Genesis 46:3 - Mawu a Mulluku

³ Vano Mulluku aamulleella wi, “Mi tti Mulluku, Mulluku a attiittho. Ohoove oya o Iguputo. Wenko kineeroruuwiha edduullu ddawo wi ddikhalle mutundu muullupalli.

Genesis 46:3 Iomraidhean Croise

Genesis 12:2

Kineerewuutthattusa nikhollo na mutundu nuullupalli nave kineerewuudalisa ni wuutthattusa oovuwa wi okhalle madaliso.

Genesis 15:1

Ddimanlle nndda, Apwiya yaamooneyella Abramu mu masomphenya. Yaamulleella wi, “Ohoove Abramu, mi tti echishangwaawo. Yoothuviwaawo enaakhalle yuullupalli.”

Genesis 15:13

Sika Apwiya yaamulleella wi, “Odduwelle moosimikiza wi edduullu ddawo ddineerokhalla alleto o ellapo yaaneena, ddineerokhalla wonanko akaporo nave ddineerohoosiwa wa miyakha 400.

Genesis 17:1

Abramu ari ni miyakha 99 Apwiya yaamooneyella emulleella wi, “Mi tti Mulluku Amasiva Mattheene. Vano wiiwellelleke enthawi ddittheddene nave ohichimweke

Genesis 18:18

Edduullu ddaye ddinaakhalle mutundu muullupalli wa masiva. Nave mitundu ddittheddene dda va ellapo yavatthi ddineerodalisiwa oyeella mwa olliye.

Genesis 22:17

kineerewuudalisa wunchichi ni wuuvaha edduullu ddinchichi wonanko etheneeri dda oddullu navettho wonanko mihava dda mukhwipi mwa enyanja. Edduullu ddawo ddineerewaagonjiha adaniiwa attheene.

Genesis 35:11

Nave Mulluku aamulleella wi, “Mi tti Mulluku, Amasiva Mattheene. Nave muyarane wi mwaate. Edduullu ddawo ddineerokhalla mitundu ddinchichi nave ovenyera mwa ddennddo muneerokhalla mamwene.

Genesis 47:27

Aisraele yaakeraattheya o Iguputo nave yaakhalla ni eyuuma yinchichi navettho yahaayara anamwani anchichi.

Genesis 48:16

oyottho tti mungelo akoopollille o ddawoononga ddittheddene, aadalisettho! Oyeella mwa asombwe eellaalla, nnddina naka ni manddina a makhollwaaka Abrahamu ni Isaki, evuwihiwe va enthawi ddittheddene! Ekhalle ni edduullu ddinchichi va ellapo yavatthi, nave ekhalle mutundu muullupalli va ellapo yavatthi!”

Genesis 48:19

Koma Yakobo attiitthinnyaayo aakhoota wi, “Kinnadduwella kineereemi, mwanaka. Edduullu dda Manase ddinaakhallettho mitundu ddinchichi komave mung'onong'onwaayoolla aneerovuwa omukhwaranya olliye nave edduullu ddaye ddinaakhalle mitundu ddinchichi dda athu.”

Eksodo 1:12

Koma alliwaayo yahoosiwiiwa wunchichi, yaanavirellella waata wi emwareyelle mu ellapo ettheeneeyo. Sika wi Aiguputo yaanawoova alliwaayo,

Eksodo 14:13

Vano Mose aawaakhulla athwaayo wi, “Muhoove! Llipani murima nave mweerekemoona oweha mmo Apwiya enaawuuvulluselleniiwa. Vawi Aiguputo ayo munawooneenyu ollello, khamuwa muwoonattho.

Yesaya 41:10

Ohoove kaambiiwa mi kiri ni weyaano, ohitathille murima vawi mi tti Mullukwaawo. Kineerewuuvaha masiva, kineerewuukavihera, kineerewuuteteza ni nnattanatta naka noogonjiha.

Yeremiya 40:9

Gedaliya mwaana a Ahikamu, edduullu ya Shafani, ahaallupellella attheenaayo wi, “Muhoove waapharella mutteko Ababiloni. Khallani mwiillaponimmo, mumurumeyelleke mwene a o Babiloni nave ddeko ddittheddene ddineerekoweetellani phaama.

Mitteko 27:24

allota wi, ‘Ohoove, Paulo! Onaphwanella wi wiimelle vamiitthoni va Kaisara. Mulluku voowoonihellani oreera murima waye wa weyaano oopaalla wi ohikhwe vamodda ni ayo oriiwena.’

Mitteko 7:17

“Enthawi yaatamelliiwa wi Mulluku akwakhwanihe nnddo amulonjezilleeye Abrahamu, mutundwaahu waari wunnuwalle nave waatille wunchichi mu Iguputo.

Deuteronomo 1:10

Apwiya Mullukwaanyu yaawaatihani ophiyera vano muri wonanko etheneeri ddooddullu.

Deuteronomo 10:22

Makhollwaanyu ayo yayiille o Iguputo yaarivo 70. Koma vano Apwiya Mullukwaanyu aawaatihani ophiyera muri wonanko etheneeri ddooddullu.”

Deuteronomo 26:5

Nave vamiitthoni va Apwiya Mullukwaawo, ollote wi, ‘Nikhollo naka naari Muaramu, muthu aweeteeta oyo ayiille akhalla o Iguputo ni nibanja naye. Vooyaani wenko athu yaari ooyeva koma vatulli viwa yahaata etthattuwa mutundu muullupalli ni wamasiva.