Genesis 48:17 - Mawu a Mulluku

¹⁷ Yosefe oonille wi attiitthinnya etthinnddaanyere nnattanatta niwa vamuruni va Efuremu, khaahakallallille. Nave aakusa muwono wa attiitthinnya owuvenyihavo vamuru va Efuremu, awuhiya vamuru va Manase.

Genesis 48:17 Iomraidhean Croise

Genesis 28:8

Sika Esau ahoona wi attiitthinnya Isaki kheyaapaalla atthiyana o Kanani.

Genesis 38:10

Eerilleeyenndda ddaamushiha murima Mulluku sika Apwiya yaamwiiphattho Onani.

Genesis 48:14

Koma Yakobo aavirikaniha matta atthinddaanyera nnattanatta naye va muru va Efuremu oyo aari mung'onong'ono nave nnatta noonyotthwaaye aanitthinddaanyera va muru va Manase oyo aari muullupalli.

Genesis 48:18

Ahaalleella attiitthinnya wi, “Muheere ddiiddo attiitthi. Muullupalli tti olla, sika nnattanatta nanyu nikhalle va yoolla.”

1 Mamwene 16:25

Koma Omuri aheera ddoonanara vamiitthoni va Apwiya nave machimwaaye yaakhwaranya a mamwene mattheene akhalle.

1 Epilli 21:7

Koma Mulluku khaahakallanllena weerenganko nave ahaallaka Aisraele.

Miyambo 24:18

Apwiya ttuuwoona ni ohihakallallana sika ttuuhiya omunanariwella.

Numeri 11:1

Nllapo nimodda athu yaakhupanya Apwiya yiiwaka. Apwiya yiiwalliiwa ddenndda yaasha murima nave munllo wa Apwiya waakhara va athwaayo, oshellelliha misasa dda mukhwipi.

Numeri 22:34

Balamu aamwaakhulla mungelo wi, “Koochimwa. Ngaadduwella wi munakiwallella ettilla. Ekaamba ya yeella, ddaarimi dduunanarilleni, kineerohokollowa.”

Aroma 9:11

Nave wi otthoolliwa wa mwaana mmodda wooneye wi yaari yoolinga ya Mulluku, Mullukooyo aallota wi, “Muullupallooyo aneerekomurumeyella mung'onong'onooyo.” Aallotille ddenndda ehinayariwe, ehineere erive ello naari yaphaama apaalle yoonanara. Sika otthoolla wa Mulluku waari moollikana ni wiithaniwa wa mmoddooyo, ohiri moollikana ni erive ello yenriiwa.

Yoswa 17:1

Echigawo emodda ya ellapweeyo yaavahiwa wa Manase oyo aari mwaana awaamba a Yosefe. Makiri, nikhollo na athu ookhalla o Giliyadi sika aari mwaana awaamba a Manase. Makiri aarittho akhoto wawi ezigawo dda Giliyadi ni Bashani ddaavahiwa wa olliye.

1 Samuele 16:7

Koma Apwiya yaamulleella Samuele wi ohinawehaka oreera apaalle orekama waye vawi yooyo koomukhoota. Apwiya khenoona wonanko athu enoonelliiwa. Athu enaweha dda otte koma Apwiya enaweha dda m'murimani.