Genesis 3:8 - Mawu a Mulluku

⁸ Misikuwa, nndduwa nikumphe, athu eellaayo yahiiwa muttotthoroso, Apwiya yeetaka m'matanimmo nave mullopwana ni mutthiyana yahiipittha variyari va miteekho dda m'matani wi Apwiyaayo ehiwoone.

Genesis 3:8 Iomraidhean Croise

Genesis 18:33

Nave Apwiya emallihalle ollota, yaamuhiya vaavo Abrahamooyo.

Genesis 3:10

Mullopwanooyo ahaakhulla wi, “Kaawiiwani m'matanimmu koma kaamoova, sika kahiipittha ekaamba yawi kiri epwillimwinddive.”

Yobu 22:14

Mirapo ddoottikana ddoomuhuruwella wi ahoone, aneeta vamiraponi oddullu.’

Yobu 31:33

Ngiipitthihalle ddoonanara ddaka monga eneerella athu, ngivitthalle machimwaaka m'murimani mwaka.

Yobu 38:1

Vano Apwiya yaamwaakhulla Yobu oweella mu namangalle wi,

Miyambo 15:3

Miittho a Apwiya eri virive veko waawehesesa athu oonanara ni aphaama.

Yeremiya 23:24

Ethiyo muthu ttuuwiipittha vootiitheya wi mi kihimoone? Ethiyo mi ngiri viriveveko, oddullu ni va ellapo yavatthi?

Hoseya 10:8

Mapuro oollapellellamo milluku ddawoottha ayo Aisraele yachimwiiwamo eneerewoonongeya. Miiwa ni epullathi ddineeromella vamakuwanimvo. Athu eneerollota wa miyaango wi, “Nimorelleni!” Eneerollota wa asimiyaango wi, “Niphitteereni!”

Levitiko 26:12

Kineereweeta variyari vanyu. Miyaano kineerokhalla Mullukwaanyu nave nyuwaano muneerokhalla athwaaka.

Yona 1:3

Koma Yona aavollweella ettilla ehiri yeeyo ni maganizo awi athawe vamiitthoni va Apwiya. Sika aaya o Yopa, nko aphwanyilleeye echombo yooya o Tarishishi, wookhuma nndduwa wa ellapo ya Sipeni. Vano Yona aamuphadda tikiti oowellella echombweeyo nave atimulla olendo wooya o Tarishishi wi athawe vamiitthoni va Apwiya.

Aroma 2:15

Makhallellwiiwa enooniha wi ddoollotiwa m'malamuloni mmo ddoolembiwa m'mirimani mwiwa. Yawuupusella murimiiwa enneerella omboni wi nndda tti ddawoona vawi maganizwiiwa ennawiipa mullatu nave enthawi ddimodda ennawaakhullella.

Deuteronomo 23:14

Misasa ddanyu ddikhalleke ddaweella ekaamba yawi Apwiya Mullukwaanyu eneeta variyari va misasannddo wi yuutetezeni ni wuupambanihani wa adanaanyu. Sika m'misasani mwanyu mukhalleke mwaweella wi Apwiya ehoone erive ello yoonanara ni wuunyanyallani.”

Deuteronomo 4:33

Ethiyo ookhallavo muthu oyo akhanlleve ni okumi iiwalle mawu a Mulluku ari m'munlloni wonanko mwiiwelleenyu?

Deuteronomo 5:25

Koma ethiyo nikhwelle tini wuno? Munllo wawoopihoolla oneeronoononga! Nineerokhwa nawiiwa Apwiya Mullukwaahu evirellellaka ollota ni hiyaano.

Aheberi 4:13

Kheyiivo ello enavittheya vamiitthoni va Mulluku, ddeko ddittheddene ddinnakhalla vawooneya nave ddinnakhunuulliwa vamiitthoni vaye. Nave attheenehi ninaphwanella wi nimutthopoollelle mitteko ddahu.

Yawuupullulla 6:15

Nave mamwene a va ellapo yavatthi, oolamulella ni attekweene a akhoto, eeyuuma, amasiva, akaporo ni athu ehiri akaporo, yahiipittha m'makhunguni ni vatthi va malluku a m'mwaangoni.