Genesis 47:23 - Mawu a Mulluku

²³ Vano Yosefe ahaalleella athu wi, “Onani vano kohuukullani ni emata ddanyu, omukullella Farao. Vano kusani mmiddoolla, mwaalle m'matani mwanyu.

Genesis 47:23 Iomraidhean Croise

Genesis 41:27

Eng'ombe dditthanu ni piilli ddawoonda ddawiille vatulli viwanndde navettho makalla matthanu ni meelli ooshellellihiwa ni ephevo yoovenyera wookhuma nndduwanndde, tti miyakha mitthanu ni miilli dda ettalla.

Genesis 45:6

Muyakhoolla tti waneepiilli wa miyakha dda ettalla. Koma ddoohalla miyakha mitthanu nave va miyakha ddenndda athu khellimaka apaalle ohata.

Genesis 47:22

Ellapo ahikullalleeye yaari ya allupa mukuthove. Alliwaayo kheyaakullihalle ellapwiiwa kaambiiwa Farao aanaavaha ddoocha.

Genesis 47:24

Va enthawi yoohata muneerovelleella wa Farao erive yaneetthanu ya ddoohata ddanyunnddo nave ddittheddene ddoohallannddo ddinaakhalle ddaanyu. Ddimodda muddisunge mmiddo koma ddimoddannddo muche ni mabanjaanyu mattheene.”

Masalimo 112:5

Muthu oyo anakongoliha moohipaalla opindula, oyo aneetiha mitteko ddaye mweechilungamo, ddeko ddaye ddinnamweetella phaama.

Masalimo 41:1

Oodalisiwa tti muthu oyo anaaganizella oohoowa, vawi Apwiya eneeromuvullusa va nllapo na ddoohoosiwa.

Miyambo 11:26

Awiimana tirigu athu ennamutembelela koma madaliso enaakhalle vamuru va ookulliha.

Miyambo 12:11

Ddoocha ddinnamukwakhwanella oollima emata ddaye koma waathwara athu oohikhalla ni mutteko tti orama ezeru.

Miyambo 13:23

Emata ya muthu oohoowa ttuukhalla ddoocha ddinchichi koma ddinnaakhiwa ni athu echilungamo.

Oollalleya 11:6

Ohinase omidde m'middwaawo, misikuwattho ohiniithuuwiiha mattaawo vawi khonadduwella nnddo ddinaawunnuwe khaya tti nndda apaalle nndde apaalle piilliddene.

Yesaya 55:10

Murimu ni nakhuttu ddinakittha ovenyera oddullu, kheddihokollweellawo koma ddinahellella ethaya. Ddinnamelliha ni wunnuwiha ddoomella, ddinnaavaha oollima mmiddo ni ddoocha.

Mateyu 24:45

“Ttaani ari mullupa mutteko oororomelleya ni eezeru? Tti oyo apwinnya enaamutthoolliiwa wi aawehereke allupa mutteko attheene a mpa mwaye ni waavaha ddoocha va enthawi yaphaama.

2 Akorinto 9:10

Nave Mulluku oyo anavaha mmiddo wi omiddiwe ni yoocha wi echiwe, aneerewuuvahanittho mmiddo muttheene munapaalleenyu nave aneerewunnuwiha ni wimmiha ddoohata ddinchichi ekaamba ya woollowa matta wanyunko.