Genesis 33:9 - Mawu a Mulluku

⁹ Koma Esau aallota wi, “Mwanamunnaka, eziweto dda mutundu olla kookhallana ddinchichi. Sika oriiwenanndda ddikhalle ddaawo.”

Genesis 33:9 Iomraidhean Croise

Genesis 27:39

Vano Isaki aamwaakhulla wi, “Vanipuroni vawo khaviwa vikhalla ethaya yaphaama, nikame khanimma m'matani mwawo.

Genesis 27:40

Muttekwaawo onaakhalle woowana ekhoto nave onaamurumeyelleke mwanamunno. Koma wawora wiittaphulla, oneerovenyamo mu olamulellwaaye.”

Genesis 27:41

Vano Esau aamwiita Yakobo ekaamba yawi munipuroni mwa olliye, attiitthinnya yaamudalisa Yakobo. Nave m'murimanimurimani aallota wi, “Enthawi yawinlla okhwa wa attiitthaaka eri vakhuviru, vatulli viwa kineeromwiipha Yakoboolla.”

Genesis 33:10

Yakobo aallota wi, “Iyaayi, mwaarimi mukeerenlle echifundo, akhellani emphaswaakeella. Miyaano kaawoonaka ekhovaanyu kinakhalla wonanko kinoona ekhove ya Mulluku vawi mookaakhella ddiidda ni matta meelli.

Genesis 4:9

Sika vano Apwiya yaamukoha Kaini wi, “Ethiyo mung'onong'onwaawo Abele ari wuuwi?” Olliye ahaakhulla wi, “Nginadduwella. Ethiyo mi tti mullupa mutteko oomuwehera mung'onong'onwaaka?”

Miyambo 16:7

Apwiya yaaddivelliwaka ni meetello a muthu ennamwaattaniha naari ni adanaaye.

Miyambo 30:15

Muttunddu wookhalla ni anamwani aatthiyana eelli enallota wi, “Nivaheni, nivaheni.” Vookhalla ddiraru ddihinavona, ddisese nnddo ddihinakwakhwanihiwa monga

Oollalleya 4:8

Vaakhalla muthu mmodda oyo aari yeekhaaye, oohikhalla ni mwaana apaalle mwanamunne. Mitteko ddaye kheddaamalla nave miitthwaaye kheyaakwakhwanihiwa ni eyuumaaye, khiikoha naari vang'ono wi, “Ethiyo mutteko kinaphareemoolla apaalle oddiimmana ddoohakallallihanngu kinamweerella aani?” Ddenndda khaddinna mutteko navettho tti ddoohihakallalliha.

Mitteko 21:20

Yiiwalliiwa, yaamutitimiha Mulluku. Nave yaallota wi, “Mwanamunnihu Paulo onnoona vano wi Ayuda anchichi tti ookhulupilila navettho attheenaayo enniivelleella voothwarani malamulo.

Mitteko 9:17

Vano Ananiya aatimulla, avollowa mpa mwaari Saulooyo, iiyaatthi mattaaye va olliye allota wi, “Mwanamunnaka Saulo, Apwiya Yesu aakiruma miyaano yeekhiwa, tti yaalla yawooneyelle vamusewuni waweewe wuno. Ekirumalle wi woonettho ni ohoollelliwa ni Munepa Waweella.”

Filemoni 1:16

Vano khaari wonanko kaporove koma oomukhwaranya kaporo, tti mwanamunno ookondiwa. Miyaano kinnamukonda koma weyaano onaphwanella omukondeke wunchichi, wonanko kaporo navettho wonanko mwanamunno mu eyaattano ni Apwiya!

Filemoni 1:7

Vawi mwanamunnaka, echikondaawo yookihakallalliha ni okillipiha murima wunchichi! Nave wohaallipiha mirima athu a Mulluku.

Oweeruza 20:23

Vano Aisraelaayo yaaya yinlla vamiitthoni va Apwiya ophiyera misikuwa. Yahaakoha Apwiya wi, “Ethiyo niyeewo wiilli wi nawane ni Abenjamini, abalaahu?” Apwiya yahaakhulla wi, “Ee khaweni mwawanena.”