Genesis 37:9 - Mawu a Mulluku

⁹ Vano Yosefe aallohattho nave ahaatthopoollellattho asinnaayo wi, “Koollohattho nave kahoona nndduwa, mweeri ni etheneeri khumi ni emodda ddikikokhorellaka.”

Genesis 37:9 Iomraidhean Croise

Genesis 20:3

Vano mahiiyu mamodda Mulluku aamooneyella mwenooyo moolloha ni ollota wi, “Onimakhwathi kaambiiwa mutthiyana omukusalleewoolla tti ootthelliwa.”

Genesis 37:10

Ahaalleellattho attiitthinnya dda ollohanko ni asinnaalle, attiitthinnyaayo yaamuhumullulla wi, “Ethiyo olloha wenngu onattaphullella tini? Ethiyo onaganiza wi miyaano, amaaywaalla ni asinnwaalla, ttuuwuukokhorella weyaano?”

Genesis 37:7

Attheenehi naamaka mitolo ddahu dda tirigu m'matani. Nimakaka ddiiddo, mutolwaaka wahiimella. Vano mitolo ddanyu ddahaapheella mutolwaaka ddikokhorille.”

Genesis 37:8

Nave asinne yaamukoha wi, “Ethiyo onaganiza wi weyaano ttuukhalla mwene nave ttuunilamulella hiyaano?” Sika vano yaamwiita wunchichi okhwaranya khalle ekaamba ya ddoolloha ni ddoollota ddayennddo.

Genesis 41:25

Sika Yosefe aamulleella Farao wi, “Olloha opiillinngu onattaphullella ello emoddave. Mulluku oowoonihellani khalleve nnddo anaaweereeye.

Genesis 41:32

Nyu amwene Farao, voollohani opiilli ello emoddamoddave yeeyo, ddinasimikizella wi Mulluku sika akeraatthihalle ellweella nave aneereweera naanweene vaava.

Genesis 42:6

Nave Yosefe aari enduna yuullupalli yoolamulella ellapo ettheene ya Iguputo nave olliye sika amukulliha tirigu wa athu oovenyera o ezigawo ddittheddene dda ellapo. Nave asinne a Yosefe yaaphiya navettho yaamukokhorella Yosefooyo.

Genesis 43:26

Yosefe aphiyalle, asinnaalle yaavelleella emphaso ddiwanndde wa olliye nave yaamukokhorella.

Genesis 43:28

Alliwaayo yahaakhulla wi, “Oorumeyellaanyu, attiitthiihu, aakhallawo nave aakhalla phaama.” Vaavo attheenaayo yaamukokhorellattho emuwaramella Moomuvaha olemu.

Genesis 44:14

Yuda ni asinnaalle ephiyalle o enyumba ya Yosefe, yamuphwanyille ari wenko nave attheene yaamukokhorella vatthi.

Genesis 44:19

Apwiya, valle mwaanikoha wi, ‘Ethiyo mookhallana attiitthiinyu apaalle mung'onong'onwaanyu?’

Genesis 45:9

“Vano akuvani, hokollweellani wa attiitthaaka, mwaalleelle wi mwaninyu Yosefe anallota wi, ‘Mulluku ookunnuwiha ophiyera ookitthattusa oolamulella Iguputo muttheene, sika muwe wuno muhiselliwe.

Genesis 46:29

Yosefe ahiithaniha gareta naye, aya o Gosheni wi akumane ni Yakobo attiitthinnya. Aphiyalle vamiitthoni viwa, ahaakhupaarella munikohini nave ahinlla va enthawi yoorekama.

Genesis 47:12

Yosefe aavelleella ddoocha wa attiitthinnya ni wa asinne vamoddattho ni wa nibanja nittheene na Yakobo moollikana ni waata wa aniiwa.

Daniele 8:10

Nnyakanno nahunnuwa wunchichi naphiya o milloko ddakhoto ddooddullu. Naamoriha etheneeri ddimodda ni oddinyingallella.

Numeri 12:6

Nave yaallota wi, “Iwani mawaaka. Vakhalla namallotella variyari vanyumva, mi Apwiya kinnaddoonihella wa muthooyo oweella m'masomphenya nave kinnallotana oweella mu olloha.

Afilipi 2:15

wi mukhalle oohichimwa ni aweella wonanko anamwani a Mulluku aphaama ayo enakhalla mu ellapo ya athu oonanara ni oolleka. Munaphwanella muwaleke variyari va yaayo wonanko etheneeri ddoowala.