Genesis 3:20 - Mawu a Mulluku

²⁰ Adamu aamuvaha nnddina mwaariye nawi Heva, ekaamba yawi olliyooyo aari amoowe a athu attheene.

Genesis 3:20 Iomraidhean Croise

Genesis 16:11

Vano oneerokhalla ni mwaana aamullopwana nave onaamuvahe nnddina nawi Ishmaele vawi Apwiya ahiiwa winlla wawo va ddookatamiha ddawo.

Genesis 2:20

Mullopwanooyo aaddivaha manddina eziweto ddittheddene, epallame ni enama ddittheddene ddamuhakani. Komave mullopwana khaarina mukhwaaye oomukavihera.

Genesis 2:23

Vano mullopwana aallota wi, “Vano olla sika nikhuva na makhuvaaka, nave muhehe wa muhehaaka. Anaaromolliweke wi Mutthiyana, ekaamba yawi akusiwe ovenyera wa mullopwana.”

Genesis 3:21

Nave Apwiya yahaasowella Adamu ni mwaariye ddoowara dda nttapara na enama wi eware athu eellaayo.

Genesis 35:18

Vano Rakele amalliheyeeye, nngu avumellaka muddullu, aamuvaha nnddina mwaanooyo nawi Benoni, koma attiitthinnya yaamuvaha nnddina nawi Benjamini.

Genesis 5:29

nave aallota wi, “Mwaana yoolla aneeronivevulla o mitteko ddahu ddoovoreyanndda ddoollima ethaya eyo yatembeleliwe ni Apwiya.” Sika mwaanooyo yaamuvaha nnddina nawi Nowa.

Eksodo 2:10

Mwaanoolle unnuwalle aamuvelleella wa mwaana a Farao nave mwaanooyo aatthattuwa akhalla aaye. Mwaana a Faraooyo aamuvaha mwaanooyo nnddina nawi Mose ekaamba yawi aallota wi, “Kaamuruulla m'maaddini.”

Mateyu 1:21

Aneeromuyara mwaana aamullopwana nave aneeromuvaha nnddina nawi Yesu kaambiiwa aneerewaavullusa athwaaye o machimwiiwa.”

Mateyu 1:23

“Namwalli aneerokhalla ni erukullu nave aneeromuyara mwaana aamullopwana. Athu eneerekomuromolla wi Imanuele ottaphullella wi Mulluku ari ni hiyaano.”

Mitteko 17:26

Ovenyera mwa muthu mmodda aaphatusa mitundu ddittheddene dda athu wi ddikhalleke va ellapo yavatthi ettheene. Aari aganizalle khalle dda enthawi ya mitundunnddo ni m'makomelloni mwa mapurwiiwa.

2 Akorinto 11:3

Koma kinoova wi maganizwaanyu enaavirikanyihiwe nave wi muneerohiya wiivelleella wanyu woororomelleya wa Khrisitu wonanko mmo Heva aallekiweeye ni olleka woochenjera wa enowa.

1 Timoteo 2:13

Vawi Adamu sika aambille ophatusiwa, vutulli vene Heva.

1 Samuele 1:20

Hana aakhalla ni erukullu nave aamuyara mwaana mullopwana amuvaha nnddina nawi Samuele ottaphullella wi, “Kimuvekille olliye wa Apwiya.”