Genesis 48:16 - Mawu a Mulluku

¹⁶ oyottho tti mungelo akoopollille o ddawoononga ddittheddene, aadalisettho! Oyeella mwa asombwe eellaalla, nnddina naka ni manddina a makhollwaaka Abrahamu ni Isaki, evuwihiwe va enthawi ddittheddene! Ekhalle ni edduullu ddinchichi va ellapo yavatthi, nave ekhalle mutundu muullupalli va ellapo yavatthi!”

Genesis 48:16 Iomraidhean Croise

Genesis 22:11

Koma mungelo a Apwiya aamwiithana ovenyera oddullu wi, “Abrahamu, Abrahamu!” Olliye ahaakhulla wi, “Ee, Apwiya!”

Genesis 22:15

Mungelo a Apwiya aamwiithana Abrahamu wiilli ovenyera oddullu wi,

Genesis 32:28

Muthooyo aallota wi, “Nnddina nawo khanikhallattho Yakobo. Vawi woollipana ni Mulluku vamoddattho ni athu nave woopambana, sika nnddina nawo ninaakhalle Israele.”

Genesis 46:3

Vano Mulluku aamulleella wi, “Mi tti Mulluku, Mulluku a attiittho. Ohoove oya o Iguputo. Wenko kineeroruuwiha edduullu ddawo wi ddikhalle mutundu muullupalli.

Genesis 48:5

“Sika vano anaawo eelli waayarilleewe o Iguputo wuno, miyaano kihinawe, yaayottho tti anaaka. Efuremu ni Manase enaakhalle anaaka, wonanko ekhallelle Rubeni ni Simeoni.

Genesis 49:22

“Yosefe ari wonanko enthambi yawiima ezipaso, enthambi yawiima ezipaso vakhuviru ni neetuutu, enthambi yoorapella vasirini.

2 Samuele 4:9

Koma Davide aamwaakhulla Rekabu ni mwanamunne Baana, anamwani a Rimoni a o Beeroshiti wi, “Kinimallupella vamiitthoni va Apwiya Ookumi ayo yooponlle okumaaka m'mattani mwa adanaaka attheene.

1 Mamwene 1:29

Nave mwene aallupella wi, “Apwiya Mulluku Ookumi a Israele yaakoopolla o ddoohoosa ddaka ddittheddene. Sika vano ollello kineerosunga nnddo kallupenlleemi mu nnddina niwa wi Solomoni sika anaavollowe omwenaaka.”

2 Epilli 7:14

ayo enaromolliwa mu nnddina naka yiiyeviha evekella waasha ekhovaaka, ni ohiya machimwiiwa kineerowiiwa oddullu nave kineerewaakhululukella machimwiiwa ni ovullusa ellapwiiwa.

Masalimo 121:7

Apwiya eneerewuuteteza o ddoonanara ddittheddene, eneerosunga okumaawo.

Masalimo 34:2

Okumaaka oneerewaakotella Apwiya, oohoosiwa yiiwe nave ehakallalle.

Masalimo 34:22

Apwiya ennavullusa okumi wa oorumeyelliiwa, khaavo oothawella wa alliwa anallakiwa.

Masalimo 34:7

Mungelo a Apwiya annawaapheella athu oowoova Apwiya, annaavullusa.

Masalimo 34:8

Llawihani moone, Apwiya tti aphaama, oodala tti muthu oothawella wa Apwiya.

Eksodo 1:7

Koma Aisraele, edduullu ddiwa, yahaayara anamwani anchichi. Yaaruuwa, yahaata ekhalla amasiva manchichi nave eddalla ellapweeyo.

Yesaya 47:4

Aweella a Israele sika Oonoopollaahu, nnddina naye tti Apwiya Amasiva Mattheene.

Yesaya 63:9

Mu ddoohoosa ddiwa ddittheddene alliwa aahoowa. Mungelo oovenyera wa alliwa ahaavullusa nave aawoopolla mwa echikondiiwa ni echifundwiiwa. Sika Apwiya ennaapwatha wonanko anamwani ovenyera khalle.

