Genesis 3:23 - Mawu a Mulluku

²³ Sika Apwiya yaamukhumihamo muthooyo mu emata ya Edeni mulle wi allimeke ethaya eyo avenyerilleeyemo.

Genesis 3:23 Iomraidhean Croise

Genesis 2:5

khavaari erive yoomella va ellapo yavatthi. Nave orive mmiddo waari ohinamelle ekaamba yawi Apwiya Mulluku yaari ehinamurupihe murimu va ellapo yavatthi. Navettho khavaari muthu oollima emata.

Genesis 2:7

Sika vano Apwiya Mulluku yaakusa ethaya ovenyera vatthi nave emoopa muthu ni ethayeeyo. Yaamuviddeellella mphunani mpweya woovaha okumi nave muthooyo aakhalla ni okumi.

Genesis 2:8

Sika Apwiya Mulluku yaallima emata mu Edeni wookhuma nndduwa nave muthu yamoopilliiwooyo yaamuhiya mwemmo.

Genesis 3:19

“Onaaphareke mutteko wanikhurumella, ophiyera enthawi yoohokollweella othayani nko wavenyereewewo. Wavenyere othayani, oneerohokollweellattho othayani wenko.”

Genesis 3:22

Apwiya yaallota wi, “Vano muthu ari wonanko hiyaano vawi annadduwella ddaphaama ni ddoonanara. Ahaakhullelliwe ocha ezipaso dda muteekho woovaha okumi wi akhalle ni okumi woohimalla.”

Genesis 3:24

Yaamwiikarella otte Adamu. Nave Mulluku ahaahiya akerubi* wookhuma nndduwa wa emata ya Edeni. Navettho aahiya nsupada na munllo nno naapheella embali ddittheddene, owehera muteekho woovaha okumi wi arive muthu ahaatamellevo.

Genesis 4:12

Weesa ollima mmiddo, ethayeeyo kheyimmihaka nave onaakhalle muthu aweeteeta va ellapo yavatthi, aweeteeta shisha nave oohikeraattheya nipuro nimodda.”

Genesis 4:2

Vatulli viwa aamuyarattho Abele, mung'onong'onwaaye a Kaini. Abele aari oochiha enkhosa nave Kaini aari oollima.

Genesis 9:20

Nowa ahaamba ollima nave aari muthu awaamba waalla mpesa.

Oollalleya 5:9

Emata ennampindulella arive muthu koma mwene anapindulana wunchichi.