Genesis 4:2 - Mawu a Mulluku

² Vatulli viwa aamuyarattho Abele, mung'onong'onwaaye a Kaini. Abele aari oochiha enkhosa nave Kaini aari oollima.

Genesis 4:2 Iomraidhean Croise

Genesis 3:23

Sika Apwiya yaamukhumihamo muthooyo mu emata ya Edeni mulle wi allimeke ethaya eyo avenyerilleeyemo.

Genesis 37:13

Nave Yakobo aamulleella Yosefe wi, “Asinno enachiha eziweto o Shekemu. Kinapaalla wi oye wawoone.” Yosefe ahaakhulla wi, “Ee kineeroyaawo.”

Genesis 4:1

Adamu aakona ni mwaariye Heva nave mutthiyanooyo aakusa erukullu. Sika aamuyara mwaana aamullopwana nave aallota wi, “Koomwaakhella mwaana mookaviheriwa ni Apwiya.” Sika mwaanooyo yaamuvaha nnddina nawi Kaini.

Genesis 4:3

Viviralle enthawi, Kaini aakusavo ezipaso allimalleeye, aaharaatthella mukutho Apwiya.

Genesis 47:3

Sika Farao ahaakoha asinne a Yosefe wi, “Ethiyo munaphara mutteko wawiidde?” Alliwa yahaakhulla wi, “Apwiya, oorumeyellaayu tti abusa, wonanko mmo yeerella makhollwaahu.”

Genesis 9:20

Nowa ahaamba ollima nave aari muthu awaamba waalla mpesa.

Masalimo 127:3

Ddawoona, anamwani tti emphaso yoovenyera wa Apwiya, edduullu tti yoothuviwa yoovenyera wa alliwa.

Eksodo 3:1

Mose achiha eziweto dda Yetero, mullupa mukutho o Midiyani, attiitthinnya a Zipora, mwaariye. Nllapo nimodda aakusa eziwetonnddo oweella muchipululuni, aya aphiya o Horebu, mwaango wa Mulluku.

Amosi 7:15

Apwiya yaarimakikusa ekihiiha muttekwaaka woochiha enkhosa ekilleella wi, ‘Khawe wallotelle wa athwaaka, Aisraele.’

Luka 11:50

Sika athu a mbadoolla eneerollakiwa ekaamba ya wiiphiwa wa anamallotella waambeella mvo ellapo yavatthi yaphatusiwiiwa,

Luka 11:51

waambeella va wiiphiwa wa Abele ophiyera va wiiphiwa wa Zakariya, oyo iiphiwe variyari va nipuro naweella ni nikuwa na mukutho mu enyumba ya Mulluku. Ddawoona, kinimuulleellani wi athu a mbadoolla eneerollakiwa ekaamba ya wiiphiwa wa athu attheenaayo!

Yohane 8:44

Nyuwaano tti anamwani a attiitthaanyu, Satana nave munapaalla weera minkhella dda attiitthaanyu. Yooyo aari mullupa awiipha ovenyera vawaamba nave khaari mwa yawoona kaambiiwa mwa yooyo kheyaamo yawoona. Analloteeye ddawoottha, anallota ovenyera m'murimani mwaye kaambiiwa tti awoottha ni attiitthiiwa a awoottha attheene.

1 Yohane 3:10

Nngu sika ohiyana wa anamwani a Mulluku ni anamwani a Satana, attheene ehineera echilungamo apaalle ehinaakonda amodda khe anamwani a Mulluku.

1 Yohane 3:12

Nihikhalle wonanko Kaini oyo aari a Oonanaroolle nave aamwiipha mwanamunne Abele. Kaini aamwiiphelle tini? Tti ekaamba yawi ddeko eerilleeye ddaari ddoochiwa nave ddeko mwanamunne eerilleeye ddaari ddoolungama.

1 Yohane 3:15

Attheene ayo enawiita amodda tti awiipha nave munnadduwella wi mwa awiipha khamuri okumi woohimalla.