Genesis 43:21 - Mawu a Mulluku

²¹ Niphiyalle vanipuroni nookonellavo olendo, voottaphullani m'mathumbani mwahu, arive muthu mwa attheenehi aaphwanya makobiraaye owanoni wa nthumba naye nave makobiraayo yaarivo mattheene wonanko mmo neerengelleehu. Nave makobiraayo noowaana.

Genesis 43:21 Iomraidhean Croise

Genesis 43:12

Mukuse makobiri ookwakhwana wi mwahokollose makobiri yaphwanyeyille m'mathumbani mwanywaalle vawi apaalle ddeko ddarimavirikana.

Genesis 43:15

Sika asinne a Yosefe attheenaalle yaakusa emphasonndde nave yaakusattho makobiri manchichi, yaamukusattho Benjamini. Nave yaakhozeka, etimulla olendo wooya o Iguputo nave yaaphiya vamiitthoni va Yosefe.

Genesis 43:20

emulleella wi, “Pepaani apwiya, hiyaano naambilleke owaakattho wuno khalle wookulla ddoocha.

Genesis 43:22

Noowaanattho makobiri mamodda ookullella ddoocha ddimodda. Khaninamudduwella oyo ahiyalle makobiri m'mathumbani mwahu.”

Genesis 44:8

Nyuwaano ni miitthwaanyu mwahoona wi hiyaano voovenyerani o Kanani, naahokollosa makobiri naaphwanyilleehu m'mathumbani mwahu. Ethiyo yawiiyera siliva apaalle golide mpa mwa apwiyaanyu tti tini?

Aroma 12:17

Muthu mmodda aweerella yoonanara, ohimuhokolloselle yoonanara koma weeseeseke weera ddeko ddinooneya ni athu attheene wi tti ddaphaama.

Aroma 13:8

Muhikhalle ni ekongoli ni arive muthu. Ekongoli munaphwanelleenyu okhallana tti yookondana mmodda ni mukhwaaye vawi oyo anamukonda mukhwaaye ookwakhwaniha malamulo.

Aheberi 13:18

Munivekellelleke hiyaano naari nihikayikaka wi nookhalla ni ello yoonivaanya m'murimani mwahu vawi ninneeseesa weera ddittheddene mwa phaama.

Aheberi 13:5

Murimaanyu ohinakondaka makobiri, mukwanihiweke ni nnddo muriinyuna. Vawi Mulluku aallota wi, “Nguuhiyani apaalle wuuthawani.”

1 Petro 2:12

Makhallellwaanyu variyari va athu oohimullapella Mulluku enaphwanella ekhalleke aphaama. Yaawiipakani mullatu wi nyuwaano tti aweera ddoonanara, yoone ddaweera ddanyu ddaphaama wi emutitimihe Mulluku va nllapo na owa waye.

1 Petro 3:16

Nave mweere yeella mwawiithaallella ni moolemu. Khallani ni yawuupusella murima yaphaama wi mwaallotelliwaka epewe, ayo enallota ddoonanara dda makhallellwaanyu aphaama oomuttakihera Khrisitu, ewulliwe muru ekaamba ya ddoollota ddiwannddo.