Genesis 33:4 - Mawu a Mulluku

⁴ Koma Esau aathamaka aya akumanana, amukhupaarella nave aamullochella mwa echikondi nave eellaayo vamodda yaamoriha miitthori.

Genesis 33:4 Iomraidhean Croise

Genesis 29:11

Vano Yakobo aamukhupaarella Rakelooyo nave ahinlla mookhuwa.

Genesis 29:13

Labani iiwalleeye dda Yakobo, mwaana a murokoriye, aathamaka akumanana. Aamukhupaarella mwa echikondi nave aamukusa oyaana o enyumba waye. Nave Yakobo aamutthopoollella Labani ddittheddene nnddo ddeereyille.

Genesis 32:11

Kinimuuvekani, kivulluseni o masiva a mwanamunnaka Esau. Kinoova wi apaalle anaweella okihella ekhoto nave attheenehi aneeroniipha ni atthiyana ni anamwanaalla.

Genesis 32:28

Muthooyo aallota wi, “Nnddina nawo khanikhallattho Yakobo. Vawi woollipana ni Mulluku vamoddattho ni athu nave woopambana, sika nnddina nawo ninaakhalle Israele.”

Genesis 43:30

Allotille ddennddo Yosefe aavenyavo mwawaakuva ekaamba yawi murimaaye waaddalla ni echifundo va mung'onong'onwaayoolle. Ahallille vang'ono winlla, sika aavollowa ochipindani waye inllellaka wenko.

Genesis 43:34

Yoocheeyo yakawiwa ovenyera va tebulo ya Yosefe koma yoocha yoovelleelliwa wa Benjamini yaari yawaata wonanko ya athu atthanu. Sika attheenaayo yaacha ni owirya ni Yosefe ophiyera yaavona nave yaahakallalla nimodda ni olliye.

Genesis 45:2

Ahinlla mookhuwa ophiyera Aiguputo yahiiwa nave epilli ya winllanngu wahiiweyattho o enyumba ya Farao.

Genesis 46:29

Yosefe ahiithaniha gareta naye, aya o Gosheni wi akumane ni Yakobo attiitthinnya. Aphiyalle vamiitthoni viwa, ahaakhupaarella munikohini nave ahinlla va enthawi yoorekama.

2 Samuele 14:33

Sika Yowabu aaya wa mwene akambirana ni mwenooyo ddennddo. Vano mwenooyo aamwiithaniha Abishalomu. Nave olliye aawa wa mwene akokhora vamiitthoni vaye. Nave mwenooyo aamwaakhella phaama voomukhupaarellani.

Nehemiya 1:11

Nyu Apwiya, apellani maaru o nivekello na oorumeyellaanyu ayo enatitimiha nnddina nanyu. Nave kipambaniheni mi oorumeyellaanyu ollello wi mwene akeerelle echifundo. Enthawi yeeyo kaari oovelleella vinyo wa mwene.

Yobu 2:12

Voomoonellani voorekama Yobu kheyaamudduwenlle, sika yahoopa ekutho. Yahaahulla mikanjo ddiwa, yiihella nthupi omuruni.

Masalimo 34:4

Kaavekella wa Apwiya nave yaakaakhulla, yaakivullusa o ddittheddene kaddooveemi.

Miyambo 16:7

Apwiya yaaddivelliwaka ni meetello a muthu ennamwaattaniha naari ni adanaaye.

Miyambo 21:1

Murima wa mwene tti wonanko muhinje wa maaddi m'mattani mwa Apwiya, ennawutthoonyihella nko enapaalliiwa.

Luka 15:20

Vano aatimulla ahokollweella wa attiitthinnya. “Aweeye voorekama ni owaniwanko attiitthinnyaayo yaari emonne khalle. Vano yammorella ethakaraka wunchichi emuthamakella nave yaamuvaha mooni voomukhupaarellani.

Mitteko 20:37

Athu attheene yahinlla yamukhupaarelliiwa nngu ellaanyanaka.

1 Samuele 20:41

Vano mullupa muttekoolle arowille, Davide aakhumellella okhwipi wa malluku yuukelliwaalle avelleella olemu voopopheyani ekhovaaye vatthi oraru. Yaakhupaarellana attheene yaamba winlla koma Davide ahinlla moollipiha.