Genesis 32:11 - Mawu a Mulluku

¹¹ Kinimuuvekani, kivulluseni o masiva a mwanamunnaka Esau. Kinoova wi apaalle anaweella okihella ekhoto nave attheenehi aneeroniipha ni atthiyana ni anamwanaalla.

Genesis 32:11 Iomraidhean Croise

Genesis 24:27

Nave aallota wi, “Etitimihiwe Apwiya Mulluku a apwiyaaka Abrahamu, ayo esungalle moororomelleya lonjezo niwa wa apwiyaaka. Apwiya aakihoollella miyaano wa abale a apwiyaaka.”

Genesis 27:41

Vano Esau aamwiita Yakobo ekaamba yawi munipuroni mwa olliye, attiitthinnya yaamudalisa Yakobo. Nave m'murimanimurimani aallota wi, “Enthawi yawinlla okhwa wa attiitthaaka eri vakhuviru, vatulli viwa kineeromwiipha Yakoboolla.”

Genesis 27:42

Koma Rebeka iiwalle dda maganizo a Esau, aamwiithana Yakobo amulleella wi, “Ngoona, mwanamunno Esau anapaalla awiiphe weyaano wi murima omukhurumuwe.

Genesis 32:3

Vano Yakobo ahaarumiha amithengaaye wa Esau mwanamunne o Seiri, o ellapo ya Edomu.

Genesis 32:7

Vano Yakobo ahoova wunchichi nave aatathilla murima sika ahaakawa milloko miilli athu aariiyena ni enkhosa, epuri, eng'ombe navettho ekamira.*

Genesis 33:4

Koma Esau aathamaka aya akumanana, amukhupaarella nave aamullochella mwa echikondi nave eellaayo vamodda yaamoriha miitthori.

2 Samuele 7:18

Vano Davide aavollowa mumusasani wowaallapellamo Apwiya. Akeraatthi anavekella allotaka wi, “Nyu Apwiya Mulluku, mi kiri aani nave nibanja naka tti tini wi mooniphiyiha vaava?

Masalimo 119:134

Kivulluseni wa athu ookihoosa wi kithwareke malamulwaanyu.

Masalimo 142:6

Iwani winlla waka, vawi kootathilla murima. Kivulluseni wa athu ookihoosa, kaambiiwa aakikhwaranya masiva.

Masalimo 16:1

Nyu Mulluku, kitetezeni, vawi tti woothawella waka.

Masalimo 25:20

Tetezani okumaaka nave mukivulluse, muhaakhullelle wi ekiwullihe muru vawi nyu tti woothawella waka.

Masalimo 31:2

Kaapelleni maaru wi mukiiwe, akuvani wi mukivulluse. Mukhalle nlluku naka noothawellawo, mpandaaka woollipa wookivullusa.

Masalimo 43:1

“Nyu Mulluku, kamullani wi miyaano ngilakwille, mukiseere vamullatuni vaka ni oohikhulupilila, mukivulluse wa athu oolleka ni oohilungama.

Miyambo 18:19

Omukhurumusa murima mbalaawo wamulakwella tti wookatamiha okhwaranya waakha muzinda wookhalla ni mpanda woollipa. Okangana onakhalla wonanko mikoko ddoollipa ddoowallella machiwi.

Daniele 3:17

Mullukwaahu ninamurumeyelleehu aneerowora onaakiha mu eng'anjo yamunllo nave aneeronivullusa mu nnatta nanyu, amwene.

Hoseya 10:14

Adanaanyu eneerewuuwukilani. Mizinda dda mipanda ddanyu ddineerewoonongiwa monga mwene Shalamani oononngelleeye muzinda wa Betaribeli vakhotoni. Va nllapo na ekhotonno ahaanyenya amoowe ni aniiwa.

Mateyu 6:13

Muhinikuselle woweesiwa, koma munivulluse wa Oonanarooyo.

Deuteronomo 22:6

“Mwaphwanya emphuru ya epallame m'muteekhoni apaalle vatthi mennya ari vamoocheni apaalle ari ni asaanaaye, muhimukuse meewooyo vamodda ni asaanaaye.

1 Samuele 12:10

Vano alliwaayo yaavekella wa Apwiya wi, ‘Hiyaano noochimwa kaambiiwa nohuuhiyani nyu Apwiya, ninarumeyella mafano a Baala ni Ashitaroti. Koma vano nivulluseni wa adanaahu nave nineerewuurumeyellani.’

1 Samuele 24:15

Ekaamba ya yeella Apwiya eneereweeruza wi ooneye oolakwa variyari va nyuwaano ni miyaano. Eneerokiteteza nave eneerewooniha echilungamwaaka vookivullusani wa nyuwaano.”