Genesis 48:14 - Mawu a Mulluku

¹⁴ Koma Yakobo aavirikaniha matta atthinddaanyera nnattanatta naye va muru va Efuremu oyo aari mung'onong'ono nave nnatta noonyotthwaaye aanitthinddaanyera va muru va Manase oyo aari muullupalli.

Genesis 48:14 Iomraidhean Croise

Genesis 41:51

Sika aallota wi, “Mulluku ookitiwalliha ohoowa waka ottheene wulle vamoddattho ni dda nibanja na attiitthaaka.” Sika mwanaye awaamboolle amuromolla Manase.

Genesis 41:52

Nave aallotattho wi, “Mulluku ookivaha anamwani mu ellapo ya ddookatamiha ddaka.” Sika mwaana aneepiillooyo aamuvaha nnddina nawi Efuremu.

Genesis 46:20

Manase ni Efuremu yaari anamwani ayo Yosefe aayarilleeye mwa Asenati, mwaana a Potifera mullupa mukutho o Oni.

Genesis 48:13

Yosefe ahaaphareella anamwanaayo, Efuremu aamuhiya wuunyotthoni wa Yakobo nave Manase o nnattanatta naye.

Genesis 48:17

Yosefe oonille wi attiitthinnya etthinnddaanyere nnattanatta niwa vamuruni va Efuremu, khaahakallallille. Nave aakusa muwono wa attiitthinnya owuvenyihavo vamuru va Efuremu, awuhiya vamuru va Manase.

Genesis 48:18

Ahaalleella attiitthinnya wi, “Muheere ddiiddo attiitthi. Muullupalli tti olla, sika nnattanatta nanyu nikhalle va yoolla.”

Masalimo 110:1

Apwiya yahaalleella apwiyaaka wi, “Khalla o nnattanatta naka ophiyera kaatthattusalle adanaawo voonyingallavo manyallwaawo.”

Masalimo 118:16

Nnattanatta na Apwiya noopambana, nnattanatta na Apwiya ninnagonjiha mwamasiva.”

Eksodo 15:6

Nyu Apwiya, nnattanatta nanyu tti nootitimiheya, ekaamba ya masiviiwa, Apwiya, nnattanatta nanyu ninnaanyenya adani.

Numeri 2:18

“Enaakhalle woovollowa nndduwa ekhalle ayo eri ni embendela ya misasa dda nlloko na Efuremu milloko milloko. Oohoollella a nlloko na Efuremu tti Elishama, mwaana a Amihudi,

Numeri 8:10

Waawaavelleellaka Alevaayo vamiitthoni va Apwiya Aisraele etthinddaanyere mattiiwa va Alevi.

Numeri 8:18

Vano variyari va Aisraele kohaakusavo Alevi munipuroni mwa anamwani attheene awaamba.

Mateyu 16:18

Sika kinuuvaha nnddina nawi Petro ottaphullella wi, ‘nlluku’. Vanllukuni vaava kineeromakavo mpingwaaka nave masiva a okhwa khewugonjiha.

Mateyu 19:13

Athu amodda yaawaana anamwani wa Yesu wi awiiyaatthi matta ni waavekellella koma oohuddera yahaahumullulla athwaayo.

Mateyu 19:15

Sika ahaadalisa yaayo nave aavenyavo.

Mateyu 6:5

“Mwaavekellaka, muhinaphwanaphwanaka ni awoottha! Alla ennakonda wiimella ni ovekella mu enyumba ddamavekello ni m'makhullukano wi arive muthu awooneke. Ddawoona, kinimuulleellani wi yaallathi ahaakhella khalle yoothuviwiiwa.

Luka 13:13

Vano ahiiyaatthi mattaaye va olliyooyo nave enthawi yeeyo ahookowa iimella, amutitimiha Mulluku.

Luka 4:40

Misikuwa nndduwa nivollowaka athu attheene yaarina akhwiiwa oovoriiwa ereta ddoohiyanahiyana yaawaana wa Yesu. Vano ahiiyaatthi mattaaye va attheenaayo, aachiriha.

Mitteko 13:3

Vano yaahalla ocha, yaavekella, yahiiyaatthi mattiiwa va alliwaayo nave yaaruma.

Mitteko 6:6

Mullokooyo wahaavelleella athwaayo wa amurummwa, ayo yaavekenlle navettho yaadalisalle vawiiyaatthini mattiiwa va miru ddiwa.

Deuteronomo 34:9

Vano Yoswa, mwaana a Nuni, aaddalliwa ni ezeru ekaamba yawi Mose aamwiiyaatthi matta wi avollowe muniporoni mwaye. Aisraele yaamwiiwellella Yoswa ni othwara malamulo mattheene ayo Apwiya yaalamulalliiwa oweella mwa Mose.

1 Timoteo 4:14

Ohivevulle emphaso eri mwa weyaano, eyo yavahiwe wa weyaano oweella mwa mawu oollotella va enthawi ya wiiyaatthi wa matta a attekweene va weyaano.

1 Timoteo 5:22

Ohaakuveke wiiyaatthi matta va muthu naari ochimwa vamodda ni athu amodda. Weyaano vaweekhaawo okhalleke aweella.