Genesis 32:26 - Mawu a Mulluku

²⁶ Vano muthooyo aallota wi, “Kihiye kiroweke kaambiiwa otte onimasa.” Koma Yakobo ahaakhulla wi, “Nguuhiya wi oroweke ophiyera okidalisalle.”

Genesis 32:26 Iomraidhean Croise

Genesis 32:25

Muthooyo oonilleeye wi khapambana, aamukurukunyulla Yakobo voomellella kasambara sika kasambarooyo aakurukunyuwa yallipaniiwa.

Genesis 32:27

Muthooyo aamukoha wi, “Nnddina nawo ttaani?” Yakobo ahaakhulla wi, “Nnddina naka tti Yakobo.”

1 Epilli 4:10

Yabezi aavekella wa Mulluku a Israele wi, “Mukidalise nave muyinnuwihe ellapwaaka. Nnatta nanyu namasiva nikhalle ni mi nave mukisunge wi yoonanara ehikimorelle ni okihoosa.” Sika Mulluku aamuvaha nnddo avekilleeye.

Masalimo 67:1

Nyu Mulluku, muneerelle echifundo nave munidalise, ekhovaanyu eniwalelle.

Eksodo 32:10

Vano ohikivaanyihe wi kiwoononge athwaalla vawi koosha murima wunchichi koma weyaano kineerewuutthattusa mutundu muullupalli.”

Nchipo na Solomoni 3:4

Kaakhwaranyille vang'ono alondaalle kaamuphwanya. Kaamuphara oohimwaakhullella wi avenyevo, ophiyera kaamuvollochiha mpa mwa amoowe, muchipindani ya ayo yakiyanre.

Nchipo na Solomoni 7:5

Murwaawo wohiimella phaama wonanko mwaango wa Karimele. Meehaawo tti ooripa phaama ni oowala. Oreera woofiira wiwa onnamukusa murima naari mwene.

Yesaya 45:11

Apwiya Aweella a Israele ni Oophatusaaye enallota wi, “Ethiyo we ttuukikoha dda anaaka apaalle okilamulella va mitteko dda mattaaka?

Yesaya 64:7

Khaavo aniithanella va nnddina nanyu voovekellani apaalle anatikheya ni ddooveka nikavihero wa nyuwaano. Mohiipitthiha ekhovaanyu nave moonitthattusa akaporo a machimwaahu.

Hoseya 12:4

Yakobooyo aallipana ni mungelo nave aapambana. Ahinlla mooveka madaliso. Akumana ni Mulluku o Betele nave wenko oweella mwa olliye aallota ni hiyaano.

Aroma 8:37

Koma mu ddeko ddittheddenenndda ninnapambana wunchichi oweella mwa olliyooyo ananikonda hiyaano!

1 Akorinto 15:58

Sika vano, asinnaka ni arokoraka ookondiwa, khallani oohitikheya ni oohisuseya. Hiyani murimaanyu va mutteko wa Apwiya vawi munnadduwella wi oweella mwa alliwa, muttekwaanyu onnakhalla ni mphuro.

Deuteronomo 9:14

Vano ohikivaanyihe vawi kinapaalla kiwoononge nave khewa yuupuwelleya va ellapo yavatthi. Koma weyaano kineerewuutthattusa mutundu muullupalli ni wamasiva okhwaranya alliwaalla.

Aheberi 5:7

Mu okumaaye va ellapo yavatthimva, Yesu m'mavekelloni mwaye ahinlla mookhuwa nave moomoriha miitthori wa Mulluku, oyo aarina masiva oomuvullusa wuukhwaani. Kaambiiwa ahiivelleella ni wiiyeviha, Mulluku ahiiwa mavekellwaaye.