Yeremiya 14:9

Kaambiiwa tini munakhalleenyu wonanko awiimella muru, wonanko akhoto oohiwora ovullusa? Komave nyu Apwiya muri variyari vahu, ninnadduwelliwa ni nnddina nanyu, muhinihiye weekhiihu.”

Yeremiya 15:21

Kineerowakihera wa athu oonanara nave kineerowoopolla wa athu eekuku. Mi Apwiya koollota.”

Amosi 9:12

Enthawi yeeyo Aisraele oohalla eneerogonjiha ddoohalla dda o Edomu vamodda ni mitundu ddittheddene nnddo ddinadduwanyeya ni nnddina naka. Mi Apwiya koollota nave kineereweera killotilleeminndda.”

Malaki 3:1

Apwiya Amasiva Mattheene enallota wi, “Ngoonani, kineeromuruma amithengaaka wi akipotokoselle ettilla. Sika Apwiya munawaashaasheenyu eneerophiya o enyumbiiwa moorurumusa. Amithenga a echipangano oyo munahakallalleenyuna aneeroowa. Mi Apwiya Amasiva Mattheene koollota.

Numeri 1:46

yaari 603,550.

Mateyu 6:13

Muhinikuselle woweesiwa, koma munivulluse wa Oonanarooyo.

Yohane 17:15

Nginuuvekani wi mwaavenyihemo mu ellapo yavatthi koma wi mwaateteza phaama wa Oonanarooyo.

Mitteko 15:17

Vano athu amodda attheene yahanllaayo eneeroowa wa miyaano, athu attheene ayo ehiri Ayuda, ayo kaawiithanilleemi wi ekhalle aaka.

Aroma 8:23

Koma khe ddoophatusiwave ddiniipullella, hiyaanottho niri ni Munepooyo, emphaso yawaamba ya Mulluku ninniipullella m'murimani mwahu ninatiyereehu wi Mulluku aneere anaaye nave attaphulle omuthwaahu.

1 Akorinto 10:4

Nave attheene yaawirya yoowirya emoddamoddave yeeyo ya munepa. Yaawirya mu nlluku na munepa nno naathwara; nave nlluku nenno naari Khrisitu.

1 Akorinto 10:9

Nihimweese Apwiya wonanko amodda a alliwaayo vawi yahiiphiwa ni enowa.

Deuteronomo 28:10

Sika athu attheene a va ellapo yavatthi ettheene eneerewoona wi Apwiya Mullukwaanyu ahuutthoollani wi mukhalle yoohallaniiwa nave eneerekowoovani.

Deuteronomo 33:17

Yosefe ookhalla ni masiva wonanko nankhoro a eng'ombe, manyakaaye tti wonanko a enari, manyaka awiikarihella mitundu ddimodda, oddiikarihella woomallihella wa ellapo. Manyakaaye tti akhoto ooheerengeya a Efuremu, navettho akhoto anchichi a Manase.”

2 Timoteo 4:18

Nave Apwiya eneerokaakiha o erive yoonanara navettho eneerokivollochiha phaama mu omwene wooddullu. Wa olliye okhalle ntitimiho wa enthawi yoohimalla. Amen.

Tito 2:14

Ahiivelleella yeekhaaye mu nipuro na hiyaano wi anoopolle hiyaano o machimo mattheene nave wi aneerihe wi nikhalle aweella navettho wi nikhalle aaye ayo mirima ddiwa ddiri va mitteko ddaphaama.

Aheberi 11:21

Ekaamba ya echikhulupililo, Yakobo ari vakhuviru okhwa, aamudalisa arive mwaana a Yosefe. Eera ddenndda ahameelle mutootwaaye, amullapellaka Mulluku.

Yoswa 17:17

Yoswa aalleella edduullu dda Yosefe, dda nlloko na Efuremu ni na Manase wi, “Nyu mohaata nave nyuwaano muri amasiva muneerewaakhella ezigawo ddimoddattho.