Genesis 41:52 - Mawu a Mulluku

⁵² Nave aallotattho wi, “Mulluku ookivaha anamwani mu ellapo ya ddookatamiha ddaka.” Sika mwaana aneepiillooyo aamuvaha nnddina nawi Efuremu.

Genesis 41:52 Iomraidhean Croise

Genesis 17:6

Kineerewuuvaha edduullu ddinchichi vawi ddinaakhalle mitundu ddinchichi nave ddimodda mwa edduullunnddo ddinaakhalle mamwene.

Genesis 28:3

Mulluku Amasiva Mattheene uudalise nave uuvahe edduullu ddinchichi wi okhalle nlloko nuullupalli na mitundu ddinchichi dda athu.

Genesis 41:51

Sika aallota wi, “Mulluku ookitiwalliha ohoowa waka ottheene wulle vamoddattho ni dda nibanja na attiitthaaka.” Sika mwanaye awaamboolle amuromolla Manase.

Genesis 41:53

Miyakha mitthanu ni miilli dda ddoocha ddawaata ddimallille,

Genesis 48:1

Viviralle enthawi, Yosefe aalleelliwa wi, “Attiitthiinyu enimavoriiwa.” Sika ahaakusa anaaye eelli, Manase ni Efuremu, ayaana wa Yakobo.

Genesis 48:14

Koma Yakobo aavirikaniha matta atthinddaanyera nnattanatta naye va muru va Efuremu oyo aari mung'onong'ono nave nnatta noonyotthwaaye aanitthinddaanyera va muru va Manase oyo aari muullupalli.

Genesis 48:5

“Sika vano anaawo eelli waayarilleewe o Iguputo wuno, miyaano kihinawe, yaayottho tti anaaka. Efuremu ni Manase enaakhalle anaaka, wonanko ekhallelle Rubeni ni Simeoni.

Genesis 49:22

“Yosefe ari wonanko enthambi yawiima ezipaso, enthambi yawiima ezipaso vakhuviru ni neetuutu, enthambi yoorapella vasirini.

Genesis 50:23

Nave Yosefe aakhalla ni okumi ophiyera ahoona edduullu ddaye, anamwani a Efuremu. Anamwani a Makiri, mwaana a Manase yayariwiiwa, Yosefe aawaakhella munibanjani mwaye.

Amosi 6:6

Munnamuwirya vinyo munchichi, muniihella makhura aphaama wunchichi koma khamunamoriwa ethakaraka ni woonongeya wa ellapo ya Yosefe.

Numeri 26:28

Anamwani aallopwana a Yosefe moollikana ni mabanjiiwa yaari Manase ni Efuremu.

Mitteko 7:10

Nave aamuvullusa mu ddoohoosa ddittheddene. Yosefe ayiilleeye wi oonane ni Farao, mwene a o Iguputo, Mulluku aamuvaha ezeru nave aamweeriha mwenooyo wi amukonde Yosefe. Nave mwenooyo aamutthoolla Yosefe wi akhalle oolamulella ellapweeyo navettho onyumbani waye otthewene.

Yoswa 14:4

Vano nlloko na Yosefe naakawiwa veelli, Manase ni Efuremu. Alevi kheyaakawelliwe erive echigawo ya ellapo koma mizinda wi ekhallekemo ni mapuro awi echihekemo enama ddiwa.

Yoswa 16:4

Sika anamwani a Yosefe, Manase ni Efuremu yahaakhella yoohallaniiwa.

Yoswa 17:1

Echigawo emodda ya ellapweeyo yaavahiwa wa Manase oyo aari mwaana awaamba a Yosefe. Makiri, nikhollo na athu ookhalla o Giliyadi sika aari mwaana awaamba a Manase. Makiri aarittho akhoto wawi ezigawo dda Giliyadi ni Bashani ddaavahiwa wa olliye.

1 Samuele 1:20

Hana aakhalla ni erukullu nave aamuyara mwaana mullopwana amuvaha nnddina nawi Samuele ottaphullella wi, “Kimuvekille olliye wa Apwiya.”