Genesis 32:4 - Mawu a Mulluku

⁴ Ahaalangiza wi yamulleelle wi, “Miyaano Yakobo oorumeyellaanyu kakhalla wonanko mulleto wa apwiyaaka Labani nave kookhallawo enthawi yoorekama ophiyera ollello.

Genesis 32:4 Iomraidhean Croise

Genesis 23:6

“Niiweseseni, apwiya. Nyuwaano tti enduna yuullupalli variyari vaahumva. Amwaarinywaalla mwaavitthe mu erive mahame aphaama niriihuna. Khaavo muthu naari mmodda variyari vaahumva anaawiimaneni mahame niriihuna apaalle wuuvaanyihani waavitthamo amwaarinywaalla.”

Genesis 25:30

Sika aamulleella Yakobo wi, “Ettalla eneerokiipha. Kivahe vang'ono echipele yoofiira waapeyilleeweeyo.” (Sika ekaambeene yaamuvaha nnddina nawi Edomu).

Genesis 27:29

Athu yuurumeyelleke, mitundu dda athu dduukokhorelleke. Okhalle oolamulella variyari va abalaawo. Navettho edduullu dda amaayo dduukokhorelleke. Etembeleliwe attheene aawuutembelela weyaano nave edalisiwe attheene anuudalisa weyaano.”

Genesis 27:37

Isaki aamwaakhulla Esau wi, “Ngoona, koomweeriha khalle olliyooyo wi akhalle apwiyaawo nave Koomuvaha abalaaye attheene wi ekhalle oorumeyellaaye. Koomuvaha ddoocha ni ddoowirya ddinchichi. Vano vihanlle tini yawi kiweerelle weyaano, mwanaka?”

Genesis 31:41

Mmu sika ddeko ddakhallelliiwa va miyakha 20 nnddo kakhanlleemi ni nyuwaano. Kohuupharellani mutteko miyakha khumi ni misese ekaamba ya aniinyu eellaalla nave miyakha mitthanu ni mmodda ekaamba ya eziweto. Komave mookhalla murukunusaka okumi mallivellwaaka.

Genesis 32:18

Weyaano waakhulle wi, ‘Ddenndda tti dda oorumeyellaanyu Yakobo nave anaddirumiha wa nyuwaano apwinnya wi ddikhalle emphaso. Olliyooyo ari mutulli mwahummu.’ ”

Genesis 32:5

Kookhallana ni eng'ombe, abulu, enkhosa ni epuri navettho akaporo aatthiyana ni aallopwana. Kinarumiha mawaalla wa nyuwaano apwiyaaka wi mukeerelle echifundo vookoonani miyaano.”

Genesis 33:14

Kinimuuvekani apwiya wi muhoolle vang'ono, miyaano kineeteke vang'ono vang'ono mutulli mwa eziweto ni anaaka ophiyera kuuphwanyilleeni o Seiri.”

Genesis 33:8

Esau aallota wi, “Ethiyo mulloko wa eziweto kikumanilleeminoolla tti waanyu?” Yakobo ahaakhulla wi, “Apwiyaaka, mullokoolle tti waanyu wi nyuwaano mukeerelle echifundo.”

Genesis 36:8

Sika Esau oyottho aromolliwa wi Edomu, aaya akhalla mu ellapo yamiyaango dda Seiri.

Genesis 36:9

Nna sika ntthopoollo na edduullu dda Esau, nikhollo na Aedomu, ookhalla mu ellapo yamiyaango ya Seiri.

Genesis 4:7

Weerilleke ddaphaama, keerohakallalla ni weyaano koma ekaamba yawi woheera ddoonanara, nichimo noowaatthamella wonanko enama yawoopiha. Ninapaalla wi nuuphare koma weyaano onapaalleya wi ogonjihe nichimonno.”

1 Mamwene 20:32

Sika yaawara eziguduli muyuununi ni waapheelliha mikwe munikohini, eya yamulleella mwene a o wi, “Oorumeyellaanyu Benihadadi anallota wi, ‘Pepaani, muhikiiphe.’ ” Ahabu ahaakoha wi, “Ethiyo ookhallave ni okumi? Olliye tti mwanamunnaka.”

Eksodo 32:22

Aroni ahaakhulla wi, “Pepaani apwiya muhikishelle murima. Munnadduwellattho wi athu yaalla tti ookopeya ni machimo.

Miyambo 15:1

Waakhulla wawiithaalla onnakhurumusa murima koma mawu oovoreya ennashiha murima.

Miyambo 25:15

Ovillella sika onamugonjiha oolamulella nave woollowa muwano onnakhurumusa ddookatamiha.

Miyambo 6:3

vano mwanaka wiivulluse vawi ori m'mattani mwa mukhwaawo, khawe wiiyevihe ni omukhupanyella.

Oollalleya 10:4

Oolamulella uushella murima ohinavenyavo vanipuroni vawo vawi wiithaalla onnavuhellella ddoolakwa dduullupalli.

Yesaya 21:11

Nngu sika ollotella wa dda Edomu. Mmoddeene anakillotiha mookhuwa ovenyera o Edomu wi, “We mulonda, ethiyo mahiiyu onaamalle niini? We mulonda, ethiyo onaamalle niini mahiiywaalla?”

Luka 14:11

Vawi attheene enaddunnuwiha weekhiiwa eneeroyevihiwa nave ayo eniiyeviha weekhiiwa eneerewunnuwihiwa.”

1 Petro 3:6

Sara aari awi ddiiddo, aamwiiwellella Abrahamu nave aamweera apwinnya. Nyuwaano muri anaaye aatthiyana a Sara mwaaweeraka ddaphaama ni oohoova erive ello.

Oweeruza 5:4

“Nyu Apwiya, mwakhumenyu mu Seiri, mweeteenyu ovenyera o Edomu, ellapo yavatthi ettheene yaatthukumella, oddullu waattotthowa, mirapo ddaandonya maaddi.

1 Samuele 26:17

Saulo aadduwella wi mawaayo yaari a Davide nave aamukoha wi, “Ethiyo mawaayo tti a we mwanaka Davide?” Davide ahaakhulla wi, “Ee, tti mawaaka, apwiyaaka amwene.