchichi wi okhalle nlloko nuullupalli na mitundu ddinchichi dda athu.

Genesis 32:12

Upuwellani lonjezo nanyunne nawi, ‘Kineerewuupwatha wi ddeko ddiweetelle phaama nave kineerewuuvaha edduullu ddinchichi ddooheerengeya. Ddinaakhalle ddinchichi wonanko mihava dda mukhwipi mwa enyanja.’ ”

Genesis 35:11

Nave Mulluku aamulleella wi, “Mi tti Mulluku, Amasiva Mattheene. Nave muyarane wi mwaate. Edduullu ddawo ddineerokhalla mitundu ddinchichi nave ovenyera mwa ddennddo muneerokhalla mamwene.

Genesis 46:3

Vano Mulluku aamulleella wi, “Mi tti Mulluku, Mulluku a attiittho. Ohoove oya o Iguputo. Wenko kineeroruuwiha edduullu ddawo wi ddikhalle mutundu muullupalli.

Genesis 47:27

Aisraele yaakeraattheya o Iguputo nave yaakhalla ni eyuuma yinchichi navettho yahaayara anamwani anchichi.

Masalimo 127:3

Ddawoona, anamwani tti emphaso yoovenyera wa Apwiya, edduullu tti yoothuviwa yoovenyera wa alliwa.

Eksodo 1:11

Nave yahaahiyavo uullupalli a thangata owaaphariha mutteko Aisraelaayo mwa ekuku. Aisraele yaamumakella Faraooyo mizinda dda Pitomu ni Ramsesi, nko wasungiwa ddoocha.

Eksodo 1:7

Koma Aisraele, edduullu ddiwa, yahaayara anamwani anchichi. Yaaruuwa, yahaata ekhalla amasiva manchichi nave eddalla ellapweeyo.

Ezekiele 37:25

Eneerokhalla mu ellapo eyo kamuvahilleemi oorumeyellaaka Yakobo nko wakhalla makhollwaanyu. Alliwaayo, aniiwa ni edduullu ddiwa eneerokhalla wenko wa enthawi yoohimalla. Nave oorumeyellaaka Davide aneerokhalla oohoollelliwa wa enthawi yoohimalla.

Levitiko 26:9

Kineerowuupuwellani nave kineeroweerihani wi mwaayare anamwani anchichi ni oweerihani wi mwaate. Kineerosunga echipanganwaaka ni nyuwaano.

Deuteronomo 32:8

Mvo Amasiva Mattheene akawenlleeye ezigawo mitundu ddimodda, mvo aamwallanihalleeye athu, ahaahiyera malire moollikana ni waata wa athu a Mulluku.