Genesis 4:7 - Mawu a Mulluku

⁷ Weerilleke ddaphaama, keerohakallalla ni weyaano koma ekaamba yawi woheera ddoonanara, nichimo noowaatthamella wonanko enama yawoopiha. Ninapaalla wi nuuphare koma weyaano onapaalleya wi ogonjihe nichimonno.”

Genesis 4:7 Iomraidhean Croise

Genesis 19:21

Mungelooyo ahaakhulla wi, “Kohaakhullella ddennddo vawi ngoononga mwanamuzinda yooyo.

Genesis 3:16

Vatulli viwa Mulluku aamulleella mutthiyanooyo wi, “Kineerewoonjerera wunchichi ddoovoreya ddawo wakhalla ni erukullu, oneerekewoona ovoreya va enthawi yooyara. Oneerekomukhallella munkhella mamuno nave mamunooyo aneerekewuulamulella.”

2 Samuele 24:23

Koovelleella ddittheddenenndda. Nave Arauna aavirellella ollota wi, “Apwiya Mullukwaanyu yaakhelle mukuthwaanyu.”

2 Mamwene 8:28

Mwene Ahaziya aaya ni Yoramu, mwaana a Ahabu wi amuhelle ekhoto Hazaele, mwene a o Siriya o Ramoti Giliyadi nko Asiriya yaamuphoreyihalliiwa Yoramu.

Yobu 11:14

Ovenyihemo ddoolakwa m'murimani mwawo, erive yoonanara ehikhalle mpa mwawo.

Yobu 11:15

Weera ddiiddo khowulliwattho muru, khowaramellaka vatthi vamiitthoni va athu. Murimaawo oneerokeraattheya, khewoovaka erive ello.

Yobu 29:4

mallapo ayo kaariimi muthumuthu, eyaattano ya Mulluku eri vaatte vaka,

Yobu 42:8

Sika vano kusani anankhoro a eng'ombe atthanu ni eelli ni anankhoro a enkhosa atthanu ni eelli nave muyeena wa oorumeyellaaka Yobu wi mwiivelleellelle mukutho. Nave oorumeyellaaka Yobu aneerewuuvekellani vawi kineerewaakhullella ovekella waye wi kihiweerelleni ello moollikana ni okarangeya wanyu. Vawi nyuwaano khemwaallonte ddaphaama dda miyaano wonanko eerelle oorumeyellaaka Yobu.”

Miyambo 18:5

Khe waphaama omuyaara muthu oonanara apaalle omuwatteella echilungamo muthu oolungama.

Miyambo 21:27

Mukutho wa athu oonanara onnaananara Apwiya, ottepesesa avelleella ni yoolinga yoonanara.

Yeremiya 3:12

Khawe wallalleye ompoto othenga wawi, ‘We Israele oohiroromelleya, hokollowa, Apwiya sika ennallota. Owallaaka khuvirellella vawi miyaano tti eechifundo, ngiwa kuunanariwella wa enthawi yoohimalla.

Yeremiya 6:20

Ethiyo kinaaphurevo tini yawaana lubani* noovenyera o Sheba apaalle ddawunkhella ddimodda ddoovenyera o ellapo ddawoorekama? Ngiwa kaakhella mikutho ddiwa ddooshellelliha apaalle ohakallallana ddoovelleella ddiwa.

Mika 7:18

Ethiyo ttaani ari Mulluku oophwanaphwana ni nyuwaano, oyo anakhululukella machimo ni ovenyiha ddoolakwa dda oohalla a yoohallanaanyu? Khamunasunga m'murimani onanariwa wa enthawi yoohimalla ekaamba ya echikondaanyu yoohisintheya.

Malaki 1:10

Apwiya Amasiva Mattheene enallota wi, “Ttaani anaawalle mullako wa enyumbaaka wi muhikharihelle nivuddo munllo wa va nikuwa naka. Nginahakallalla ni nyuwaano nave ngaakhella ddoovelleella ddanyu.

