Genesis 3:6 - Mawu a Mulluku

⁶ Vano mutthiyanooyo oonilleeye wi muteekhooyo waari wooreera, ezipasonnddo ddaari ddoophwanella oddiva voochani nave wi ezipasonnddo ttuumweeriha wi akhalle eezeru, sika aarukullawo ezipaso dda muteekhooyo nave aacha. Vano ddimodda aaya amuvaha mamune nave olliyettho aacha.

Genesis 3:6 Iomraidhean Croise

Genesis 3:12

Vaavo mullopwana ahaakhulla wi, “Mutthiyana mwakivahilleenyoolle sika akinnyalle ezipasonnddo wi kiche nave kaacha.”

Genesis 3:17

Vatulli viwattho Mulluku aallota ni mullopwanooyo wi, “Ekaamba yawi waamwiiwellella mwaariyo voochani muteekho kuulamulalleemi wi ohiche, ethaya eneerotembeleliwa ekaamba ya weyaano. Onaaphareke mutteko wanikhurumella enthawi ettheene ya okumaawo.

Genesis 39:7

Nave viviralle enthawi, mwaariwa a apwinnya ahaamba omupaalla Yosefe. Vano mutthiyanooyo aamulleella Yosefe wi, “Ngawa, okone ni miyaano.”

Genesis 6:2

anamwani aallopwana a Mulluku yahoona wi anamwalli a athwaayo yaari ooreera, sika yahaamba waatthella ayo yaakondilliiwa.

2 Samuele 11:2

Nllapo nimodda misikuwa, Davide aavenya vabedini vaye, aneeta vaddullu va enyumbaaye yoomwene. Ari vaddullumvo aamoona mutthiyana ahapaka. Mutthiyanooyo aari ooreera wunchichi.

1 Mamwene 13:19

Sika aahokollweellana onyumbani waye nave aacha ni owirya.

Yobu 31:1

Kaakeraatthiha echipangano ni miitthwaaka, ngiwa kimuweha namwalli moomusilila.

Ezekiele 24:16

“We mwaana a muthu, moorurumusa kineerowaakha mwaariyo oyo anuuya m'mwiitthoni mwawo wunchichi. Koma ohinakhupanya, ohinlle apaalle omoriha miitthori.

Ezekiele 24:21

‘Alleelle Aisraele mawaaka awi, kineeronanariha enyumbaaka eyo mukhanlleenyu muyikotellaka wunchichi. Ennuuyaani m'mwiitthoni mwanyu wunchichi nave munnayikonda ni murimaanyu muttheene. Aniinyu aallopwana ni aatthiyana ayo mwaahiyalleenyu mutulli, eneerewiiphiwa ni nsupada.

Ezekiele 24:25

Vatulli viwa Apwiya yaakilleella wi, “We mwaana a muthu, nllapo nimodda athu yaalla kineerewaakumullella mpanda yakotelliiwa oreera wiwa, oyo waaya m'mwiitthoni yaawoonaka nave yawuhiyiiwa vamurimani. Kineerewaavenyiherattho aniiwa aallopwana ni aatthiyana.

Hoseya 6:7

Koma athwaayo aatathilla echipanganwaaka wonanko mmo eerelle Adamu. Sika yaakeerella ddoohiroromelleya.

Mateyu 5:28

Koma miyaano kinuulleellani wi, arive muthu anamuweha mutthiyana navettho anamupaalla, ooraruwana khalle m'murimani mwaye.

1 Timoteo 2:14

Khahiyo Adamu aallekiwe koma mutthiyana sika aallekiwe akhalla oochimwa.

Yoswa 7:21

Variyari va eyuumeelle, kahoonavo mukanjo wooreera wa o Babiloni ni makilogaramu meelli a siliva navettho mwitthi wa golide woollemella hafu kilogaramu. Ddittheddenenndda kaaddipaalla wunchichi nave kaaddaakha. Muneeroddiphwanya variyari va musasaaka mvo kiddivitthalleemi. Muneeromuphwanya siliva vatthi va ddeko ddimoddannddo.”

1 Yohane 2:16

Erive ello enakhalla mu ellapo yavatthi wonanko minkhella ddoonanara, ddoopaalla dda athu ni nnddo enooniiwa ni erive ello ya mu ellapweella eyo athu enakotelliiwa, ddittheddenenndda khaddinavenyera wa Attiitthiihu koma ddinavenyera mu ellapo yavatthi.

Oweeruza 14:17

Aavirellella winlla mallapo mattheene matthanu ni meelli a ehakallallweeyo. Vano va nllapo naneetthanu ni piilli aamulleella vawi aamuwatihera wunchichi. Enthawi yeeyo mutthiyanooyo ahaalleella athu a mu ellapwaayaalle ottaphullella wa mwambooyo.