Genesis 32:30 - Mawu a Mulluku

³⁰ Yakobo aallota wi, “Koomoona Mulluku vamiitthoni ni vamiitthoni nave kookhalla ni okumi.” Sika nipuronno aaniromolla Penuwele.

Genesis 32:30 Iomraidhean Croise

Genesis 16:13

Sika Hagara ahaaromolla Apwiya yallotille ni olliye wi, “Nyuwaano tti Mulluku Awoona,” vawi aallota wi, “Vano koomoona oyo anakoona nave kookhallave ni okumi.”

Genesis 28:19

Sika aaniromolla nipuronno Betele koma vawaamba naromolliwa Luzi.

Genesis 35:9

Yakobo awiillewo o Mesopotamiya wulle, Mulluku aamooneyellattho nave amudalisa.

1 Mamwene 12:25

Yerobowamu aamakella muzinda wa Shekemu mu miyaango dda Efuremu nave anakhallamo. Vatulli viwa amakattho muzinda wa Penuwele.

Eksodo 33:14

Nave Apwiya yaallota wi, “Mi kineerothaana ni weyaano nave kineerewuuvaha murendelle.”

Yesaya 6:5

Sika kaakhuwa wi, “Otulli miyaano! Koomalla vawi kiri muthu a eyano yooripihiwa nave kinakhalla variyari va athu a eyano ddooripihiwa. Komave miitthwaaka aawoona Amwene, Apwiya Amasiva Mattheene.”

Yesaya 9:5

Ddawoona, erive esapato ya muthu akhoto ni erive yoowara yoomorelliwa nikhame, ddineerokharihiwa wonanko ekhuni.

Numeri 12:8

Kinnallotana vamiitthoni ni vamiitthoni mwawiiweya oohikhalla mookhuweya nave annoona ntitimiho naka. Kaambiiwa tini muhoovilleenyu omullota Mose, oorumeyellaaka?”

Yohane 1:18

Khaavo muthu amoonille Mulluku koma mwaana mmoddave oyo arittho Mulluku nave oyo ari a vamurimani vaye sika amuupullullalle.

1 Akorinto 13:12

Vano khaninoona phaama ddeko dda Mulluku wonanko muthu aawiiweheraka ekhove vanigalasini nohooniha phaama. Koma vahoollomvo nineerewoona vamiitthoni ni vamiitthoni. Vano kinadduwelleemi tti ddoohikwakhwanella koma muhoollommo ddineerokwakhwanella wonanko mmo Mulluku anakidduwellelleeye phaama.

2 Akorinto 3:18

Hiyaano attheene ninnoona ntitimiho na Apwiya nihikhunenlle ekhove ddahu. Munepa wa Apwiya annanitthattusa wi niphwanaphwane ni olliyooyo okhalla ni ntitimiho nawunnuwa.

2 Akorinto 4:6

Mulluku aallotille wi, “Owala omolleelle ovenyera mwiipiphini.” Tti Mulluku mmoddamoddave yooyo enre owala waye wi omolleelle m'mirimani mwahu wi onivahe odduwella dda ntitimiho na Mulluku noomolleella va ekhove ya Khrisitu.

Agalatiya 1:6

Kinnuuttikhinani nyuwaano! Munamuhiya mwawaakuva ddiidda oyo aawiithanneni oweella mu echisomo ya Khrisitu nave munathwara othenga omodda.

Aefeso 1:17

ni omuveka Mulluku a Apwiihu Yesu Khrisitu, Attiitthiihu antitimiho wi uuvaheni Munepa oyo onuuvaheni ezeru yoomuupullulla Mulluku wa nyuwaano wi mumudduwelle.

Deuteronomo 34:10

Ovenyera vaavo khanaphwanyeyekettho mu Israele namallotella wonanko Mose oyo Apwiya yallotiiwana vamiitthoni ni vamiitthoni.

Deuteronomo 5:24

ellota wi, ‘Apwiya Mullukwaahu yaanooniha ottekweeniiwa ni ntitimiho niwa nave naawiiwa ellotaka eri m'munlloni. Sika ollello nohoona wi muthu ttuukhallave ni okumi naari Mulluku allotille ni olliye.

Akolose 1:15

Khrisitu tti yoophwanaphwanihella yawooneya ya Mulluku oohooneya. Olliye tti Mwaana aamullopwana awaamba, muullupalli a ddoophatusiwa ddittheddene.

2 Timoteo 1:10

Nave vano ddenndda ddohuupullulliwa wa hiyaano mwa wooneya wa oovullusaahu, Khrisitu Yesu. Aahiiha okhwa nave ohooniha vaweella okumi woohimalla oweella mwa othenga waphaama.

Aheberi 11:27

Ekaamba ya echikhulupililo, Mose aakhumawo o Iguputo moohoova oowalli wa Farao vawi aanavillella wonanko muthu oomoona Mulluku oohooneyoolla.

Yoswa 5:13

Nllapo nimodda Yoswa ari vakhuviru ni muzinda wa Yeriko, moorurumusa aamoona muthu iimenlle muhoollo mwaye, nsupada noohullullahullulla niri m'mattani mwaye. Vano Yoswa aaya vaari muthumvo amukoha wi, “Ethiyo weyaano tti mmodda a akhotwaahu apaalle ori mudanaahu?”

Oweeruza 13:17

Vano Manowa aamulleella mungelooyo wi, “Nilleelleni nnddina nanyu wi nuuriihekeni, ddeereya nndda mullotilleenyu.

Oweeruza 13:18

Mungelo a Apwiya aamukoha Manowa wi kaambiiwa tini munapaalleenyu wi mudduwelle nnddina naka? Tti nnddina noottikhiniha.”

Oweeruza 8:17

Nave aakumulla nttattha na o Penuwele, awiipha allopwana attheene a m'muzindanimmo.

Oweeruza 8:8

Ovenyera wenko aaya o Penuwele wi amuvekewo buledi. Koma athu a o Penuwele yaamwaakhulla emoddamoddave yeeyo wonanko athu a o Sukoti.