Malaki 1:13

Ngoonani, munallotattho wi, ‘Ddenndda tti ddootopiha!’ Nave munnanyemulla. Munavelleella enama yawiiya apaalle yoorakalla apaallettho yoovoriiwa. Ethiyo munaganiza wi miyaano ttuuddaakhella ovenyera wa nyuwaano?

Malaki 1:8

Ethiyo munaganiza wi kheviri yoonanara voovelleellani wa miyaano eziweto ddoohoona, ddoorakalla apaalle ddoovoriiwa? Munaganiza wi endunaanyu ttuuwuuhakallallellani apaalle oweerellani echifundo mwavelleella echiweto yawi ddiidda? Mi Apwiya koollota. Mi Apwiya Amasiva Mattheene koollota

Numeri 32:23

Koma mwaaheera ddiiddo, mohaachimwella Apwiya nave dduwellani wi nichimo nanyu nineerewuuthwarani.

Mitteko 10:35

Ayo enamoova olliye ni weera echilungamo ennaakhullelliwa ni olliyooyo nave olliyooyo khanoonattho wi enavenyera mutundu wa aani.

Aroma 12:1

Sika asinnaka ni arokoraka, kinimuuvekani ekaamba ya echifundo ya Mulluku wi mwiiheraatthi nyookhaanyu wi mukhalle mukutho wookumi, waweella ni wawaakhelliwa wa Mulluku. Ella sika ettilla yaphaama yoomullapellella.

Aroma 14:18

Vano arive muthu anamurumeyella Khrisitu mwawi ddiidda annaamuhakallalliha Mulluku nave annavahiwa olemu ni athu.

Aroma 15:16

wi kikhalle oorumeyella a Khrisitu Yesu wa athu ayo ehiri Ayuda. Kinarumeyella wonanko mullupa mukutho kaallalleyaka othenga waphaama wa Mulluku wi athu ayo ehiri Ayuda ekhalle wonanko mukutho wawaakhelliwa ni Mulluku yaweellihiwa ni Munepa Waweella.

Aroma 6:12

Sika muhaakhullelle wi machimo evirellelle olamulella makhallellwaanyu akhalle wi eweeriheni wiiwellella minkhella ddiwannddo.

Aroma 6:16

Ethiyo munnadduwella wi mwiivelleella wa muthu mmodda muneerokhalla akaporo oomwiiwellella, munakhalla akaporo a yooyo? Mwakhalla akaporo a machimo muneerokhwa koma mwakhalla akaporo a Mulluku muneerokhalla oolungama vamiitthoni vaye.

Aefeso 1:6

Mulluku aheera ddenndda wi nititimihe echisomwaaye yoovahiwa wa hiyaano oweella mwa mwanaye ookondiwa.

1 Timoteo 5:4

Koma naamukhwelle mmodda ari ni anamwani apaalle edduullu ddaye, yaayo yaambe ohuddera omurumeyella Mulluku vawaarumeyellani a mu nibanja mwiwa ni waahokollosella makhollwiiwa kaambiiwa ella tti yawaakhelliwa vamiitthoni va Mulluku.

Aheberi 11:4

Ekaamba ya echikhulupililo, Abele aaheraatthi mukutho waphaama wa Mulluku ohiyana ni wa Kaini, sika ahaakhullelliwa wi tti oolungama. Mulluku mwaneenaaye aahakallalla ni mukuthwaaye. Naari akhwille, echikhulupililwaaye tti omboni wa hiyaano.

Yakobo 1:15

Vano minkhella ddinakhalla wonanko ddinnakusa erukullu nave ddinnayara machimo. Nave machimwaayo yunnuwa, ennayara okhwa.

1 Petro 2:5

Waani wonanko malluku ookumi wi nyuwaano mupharihiwe mutteko voomakani enyumba ya Munepa, nko munaarumeyelleke wonanko allupa mukutho aweella oheraatthi wa Mulluku mukutho wa Munepa ni wawaakhelliwa oweella mwa Yesu Khrisitu.