Genesis 4:14 - Mawu a Mulluku

¹⁴ Vano mookiikaravo va ellapo yavatthi vamoddattho ni vamiitthoni vanyu. Kinaakhalle aweeteeta shisha, oohikeraattheya nipuro nimodda nave arive muthu anaakiphwanye aneerokiipha.”

Genesis 4:14 Iomraidhean Croise

Genesis 3:24

Yaamwiikarella otte Adamu. Nave Mulluku ahaahiya akerubi* wookhuma nndduwa wa emata ya Edeni. Navettho aahiya nsupada na munllo nno naapheella embali ddittheddene, owehera muteekho woovaha okumi wi arive muthu ahaatamellevo.

Genesis 4:13

Nave Kaini ahaalleella Apwiya wi, “Mookillaka wunchichi mookhwaranya masivaaka.

2 Samuele 14:7

Vano nibanja nittheene nookiwukila mi mullupa muttekwaanyu aamutthiyana. Enallota wi, ‘Oninnye mwanawo oyo amwiiphalle mwanamunne wi nimwiiphe ekaamba ya mwanamunne oyo amwiiphalleeye.’ Sika athu eneerokoonongella mwaana oyo anaahallena eyuuma. Athwaayo eneeromwiipha mwaana kihanlleemina nave nnddina na mamunaka nineerotiwalleya vawi khanikhalla ni mwaana munibanjani mwahu.”

Masalimo 109:10

Anaaye ekhalle aweeteeta ni oovekaveka, yiikarihiwe m'matepeni enakhalliiwamo.

Masalimo 109:12

Ahikhallevo naari mmodda anaamoonihelle oreera murima, anaaweerelle echifundo akhwaaddunaaye.

Masalimo 143:7

Nyu Apwiya, akuvani okaakhulla, kootathilla murima wunchichi. Muhiniipitthiha ekhovaanyu, woova wi kinaaphwanaphwane ni ookitthella o mahame.

Miyambo 14:32

Athu oonanara ennatathilliwa ni ddoonanara ddiwa koma oolungama ennateteziwa ni echilungamwiiwa.

Miyambo 28:1

Muthu oonanara annathawa ahiivo anawiikariha koma oolungama annallipa murima wonanko mukango.

Yesaya 8:22

Koma voowehani ellapo, enoone ddoohoosave ni epiphi yawoopiha ni yookhupanyiha nave eneerovokhelliwa mu epiphi yawoopiha.

Yeremiya 52:3

Ekaamba ya ddittheddene ddeereyille o Yerusalemu ni o Yuda, Apwiya yaasha murima wunchichi ophiyera owiikariha athwaayo vamiitthoni viwa. Vano Zedekiya aamuwukila mwene a o Babiloni.

Hoseya 13:3

Ekaamba ya yeella eneerothiima wonanko echifunga apaalle nikame nookamuwa mwawaakuva. Eneeromwareya wonanko mallulla oovenyera va nipuro noomuuputhellavo tirigu apaalle mwiisi wookhuma vaniwindoni.

Levitiko 26:17

Kineerewuureyani etulli nave adanaanyu eneerewuugonjihani, awiitana ni nyuwaano eneerewuulamulellani nave muneerekothawa muhiikarihiwaka.

Levitiko 26:36

Nave naari nyuwaano munaahalle, kineerowiikaatthi murima wawoova mwa nyuwaano mwakhalla mu ellapo ya adanaanyu. Muneerekothawa muttottoroso wa makattha. Muneerothawa wonanko mmo muthu anathawelleeye nsupada nave muneerowiikuha muhiikarihiwaka.

Numeri 35:19

Mbalaaye a awiiphiwooyo sika anaamwiiphe awiiphooyo akumanana.

Numeri 35:21

apaalle amuukutha ni nnatta naye mwawiitanana nave mukhwaayooyo akhwa, sika wi olliyooyo tti muthu awiipha, olliyettho iiphiwe. Mbalaaye a awiiphiwooyo sika anaamwiiphe awiiphooyo akumanana.

Numeri 35:27

nave mbalaaye a awiiphiwooyo amuphwanya amwiipha, khiipiwa mullatu woomwiipha muthu.

Mateyu 25:41

“Vano miyaano kineerollota wa ayo a o nnatta noonyottho wi, ‘Venyanivoni va miyaano, nyu ootembeleliwa ni Mulluku! Khaweni o omunlloni woohimalla oyo okharihelliwe Satana ni angelwaaye.

Mateyu 25:46

Vano yaalla eneeroya woollakiwa woohimalla koma aweera echilungamo eneeroya wuukumini woohimalla.”

Deuteronomo 28:64

Nave Apwiya eneerewuupallallesani variyari va mitundu ddittheddene ovenyera woomallihella omodda wa ellapo yavatthi ophiyera woomallihella omoddattho. Wenko munaarumeyelleke milluku ddimodda, ddamiteekho ni ddamalluku, nnddo nyuwaano ni makhollwaanyu mwahiddidduwenlleenyu waambeella khalle.

Deuteronomo 28:65

Khemuwa muphwanya murendelle apaalle nipuro naanyunaanyu orive weko. Munaakhalle ookhumuwa, oorama nikavihero ni ootathilla murima nave Apwiya sika enaamorihe ddenndda va nyuwaano.

2 Atesalonika 1:9

Yaayo eneerollakiwa ni woonongiwa woohimalla ni waamwallaniha vamiitthoni va Apwiya ni ntitimiho naye ni masivaaye,