Genesis 3:17 - Mawu a Mulluku

¹⁷ Vatulli viwattho Mulluku aallota ni mullopwanooyo wi, “Ekaamba yawi waamwiiwellella mwaariyo voochani muteekho kuulamulalleemi wi ohiche, ethaya eneerotembeleliwa ekaamba ya weyaano. Onaaphareke mutteko wanikhurumella enthawi ettheene ya okumaawo.

Genesis 3:17 Iomraidhean Croise

Genesis 3:11

Mulluku aamukoha wi, “Ethiyo uulleelle ttaani wi ori epwillimwinddive? Apaallethi woocha ezipaso dda muteekho olle kuulamulalleemi wi ohiche?”

Genesis 3:18

“Muthayani muneerekomella makukhu amiiwa ni a epullathi nave weyaano onaacheke ddoomella ddamuhakani.

Genesis 3:6

Vano mutthiyanooyo oonilleeye wi muteekhooyo waari wooreera, ezipasonnddo ddaari ddoophwanella oddiva voochani nave wi ezipasonnddo ttuumweeriha wi akhalle eezeru, sika aarukullawo ezipaso dda muteekhooyo nave aacha. Vano ddimodda aaya amuvaha mamune nave olliyettho aacha.

Genesis 5:29

nave aallota wi, “Mwaana yoolla aneeronivevulla o mitteko ddahu ddoovoreyanndda ddoollima ethaya eyo yatembeleliwe ni Apwiya.” Sika mwaanooyo yaamuvaha nnddina nawi Nowa.

Genesis 8:21

Apwiya yiiwalliiwa nthuko nawaaddivella yaallota wi, “Ngiwa kitembelelattho ellapo kaambiiwa koodduwella wi m'murimani mwa muthu tti moonanara ovenyera enamwanaaye. Ngiwa koonongattho erive ello yookumi wonanko mmo keerenlleemi.

Yobu 14:1

Muthu ooyariwa ni mutthiyana tti a mallapo ooyeva, anayarelliwa ohoowa.

Yobu 21:17

Tti okavi enyali ya oonanara ethiimaka? Tti okavi otulli waamorellaka? Tti okavi Mulluku aashellaka murima ni waallaka?

Masalimo 127:2

Munimoona wiihoosa, opeha ohinase ni okona mooselliwa, ophara mutteko mookatamiheya wi muphwanye yoocha. Valle Apwiya ennaavaha ookondiwiiwa ddoorama ddiwa alliwa yiikimakona.

Oollalleya 2:11

Vano kahaamba oganizera mitteko dda mattaaka ddittheddene nnddo kahoowilleemina nave kahoona wi khaddinna mutteko nave oddaashaasha ddenndda tti wiikatamiha. Ddawoona khavaari yawi ttuuphuravo va ellapo yavatthi.

Oollalleya 2:17

Sika kaawiita okumaaka vawi ddittheddene ddineereya vatthimva ddinnakimoriha ethakaraka. Ddittheddenennddo khaddinna mutteko nave oddaashaasha ddenndda tti wiikatamiha.

Oollalleya 5:17

Mallapwaaye mattheene okumaaye waaddalla ni epiphi, ethakaraka, ereta ni osha murima.

Mateyu 22:12

Mwenoolle aamukoha wi, ‘Mukhwaaka wavollowille mmu mwawiidde ohinna yoowara ya okwati?’ Koma muthoolle khaarina yoollota.

Mateyu 25:45

Miyaano kineerewaakhulla wi, ‘Ddawoona, kinimuulleellani wi ekaamba yawi mwaakhoota omurumeyella mmodda a ang'onong'onwaalla mwaakhoota okirumeyella miyaano.’

Luka 19:22

Nave mwenoolle aallota wi, ‘We, mullupa mutteko oonanara murima, kinaathware mawaawo yaayo wi kuuvaanyihe weyaano! Onnadduwella wi miyaano tti muthu awumma murima, ookusa ehiri yaaka nave oohata eyo kihaanlleemi.

Yohane 16:33

Kohuulleellani ddenndda wi mukhalle ni murendelle ekaamba ya miyaano. Ellapo yavatthi eneerewuuhoosani koma llipani murima vawi miyaano koogonjiha ellapo yavatthi.

Aroma 3:19

Vano ninnadduwella wi erive ello m'malamuloni mmo enallota dda ayo enalamuliwa ni malamulwaayo wi athu ehikhalle ni mawu oothawellavo nave wi ellapo yavatthi ettheene yeeruziwe ni Mulluku.

Aheberi 6:8

Koma yamella kakande ni miiwa enakhalla yoohikhalla ni mutteko sika Mulluku ari vakhuviru oyitembelela ni oyihella munllo.