Genesis 41:43 - Mawu a Mulluku

⁴³ Aamuwellihattho va gareta naye naneepiilli noomwene nave akhoto oomuwehera Farao yahaamba okhuwa eri vahoollo va garetanno wi, “Mukokhorelleni.” Sika Yosefe ahaakhella olamulello nave aakhalla enduna yuullupalli ya ellapo ettheene ya Iguputo.

Genesis 41:43 Iomraidhean Croise

Genesis 41:42

Enre ddiiddo, Farao aarulla emphete yoomwene muyaallani mwaye, amuwariha Yosefe oyaallani waye. Aamuwarihattho ddoowara ddabafuta ni ogufu wa golide munikohini mwaye.

Genesis 41:44

Farao aamulleella Yosefe wi, “Naari kiri mwene, weyaano waahaakhullella, khaavo naari muthu mmodda oyo anaawore weera erive ello naari weeta wene mu ellapo ettheeneella ya Iguputo.”

Genesis 42:30

“Enduna yuullupalli yeellapweeyo yaanilochella moowalli wi eniwa hiyaano tti oozonda awoonellella ofooka wa ellapwiiweeyo.

Genesis 42:33

Vaavo olliyooyo aallota wi, ‘Wi kidduwelle wi muri athu oororomelleya, mmodda mwa nyuwaano ahalle ni miyaano wuno koma amodda attheenenyu mumukuse tirigu, muyeena o nibanja noowaninyu ori ettallanko.

Genesis 42:6

Nave Yosefe aari enduna yuullupalli yoolamulella ellapo ettheene ya Iguputo nave olliye sika amukulliha tirigu wa athu oovenyera o ezigawo ddittheddene dda ellapo. Nave asinne a Yosefe yaaphiya navettho yaamukokhorella Yosefooyo.

Genesis 45:26

Ephiyalle, yahaalleella attiitthiiwa wi, “Yosefoolle ookhallawo! Tti oomulamulella Iguputo muttheene!” Yakobo murimaaye waatthomowamo vawi khaakhulupililalle ddoollota ddiwannddo.

Genesis 45:8

Sika khamuhiyo nyuwaano mwakirumihalle wuno iyaayi koma Mulluku. Olliye ookitthattusa enduna yuullupalli ya Farao nave ellapo ettheeneella ya Iguputo eri m'mattani mwaka.

Genesis 50:18

Vano asinnaalle yaawa ekokhora vamiitthoni vaye. Yaallota wi, “Hiyaano niri vamiitthoni vanyu wonanko akaporwaanyu.”

Genesis 50:9

Akhoto oowella va magareta ni va akavalo alliwattho yaamuvelleella, sika waari mulloko munchichi wa athu.

Estere 10:3

Ddawoona, Mordekai Muyudoolle aari aneepiilli wa mwene Ahasuwero. Aari muullupalli variyari va Ayuda navettho ookondiwa ni athu anchichi a nlloko naye vawi aanaweerella ddaphaama ni owaashella murendelle.

Estere 3:2

Sika allupa mutteko attheene a mwene yaphara mutteko o enyumba yoomwene yaanamuvaha olemu voomukokhorella Hamanooyo vawi mwene sika alamulalle ddenndda. Koma Mordekai khaamukokhorella apaalle omuwaramella.

Oollalleya 4:14

Musombooyo ttuuvenyera ondende wi akhalle mwene naari ayariwe oohoowa mwiillaponi mwaye mwemmo.

Daniele 2:48

Vatulli viwa mwene aamuwelliha Daniele amuvaha olemu ni omwinnya emphaso ddaphaama ddinchichi. Aamutthoolla wi akhalle oolamulella echigawo ettheene ya Babiloni navettho wi akhalle muullupalli a eezeru attheene.

Mitteko 7:10

Nave aamuvullusa mu ddoohoosa ddittheddene. Yosefe ayiilleeye wi oonane ni Farao, mwene a o Iguputo, Mulluku aamuvaha ezeru nave aamweeriha mwenooyo wi amukonde Yosefe. Nave mwenooyo aamutthoolla Yosefe wi akhalle oolamulella ellapweeyo navettho onyumbani waye otthewene.

Afilipi 2:10

Sika vano, vootitimihani nnddina na Yesu ddoophatuwa ddittheddene ddooddullu, dda vatthimva ni dda vatthi va ellapo yavatthi ddineeromukokhorella.