Genesis 39:4 - Mawu a Mulluku

⁴ Sika Potifara aahakallalla ni Yosefe. Nave aamutthattusa kaporwaaye navettho oowehera ddittheddene dda mpammo.

Genesis 39:4 Iomraidhean Croise

Genesis 15:2

Koma Abramu aallota wi, “Apwiya Mulluku, miyaano nginna anamwani. Vano munaawore mwawiidde okivaha yoothuviwa? Oovollowa munipuroni mwaka tti Eliyezere a o Damasiko.

Genesis 18:3

allota wi, “Apwiyaaka, mwaarimi mukeerenlle echifundo wunchichi, pepaani muhikhwaranye vaatte va oorumeyellaanyu.

Genesis 19:19

Ngoonani, mookimoriwella ethakaraka mi oorumeyellaanyu nave mookeerella echifundo wunchichi voovullusani okumaaka. Komathi miyaangonnddo ddiri voorekama wunchichi. Woonongeya wa nipuronna mullotillaanyunngu ttuuweereya miyaano kihinaphiye omiyaangoninnddo nave kineerokhwa.

Genesis 24:2

Nllapo nimodda aamulleella mullupa muttekwaaye muullupalli oyo awehera eyuumaaye ettheene wi, “Ngakiphare vatthi va kasambaroolla nave ollupelle.

Genesis 32:5

Kookhallana ni eng'ombe, abulu, enkhosa ni epuri navettho akaporo aatthiyana ni aallopwana. Kinarumiha mawaalla wa nyuwaano apwiyaaka wi mukeerelle echifundo vookoonani miyaano.”

Genesis 33:10

Yakobo aallota wi, “Iyaayi, mwaarimi mukeerenlle echifundo, akhellani emphaswaakeella. Miyaano kaawoonaka ekhovaanyu kinakhalla wonanko kinoona ekhove ya Mulluku vawi mookaakhella ddiidda ni matta meelli.

Genesis 33:8

Esau aallota wi, “Ethiyo mulloko wa eziweto kikumanilleeminoolla tti waanyu?” Yakobo ahaakhulla wi, “Apwiyaaka, mullokoolle tti waanyu wi nyuwaano mukeerelle echifundo.”

Genesis 39:8

Koma Yosefe aakhoota wi, “Ngoonani, apwiyaaka khenapwatha dda erive ello yampammu, ekaamba ya miyaano. Ookivaha odindo woowehera ddaaye ddittheddene,

1 Mamwene 16:9

Zimuri mmodda mwa oorumeyellaaye, muullupalli hafu a magaretaaye aamweerella echiwembu. Ela aari o Tiriza awiryaka ophiyera olezela mu enyumba yoomwene ya Ariza oyo awehera enyumba yoomwene o Tirizanko.

Estere 2:9

Estere aamuhakallalliha Hegai sika aamweerella echifundo namwallooyo nave ddeko ddaanamweetella phaama. Sika Hegai aamwinnya mwawaakuva Estere ddawiihella ni yoocha yaayeyaaye. Aamwinnyattho allupa mutteko aatthiyana atthanu ni eelli a o enyumba yoomwene wi emukavihereke. Estere ni allupa muttekwaayaayo yaahiyiwa munipuroni nooreeresesa mu enyumba yaatthiyaneeyo.

Miyambo 14:35

Mwene annahakallalla ni mullupa mutteko aweera ddeko mweezeru koma annamunanariwella oowulliha muru.

Miyambo 16:7

Apwiya yaaddivelliwaka ni meetello a muthu ennamwaattaniha naari ni adanaaye.

Miyambo 17:2

Kaporo aweera ddeko mweezeru aneeromulamulella mwaana oowulliha muru nave aneerokawanana yoohallana ya abalaaye.

Miyambo 22:29

Ethiyo woomoona muthu eeruso ni muttekwaaye? Olliye aneerewiimella vamiitthoni va mamwene oohikhalla va athu shisha.

Miyambo 27:18

Oyo anawehera muteekho wanamukuyu aneerocha ezipaso ddiwa. Oyo anaapwatha apwinnya aneerovahiwa olemu.

Miyambo 3:4

Sika oneerekokondiwa ni Mulluku ni athu.

Mitteko 20:28

Sika mwiiwehereke nyookha owaakattho mpingo muttheene oyo Munepa Waweella uuvahilleeyeni wi muwehereke. Mukhalle abusa a mpingo wa Mulluku oyo awukullalleeye ni nikhame na Mwanaye.

Rute 2:6

Kapitawaayooyo ahaakhulla wi, “Mutthiyanoolla tti Mmowabu oyo awiille ni Naomi ovenyera o ellapo ya Mowabu.

1 Samuele 16:22

Saulo aarumiha mawu wa Yese wi, “Davide akhalle ookirumeyellaaka vawi koomweerella echifundo.”

1 Samuele 2:26

Musombwe Samuele aavirellella wunnuwa ni waattana ni Apwiya owaaka athu attheene.