Genesis 48:15 - Mawu a Mulluku

¹⁵ Nave aamudalisa Yosefe voollotani wi, “Mullukwaaka oyo makhollwaaka Abrahamu ni Isaki yamurumeyelliiwa, Mulluku oyo akihoollelle mu okumaaka muttheene ophiyera ollello,

Genesis 48:15 Iomraidhean Croise

Genesis 17:1

Abramu ari ni miyakha 99 Apwiya yaamooneyella emulleella wi, “Mi tti Mulluku Amasiva Mattheene. Vano wiiwellelleke enthawi ddittheddene nave ohichimweke

Genesis 24:20

Mwawaakuva ahiithella maaddi ammunonaalle moowiryella enama nave aahokollweella wiihimeni wulle. Nave aarika maaddi mamodda wi awiryihe ekamira ddittheddenennddo.

Genesis 24:40

Alliwa yaakaakhulla wi, ‘Apwiya ayo kikhanlleemi kiwiiwellellaka enthawi ddittheddene, eneeromuruma mungelwiiwa wi eete nimodda ni weyaano nave aweeriha wi ddiweetelle phaama. Nave oneeromwaashera mwanaka mutthiyana ovenyera wa athwaaka, o nibanja na attiitthaaka.

Genesis 27:27

Asuserille vakhuviru ni olliye amukhupaarella nave Isaki ahunkha ddoowara nnddo awarille Yakobo nave vaavo aamudalisa. Aallota wi, “Wunkhella wa mwanaka tti wonanko wunkhella wa emata yoodalisiwa ni Apwiya.

Genesis 27:4

Okaapeyelle yoocha yooddiva kinayikondeemiille nave oweena wuno. Kamalliha ocha, kineerewuudalisa kihinakhwe.”

Genesis 28:20

Vano Yakobo aallupella wa Mulluku wi, “Mwakhalla ni miyaano nave mwakiteteza phaama voolendonaakoolla navettho mwakivaha ddoocha ni ddoowara,

Genesis 28:22

Nlluku na yawuupuwelliha kiimesilleeminna ninaakhalle enyumbaanyu nave miyaano kineerowinnyani yaneekhumi ya ddittheddene munaakivaheenyu.”

Genesis 28:3

Mulluku Amasiva Mattheene uudalise nave uuvahe edduullu ddinchichi wi okhalle nlloko nuullupalli na mitundu ddinchichi dda athu.

Genesis 35:3

Nineerotthaamawo wuno nave nineeroya o Betele nko kineereemi kamake nikuwa na Mulluku oyo akikaviherille va enthawi ya ddookatamiha ddaka. Vawi olliye sika akhanlle akiweheraka orive weko kayeemiwo.”

Genesis 48:16

oyottho tti mungelo akoopollille o ddawoononga ddittheddene, aadalisettho! Oyeella mwa asombwe eellaalla, nnddina naka ni manddina a makhollwaaka Abrahamu ni Isaki, evuwihiwe va enthawi ddittheddene! Ekhalle ni edduullu ddinchichi va ellapo yavatthi, nave ekhalle mutundu muullupalli va ellapo yavatthi!”

Genesis 49:22

“Yosefe ari wonanko enthambi yawiima ezipaso, enthambi yawiima ezipaso vakhuviru ni neetuutu, enthambi yoorapella vasirini.

Genesis 49:24

Koma olliye muuraaye wahiimella moollipa nave miwono ddaye ddaallipattho, ni masiva a Mulluku Amasiva Mattheene a Yakobo, oyo tti Mbusa, Nlluku na Israele.

Genesis 49:28

Alla sika attekweene a malloko khumi ni meelli a Israele nave alla sika attiitthiiwa Yakobo aalleelleeye, mvo amudaliseeye arive muthu mwa alliwaayo voollanyanani.

Genesis 6:9

Nna sika ntthopoollo na Nowa. Nowa aari muthu oolungama ni oohichimwa vamiitthoni va Mulluku. Nave mum'badwaaye aari yooyove aattanille ni Mulluku.

1 Mamwene 3:6

Nave Solomoni ahaakhulla wi, “Mwaahooniha echikondi yuullupalli ni yoohisintheya wa attiitthaaka Davide, oorumeyellaanyu kaambiiwa yaari oororomelleya, eechilungamo ni aphaama vamiitthoni vanyu. Nave mwaavirellella owooniha echikondi yuullupalli ni yoohisintheya vawaavahani mwaana oyo vano akeraatthille va mpandwiiwa woomwene.

