Genesis 4:1 - Mawu a Mulluku

¹ Adamu aakona ni mwaariye Heva nave mutthiyanooyo aakusa erukullu. Sika aamuyara mwaana aamullopwana nave aallota wi, “Koomwaakhella mwaana mookaviheriwa ni Apwiya.” Sika mwaanooyo yaamuvaha nnddina nawi Kaini.

Genesis 4:1 Iomraidhean Croise

Genesis 3:15

“Kineeroweeriha weyaano ni mutthiyana wi mwiitane nave vineerokhalla wiitana wunchichi variyari va edduullu ddawo ni edduullu dda mutthiyanooyo. Edduullu ddaye ddineeronyenya murwaawo nave weyaano eneerolluma etotopwa ya edduullu ddaye.”

Genesis 3:24

Yaamwiikarella otte Adamu. Nave Mulluku ahaahiya akerubi* wookhuma nndduwa wa emata ya Edeni. Navettho aahiya nsupada na munllo nno naapheella embali ddittheddene, owehera muteekho woovaha okumi wi arive muthu ahaatamellevo.

Genesis 4:2

Vatulli viwa aamuyarattho Abele, mung'onong'onwaaye a Kaini. Abele aari oochiha enkhosa nave Kaini aari oollima.

Genesis 4:25

Adamu aakonattho ni mwaariye Heva nave aakusa erukullu amuyara mwaana. Vano Hevooyo aallota wi, “Mulluku ookivaha mwaana mmodda ovollowa munipuroni mwa Abele olle iiphiwe ni Kaini.” Mwaanooyo aamuvaha nnddina nawi Seti.

Genesis 5:29

nave aallota wi, “Mwaana yoolla aneeronivevulla o mitteko ddahu ddoovoreyanndda ddoollima ethaya eyo yatembeleliwe ni Apwiya.” Sika mwaanooyo yaamuvaha nnddina nawi Nowa.

Masalimo 127:3

Ddawoona, anamwani tti emphaso yoovenyera wa Apwiya, edduullu tti yoothuviwa yoovenyera wa alliwa.

Numeri 31:17

Sika vano muwiiphe asombwe attheene ni arive mutthiyana oyo akonillekevo ni mullopwana.

1 Yohane 3:12

Nihikhalle wonanko Kaini oyo aari a Oonanaroolle nave aamwiipha mwanamunne Abele. Kaini aamwiiphelle tini? Tti ekaamba yawi ddeko eerilleeye ddaari ddoochiwa nave ddeko mwanamunne eerilleeye ddaari ddoolungama.