Genesis 47:7 - Mawu a Mulluku

⁷ Nave Yosefe ahaakusa Attiitthinnya, Yakobo, ayaana wa Farao. Nave Yakobo aamudalisa Farao.

Genesis 47:7 Iomraidhean Croise

Genesis 14:19

Aamudalisa Abramooyo wi, “Mulluku Amasiva Mattheene, oophatusa oddullu ni ellapo yavatthi, uudalise weyaano Abramu.

Genesis 35:27

Yakobo aaphiya wa attiitthinnya o Mamure, nkottho waromolliwa o Kiriyati Ariba apaalle Hebroni, nko wakhalla Abrahamu ni Isaki wonanko alleto.

Genesis 47:10

Nave amudalisalle Farao, yaallaanyana nave aavenyavo.

Genesis 47:8

Vatulli viwa Farao aamukoha Yakobo wi, “Muri ni miyakha mikavi?”

2 Samuele 14:22

Yowabu ahiikuha apopheya ekhovaaye vatthi, amullapella, amuthokoza mwenooyo. Vano aallota wi, “Koodduwella wi nyu apwiyaaka munnakeerella echifundo kaambiiwa mohaakhullella oveka waka.”

2 Samuele 19:39

Sika athu attheene yaallapuwa muhinje wa Yordani nave mwenooyo aallapuwattho. Vano mwene aamukhupaarella Barizilai amudalisa nave olliye aahokollweella owaniwa.

2 Samuele 8:10

aamuruma mwanaye Yoramu wa mwene Davide wi amullochelle. Apaallattho amullochelle ni omuthokoza ekaamba yawi aawana ekhoto ni Hadadezere nave aamugonjiha vawi Hadadezerooyo wiilliwiilli awanesa ekhoto ni Toi. Vano Yoramooyo aawa ni emphaso ddoopangiwa ni siliva, golide ni mukuwa.

1 Mamwene 1:47

Navettho oomurumeyella mwene yaamuriiha pwiihu mwene Davide voollotani wi, ‘Mullukwaanyu avuwihe nnddina na Solomoni okhwaranya naanyu nave mpandwaaye woomwene wunnuwe okhwaranya waanyu.’ Nave mwene aakokhora vabedini vaye avekella wi,

1 Mamwene 8:66

Va nllapo naneetthanu ni raru, Solomoni ahaalleella athwaayo wi eroweke. Yaamuthokoza mwenooyo nave yaarowa ni murima woohakallalla ni woothapella ekaamba ya ddaphaama ddittheddene nnddo Apwiya yamweerelliiwa Davide oorumeyelliiwa ni athwiiwa Aisraele.

2 Mamwene 4:29

Elisha aamulleella Gehazi wi, “Mmakelle laambaawo muyuunoni, akuva nave kusa ekopwaaka oyeewo. Wakumana ni arive muthu muttilla, ohimuvahe mooni nave mmodda uuvaha mooni ohimwaakhulle. Vano wahiye ekopwaakeella veekhoveni ya mwaanooyo.”

Eksodo 12:32

Mukuse enkhosa ddanyu, epuri ddanyu, abulwaanyu ni eng'ombe ddanyu ddene moollikana ni mmo mwallotilleenyu nave muvenyemo. Mwavekelle wi nameenettho akidalise.”

Mateyu 26:26

Yesu ni oohudderaaye yachiiwa Yesu aamukusa buledi avekella omuthokoza Mulluku. Vano aamumeyameya buledooyo aavaha oohudderaaye, allota wi, “Kusani, chani, olla sika mwiillaaka.”

Luka 22:19

Vano Yesu aamukusa buledi avekella omuthokoza Mulluku. Vano aamumeyameya buledooyo aavaha oohudderaaye allota wi, “Olla sika mwiillaaka woovahiwa ekaamba ya nyuwaano. Mweereke yeella vookuupuwellani miyaano.”

Yoswa 14:13

Enthawi yeeyo Yoswa aamudalisa Kalebe, mwaana a Yefune, amuvaha ellapo ya Hebroni wi ekhalle yoohallaniiwa.

Yoswa 22:6

Sika Yoswa ahaadalisa athwaayo aalleella wi eroweke. Vano athwaayo yaarowa owaniwa.

1 Petro 2:17

Mumuvaheke olemu arive muthu, mwaakondeke ookhulupilila akhwiinyu, mumooveke Mulluku nave mumuvaheke olemu Kaisara.

1 Samuele 2:20

Vano Eli aanaadalisa Elikana ni mwaariye voollotani wi, “Apwiya yuuvaheni anamwani mwa mutthiyana yoolla munipuroni mwa olle mwamuvekilleenyu wa Apwiya.” Yeeddiiddo yaanahokollweella owaniwa.