Genesis 42:21 - Mawu a Mulluku

²¹ Nave yahaamba ollota mmodda ni mukhwaaye wi, “Ddawoona, hiyaano naachimwa valle mung'onong'onwaahu anivekilleeye wi nimweerelle echifundo koma hiyaano naakhoota omweerella echifundo. Nave sika ekaambiiwa niri muddookatamiha ollellova.”

Genesis 42:21 Iomraidhean Croise

Genesis 41:9

Vano oovelleella vinyoolle aamulleella Farao wi, “Ollello kohuupuwella ochimwa waka.

Genesis 44:16

Sika Yuda aallota wi, “Apwiya, ethiyo hiyaano ttuullota tini wa nyuwaano? Ninaaddaakihere weekhiihu mwawiidde? Apaalle ninaaddeellihe weekhiihu mwawiidde? Mulluku ohuupullulla yoolakwaahu. Vano attheenehi niri akaporwaanyu ohiri mmoddave yoolla aphwanyeyille ni kapoolla munthumbani mwaye.”

Genesis 45:3

Yosefe ahaalleella asinne wi, “Mi tti Yosefe. Ethiyo attiitthaaka yookhallawove?” Koma asinnaayo yahoova wunchichi vawi kheyaaworille naari omwaakhulla.

Genesis 50:15

Ekhwille attiitthiiwaalle, asinne a Yosefe yaallota wi, “Nineere tini hiyaano, Yosefe aarimi aniitakave wi anihokolloselle wonanko namuhooselleehu?”

2 Samuele 12:13

Davide aallota wa Natani wi, “Kohaachimwella Apwiya.” Natani aallota wi, “Apwiya ahuukhululukellani machimwaanyu, khamukhwa.

1 Mamwene 17:18

Naamukhwellooyo aamukoha Eliya wi, “Nyu muthu a Mulluku, ethiyo kuulakwelleni tini? Ethiyo muwiille wa miyaano wi mumuupuse Mulluku machimwaaka ni okiiphella mwanaka?”

Miyambo 21:13

Oyo ahinawaapella maaru oohoowa yaawinllaka khanaapelliwa maaru aawinllaka.

Miyambo 28:17

Muthu oyo ari ni mullatu woomwiipha mukhwaaye akhalle oothawathawa ophiyera okhwa waye nave vihikhalle oomukavihera.

Yeremiya 2:17

Ethiyo khoddeerenlle ddenndda weekha vawi wahaahiya Apwiya Mullukwaanyu ayo yuuhoollelle mu ettilla yaphaama?

Yeremiya 2:19

Muneerollakiwa ni machimwaayu vawi mookikhoota kineerowiipani mullatu. Muganizere phaama dda onanara wa okihiya, Apwiya Mullukwaanyu. Muganizere phaama dda ovoreya wa ohikoova, mi Apwiya Mulluku Amasiva Mattheene koollota.”

Yeremiya 34:17

Sika vano Apwiya enallota wi, “Nyu khamukiiwellelle, khamullalleyille murendelle wi mwaattaphulle abalaanyu ni akhwiinyu. Ddaphaama! Vano mi kineerewuullalleyellanittho dda murendelle, murendelleene wookhwa ni nsupada, mullilli apaalle ettalla. Kineerewuutthattusani ello yawoopiha wa athu a moomwene a va ellapo yavatthi.

Yeremiya 4:18

Nyu Ayuda, nndda dduumorenlleni ekaamba ya makhallellwaanyu ni mitteko ddanyu. Nngu sika ollakiwa wanyu nave tti woovoreya mookusa murima.

Hoseya 5:15

Kineerohokollweella onipuroni waka ophiyera athwaaka ellakeyille nave yaambille okaashaasha. Mu ddookatamiha ddiwa, eneereweeseesa wi ekiphwanye.

Numeri 32:23

Koma mwaaheera ddiiddo, mohaachimwella Apwiya nave dduwellani wi nichimo nanyu nineerewuuthwarani.

Mateyu 7:2

Vawi Mulluku aneeroweeruzani moophwanaphwana ni mmo munaaweeruzelleenyu athu amodda navettho aneerophariha mutteko mulingo woophwanaphwana ni oyo munaphariheenyu mutteko wa athu amodda.

Mariko 9:48

Wenko mapwihi ayo enacha mitembo khenakhwa nave munllo khonathiimihiwa.

Luka 16:28

wi aachenjeze asinnaka atthanu wi ehiwe onipuroni noohoosanna.’

Mitteko 19:18

Ookhulupilila anchichi yaawa vamiitthoni va athu yaakhullellaka ni olapa machimo yeerilliiwa.

Yakobo 2:13

Vawi muthu aweeruza moohikhalla ni echifundo nayeenettho Mulluku aneeromweeruza moohikhalla ni echifundo. Koma oyo ari ni echifundo khanoova echiweruzo ya Mulluku.

1 Yohane 1:9

Koma naalapa machimwaahu wa Mulluku, olliye tti oororomelleya ni oolungama vookhululukellani machimwaahu ni vooneellihani o ddaweera ddahu ddoonanara ddittheddene.

Oweeruza 1:7

Vano Adonibezekoolle aallota wi, “Mamwene 70 oophaddeya eyaalla dduullupalli dda m'mattani ni ddam'manyalloni yaanatota enyenyeri vatthi va tebulwaaka. Vano Mulluku ookihokollosella nnddo kaaweerelleemi,” Vano aakuselliwa o Yerusalemu. Nave aakhwella wenko.