Genesis 44:16 - Mawu a Mulluku

¹⁶ Sika Yuda aallota wi, “Apwiya, ethiyo hiyaano ttuullota tini wa nyuwaano? Ninaaddaakihere weekhiihu mwawiidde? Apaalle ninaaddeellihe weekhiihu mwawiidde? Mulluku ohuupullulla yoolakwaahu. Vano attheenehi niri akaporwaanyu ohiri mmoddave yoolla aphwanyeyille ni kapoolla munthumbani mwaye.”

Genesis 44:16 Iomraidhean Croise

Genesis 37:7

Attheenehi naamaka mitolo ddahu dda tirigu m'matani. Nimakaka ddiiddo, mutolwaaka wahiimella. Vano mitolo ddanyu ddahaapheella mutolwaaka ddikokhorille.”

Genesis 37:9

Vano Yosefe aallohattho nave ahaatthopoollellattho asinnaayo wi, “Koollohattho nave kahoona nndduwa, mweeri ni etheneeri khumi ni emodda ddikikokhorellaka.”

Genesis 44:17

Koma Yosefe aallota wi, “Iyaayi! Miyaano ngiwora weera ddennddo. Yooyove aphwanyeyille ni kapu sika anaakhalle kaporwaaka. Amoddanyu hokollweellani wa attiitthiinyu mwamurendelle.”

Genesis 44:32

Miyaanothi kaavelleella okumaaka wa attiitthaaka wonanko echikole ya okumi wa Benjamini. Kahaalleella wi kaahiihokollweellana wuno ari ni okumi, nyuwaano mukiipe mullatu miyaano mu okumaaka muttheene

Genesis 44:9

Vano apwiya oyo mwa hiyaano anaaphwanyeyena kapooyo, iiphiwe nave attheenehi ninaakhalle akaporwaanyu.”

1 Mamwene 17:18

Naamukhwellooyo aamukoha Eliya wi, “Nyu muthu a Mulluku, ethiyo kuulakwelleni tini? Ethiyo muwiille wa miyaano wi mumuupuse Mulluku machimwaaka ni okiiphella mwanaka?”

Ezara 9:10

“Nave vano nyu Mullukwaahu, hiyaano ninaallote tini vatulli va yeella? Vawi khaniiwellelle malamulwaanyu,

Ezara 9:15

Nyu Apwiya Mulluku a Israele tti a echilungamo komave noohalla ophiyera ollello. Ngoonani niri vamiitthoni vanyu nidduwellakave ddoochimwa ddahu mwawi khaavo naari muthu mmodda aniimelle vamiitthoni vanyu ekaamba ya yeella.”

Yobu 40:4

“Ddawoona, miyaano kheello! Ethiyo ttuuwaakhullani tini? Khayiivo, muwano mookumma.

Miyambo 17:15

Ookamulla mullatu wa muthu oonanara wi khalakwille annaananara Apwiya emoddamoddave yeeyo anamweera muthu oolungama wi oolakwa.

Miyambo 28:17

Muthu oyo ari ni mullatu woomwiipha mukhwaaye akhalle oothawathawa ophiyera okhwa waye nave vihikhalle oomukavihera.

Yesaya 27:9

Sika machimo a Israele eneerokhululukelliwa nave eneerewooniha olapa wawoona vookumullani malluku mattheene a makuwa eelleto ni waatthattusa nthupi nave vano khavikhallattho makuwa eelleto a lubani* ni mafano a Asherimu.

Yesaya 5:3

Sika vano ookondiwaaka anallota wi, “Nyu athu ookhalla o Yerusalemu ni o Yuda, kinuuvekani wi mweeruze variyari va miyaano ni emataaka yampesa.

Daniele 9:7

Nyu Apwiya, muri oolungama koma ophiyera ollello ninnavirellella owulliwa muru hiyaano athu a o Yuda, aneetthi a o Yerusalemu ni athu attheene a o Israele, avakhuviru ni awoorekama, o ellapo ddittheddene nko mwaniikarihelleenyuwo ekaamba yawi khanaaroromelleye wa nyuwaano.

Numeri 32:23

Koma mwaaheera ddiiddo, mohaachimwella Apwiya nave dduwellani wi nichimo nanyu nineerewuuthwarani.

Mateyu 7:2

Vawi Mulluku aneeroweeruzani moophwanaphwana ni mmo munaaweeruzelleenyu athu amodda navettho aneerophariha mutteko mulingo woophwanaphwana ni oyo munaphariheenyu mutteko wa athu amodda.

Luka 12:2

Erive ello yawiipittheya vano eneerewuupullulliwa navettho erive yookhuweya eneerodduwanyeya.

Mitteko 2:37

Athwaalle yiiwalliiwa ddenndda, yaahoowa m'murimani mwiwa nave yaamukoha Petro ni amurummwa amoddaayo wi, “Vano neere tini, akhwiihinyu?”

Deuteronomo 25:1

“Vakhalla okangana variyari va athu nave alliwaayo yaya o nthato namillatu wi yeeruziwe, aweeruzaayo ekamulleke wi olla khalakwille nave olla oolakwa.

Yoswa 7:1

Koma Aisraele amodda kheyaawiiwellelle malamulo a Apwiya awi ehikuse erive ello mu Yeriko yoophwanella woonongiwa. Vano Akani aavittha ddeko ddimodda. Olliyoolla aari mwaana a Karimi, mwaana a Zabidi, mwaana a Zera, a nlloko na Yuda. Sika Apwiya yahaashella murima wunchichi Aisraele attheene.

Yoswa 7:18

Ahaakhumiha allopwana attheene a nibanja na Zabidi nave Akani aaphariwa. Olliyooyo aari mwaana a Karimi, mwaana a Zabidi, mwaana a Zera, a nlloko na Yuda.

Oweeruza 1:7

Vano Adonibezekoolle aallota wi, “Mamwene 70 oophaddeya eyaalla dduullupalli dda m'mattani ni ddam'manyalloni yaanatota enyenyeri vatthi va tebulwaaka. Vano Mulluku ookihokollosella nnddo kaaweerelleemi,” Vano aakuselliwa o Yerusalemu. Nave aakhwella wenko.