Genesis 3:7 - Mawu a Mulluku

⁷ Echille, yaadduwella wi yaari epwillimwinddive. Sika yahiisowella mutambullo wa makukhu a namukuyu.

Genesis 3:7 Iomraidhean Croise

Genesis 2:25

Mullopwanooyo ni mwaariyoolle, attheene yaari epwillimwinddive komave kheyaawulliwa muru.

Genesis 3:5

Mulluku annadduwella wi nyuwaano mwacha ezipaso ddenndda, miitthwaanyu eneerokhunuuwa nave muneerokhalla wonanko Mulluku, sika muneerodduwella ddaphaama ni ddoonanara.

2 Mamwene 6:20

Evollowille mu muzinda wa Samariya, Elisha aavekella wi, “Nyu Apwiya, akhunuulleni miittho wi yoone.” Sika Apwiya yahaakhunuulla miittho yoona. Nave yoonille wi eri muwariwari mwa Samariya.

Yesaya 28:20

Munaakhalle wonanko muthu ookona va bedi ookhuveya wunchichi wawi khaworattho ottaphurusa meto navettho wonanko muthu awiikhuneella ni bulangete moohikwakhwanella.

Yesaya 47:3

Epwillimwinddaawo enaakhalle vaweella, oneerowulliwa muru wunchichi, kineerohokollosella ddoonanara, khaavo anaakihiihe.”

Yesaya 59:6

Randasi khanawariwa wonanko ekuwo sika khaniikhuneelliwana. Ddaweera ddiwa tti ddoonanara nave mitteko dda mattiiwa tti ddeechiwawa.

Maliro 1:8

Yerusalemu aachimwa wunchichi, mwawi ddiiddo ootthattuwa ooripihiwa. Attheene ayo yamuvaha olemu, enimamuvevulla vano, ekaamba yawi ahoona epwillimwinddaaye. Olliye enakhallella wiipullella nave anaweha okhwipi.

Luka 16:23

Nave muthu a eyuumoolle ahooweeye o gehena, aaweha oddullu. Wenko aamoonawo Abrahamu ari voorekamella nave Lazaroolle ari vakhwipi ni Abrahamooyo.

1 Akorinto 12:23

Nave eziwalo ddineesiwa ddoohiphwanella ovahiwa olemu, tti nnddo ddinapwathiwa wunchichi nave eziwalo ddoohoonihiwa wa athu, ddinawarihiwa phaama.

Deuteronomo 28:34

Sika muneerewaapheella muru vawoonani ni miitthwaanyu ddenndda.

Oweeruza 3:2

Apwiya yaheera ddenndda wi ehuddiheke orive mbado wa Aisraele dda owana ekhoto, ottepesesa ayo yahiyidduwelle ekhoto ovenyera khalle.