Genesis 4:5 - Mawu a Mulluku

⁵ Koma Apwiya kheyaahakallallille ni Kaini ni mukuthwaaye. Ekaamba ya yeella Kaini aasha murima wunchichi, mwawi ekhovaaye yaamora navettho yaawa mahinyare.

Genesis 4:5 Iomraidhean Croise

Genesis 31:2

Yakobo ahoonattho wi Labani khaamupwatha wonanko eerelleeye khalle.

Genesis 31:5

Aphiyallewo, olliye ahaalleella wi, “Kohoona wi attiitthiinyu khenakipwatha wonanko yeerelliiwa khalle. Koma Mulluku a attiitthaaka ookhalla ni miyaano.

Genesis 39:19

Pwiya a Yosefe aasha murima wunchichi vawiiwani mawu yaalla ovenyera wa mwaariye va nnddo eerille kaporwaaye.

Yobu 15:13

Ethiyo onamuwukilella tini Mulluku, onamuvevullella tini ni eyanwaawo?

Yobu 5:2

Ddawoona, osha murima onnawiipha oolloddowa, nrima ninnawoononga athu ookarangeya.

Masalimo 20:3

Yuupuwelle ddoovelleella ddanyu ddittheddene, yaakhullelle mukuthwaawo wooshellelliha

Miyambo 19:3

Athu ookarangeya ennaddoononga ni ddaweera ddiwa nave m'murimani mwiwa ennaahumullulla Apwiya.

Miyambo 29:10

Muthu awiipha anniitana ni muthu oohilakwa koma ooreera murima annapwatha okumaaye.

Oollalleya 4:4

Vano kaadduwella wi mitteko ddittheddene ni eruso ddittheddene ddinneereya ekaamba yawi mmodda anamukhallella ehache mukhwaaye. Ddittheddenennddo khaddinna mutteko nave oddaashaasha ddenndda tti wiikatamiha.

Yesaya 3:9

Ennavaanyihiwa ni mooneyello a ekhove ddiwa. Ennachimwa vaweella wonanko athu a o Sodomu, kheniipittha. Otulli wa athu yaalla vawi yooddiithanella weekhiiwa ddoohoosa.

Numeri 16:15

Vano Mose aasha murima wunchichi nave ahaalleella Apwiya wi, “Muhinaakhella mikutho dda athu yaalla. Ngiwaakhille naari bulu mmodda nave ngimulakwenlle naari mmodda a alliwaayo.”

Mateyu 20:15

Khonaakhullelliwa wa miyaano weera yeeyo kinapaalleemi ni makobiraaka? Apaalle onakikhallella ehache kaambiiwa miyaano kiri aphaama?’ ”

Mitteko 13:45

Ayuda yoonilliiwa mulloko wa athwaayo yaaddalliwa ni ehache, enavaanyiha allotille Paulonnddo navettho enamullotella epewe.

Aheberi 11:4

Ekaamba ya echikhulupililo, Abele aaheraatthi mukutho waphaama wa Mulluku ohiyana ni wa Kaini, sika ahaakhullelliwa wi tti oolungama. Mulluku mwaneenaaye aahakallalla ni mukuthwaaye. Naari akhwille, echikhulupililwaaye tti omboni wa hiyaano.

Yuda 1:11

Yaayo aakhalla ni otulli vawi enakhalla wonanko Kaini. Ennachimwa wonanko Balamu ekaamba yoopaalla makobiri. Eneerewoonongeya ekaamba yoomuwukila Mulluku wonanko enre Kora.

1 Samuele 16:7

Koma Apwiya yaamulleella Samuele wi ohinawehaka oreera apaalle orekama waye vawi yooyo koomukhoota. Apwiya khenoona wonanko athu enoonelliiwa. Athu enaweha dda otte koma Apwiya enaweha dda m'murimani.