1 Epilli 5:1

Alla sika anamwani a Rubeni mwaana awaamba a Yakobo. Rubeni aari mwaana awaamba koma ekaamba yawi aakona ni mmodda mwa awariwa ang'onong'ono a attiitthinnya, ottekweenaaye waavahiwa wa Yosefe mwanamunne. Sika ekaambiiwa ahinaphwanyeyeeye va ntthopoollo na anamwani awaamba.

Masalimo 16:8

Erive enthawi kinnaahiya vamurimani Apwiya, vawi eri onnattanatta waka, sika khaavo oyo anaakitikhe.

Masalimo 23:1

Apwiya sika mbusaaka, kheyiivo kinaapaallekeemi.

Masalimo 37:3

Aroromelleke Apwiya nave weereke ddaphaama, khalla mu ellapo nave othwareke ddawoona.

Eksodo 3:16

Khawe waatthukumanihe oohoollella attheene a Aisraele, waalleelle wi, ‘Apwiya Mulluku a makhollwaanyu, Mulluku a Abrahamu, Isaki ni Yakobo, aakooneyella nave aakilamula wi kuulleelleni wi oowa wa nyuwaano nave ohoona ddittheddene enaweerellani Aiguputo.

Eksodo 4:5

Apwiya yaamulleella wi, “Weere ddenndda wi ekhulupilile wi Apwiya Mulluku a makhollwiiwa, Mulluku a Abrahamu, Mulluku a Isaki ni Mulluku a Yakobo, aawooneyella.”

Oollalleya 5:12

Mullupa mutteko annakona ekhove ddaphaama naari achille vang'ono apaalle wunchichi. Koma eeyuuma yinchichi khanakona ekhove.

Oollalleya 5:18

Kheyiivo emodda yaphaama wa muthu okhwaranya yoocha, yoowirya ni ohakallallella mitteko ddaye nnddo muthu anaphareeye vatthimva, mallapo ooyeva a okumaaye oyo Mulluku amuvahilleeye. Yeella tti echigawaaye.

Oollalleya 6:7

Muthu annaphara mutteko wi aphwanye yoocha koma khanakwakhwanihiwana.

Yesaya 30:21

Mwaahapuwellaka onnattanatta apaalle onyotthoni, muneerewiiwa otulli wanyu mawu owuutthoonyihellani ettilla awi, “Ettilla tti yeella, muthwareke yeella.”

Yesaya 33:16

Muthu awi ddiidda aneerokhalla va nipuro nooteteziwa nave woothawella waye onaakhalle o mipanda ddamalluku. Aneerekovahiwa yoocha nave kharamiwaka maaddi.

Yeremiya 8:2

Nave eneerewaaneya vanndduwani, vamweerini ni veetheneeri ddittheddene ddooddullu nnddo yaddikondiiwa, enaarumeyella, enaathwara, enaaveka ezeru ni oddillapella. Makhuvaayo khetthukumanihiwa apaalle ovuhellelliwa koma enaatthattuwe manyowa oomwareyella vatthi.

Luka 1:6

Eellaalla yaari oolungama vamiitthoni va Mulluku nave yahiiwellella phaama malamulo ni ddoolamulella dda Apwiya.

1 Akorinto 10:31

Sika erive ello muneereenyu, munacheenyu apaalle munawiryeenyu, mweereke wi m'mutitimihe Mulluku.

2 Akorinto 1:12

Ninnakotella wi yawuupusella murimaahu ennanisimikizella wi naakhalla moolungama ni moororomelleya makamaka nakhalleehu ni nyuwaano. Khanaawerille nndda oweella mu ezeru dda athu koma oweella mu echisomo ya Mulluku.

Deuteronomo 33:1

Alla sika madaliso ayo Mose muthu a Mulluku avelleelleeye wa Aisraele ahinakhwe.

Akolose 2:6

Vawi moomwaakhullella Khrisitu Yesu okhalla Apwiyaanyu, mukhallekettho mu eyaattano ni olliye.

1 Atesalonika 2:12

Nahuullipihani murima, nahuukhurumusani murima nave naanuuvekani wi mukhalleke ni makhallello oomuhakallalliha Mulluku, oyo anawiithanani nyuwaano wi muvollowe mu omwenaaye nave mu ntitimiho naye.

Aheberi 11:21

Ekaamba ya echikhulupililo, Yakobo ari vakhuviru okhwa, aamudalisa arive mwaana a Yosefe. Eera ddenndda ahameelle mutootwaaye, amullapellaka Mulluku.