Genesis 3:15 - Mawu a Mulluku

¹⁵ “Kineeroweeriha weyaano ni mutthiyana wi mwiitane nave vineerokhalla wiitana wunchichi variyari va edduullu ddawo ni edduullu dda mutthiyanooyo. Edduullu ddaye ddineeronyenya murwaawo nave weyaano eneerolluma etotopwa ya edduullu ddaye.”

Genesis 3:15 Iomraidhean Croise

Genesis 49:17

Dani anaakhalle wonanko enowa vakhwipi va musewu, enowa yoovoreya wunchichi vakhwipi va musewu, Yoolluma etotopwa ya kavalo, wi oowellavooyo iikuhe ni etulli.”

Masalimo 132:11

Apwiya yaamullupellella Davide moomusimikizella wi khewa esintha, yaallota wi, “Kineeromukeraatthiha va mpando woomwene mmodda a edduullu ddawo.

Yesaya 53:12

Sika kineeromuvaha nipuro variyari va attekweene. Aneerokawana ddawaakha ni amasiva vawi aavelleella okumaaye ophiyera okhwa, aheesiwa wonanko mmodda a athu oohithwara malamulo. Ahiireya machimo a athu anchichi, ahaavekella oochimwa wi ekhululukiwe.

Yesaya 7:14

Ekaamba ya yeella Apwiya weekhiiwa eneerewuuvahani echizindikiro. Ngoonani, namwalli aneerokhalla ni erukullu nave aneeromuyara mwaana aamullopwana nave aneeromuvaha nnddina nawi Imanuwele.

Yeremiya 31:22

We mwanaka oohiroromelleya, Ethiyo onaahiye okayikella niini? Apwiya aaphatusa ello yanaanweene va ellapo yavatthi vawi mutthiyana sika anamwaashaasha mullopwana.”

Daniele 9:26

Voomallani va miyakha ddenndda oozoziwa aneerewiiphiwa nave khakhalla ni ello. Mulloko wakhoto wa enduna eyo onaawe oneerewoononga muzindooyo vamodda ni enyumba ya Mulluku. Sika omalla wiwa onaaphiye wonanko echigumula nave oneerowiiha woonongeya ni ekhoto nnddo Mulluku akeraatthihalleeye.

Amosi 9:3

Naari yiipitthe vaddullu va mwaango wa Karimele, kineerowaashaasha nave kineerewaaphara. Naari yiipitthe vatthi va enyanja yoowallamella kineerolamula enowa wi yaallume.

Mika 5:3

Ekaamba ya yeella Mulluku aneerewaahiya Aisraele ophiyera mutthiyana amuyanre mwaana. Vaavo oohalla a mutundwaaye eneerohokollweella wa Aisraele akhwiiwa.

Mateyu 1:23

“Namwalli aneerokhalla ni erukullu nave aneeromuyara mwaana aamullopwana. Athu eneerekomuromolla wi Imanuele ottaphullella wi Mulluku ari ni hiyaano.”

Mateyu 1:25

koma khaakonillena ophiyera aamuyara mwaanooyo. Sika Yosefe aamuvaha nnddinanne nawi Yesu.

Mateyu 12:34

Nyu enowa! Munaawore mwawiidde ollota ddaphaama muri oonanara? Vawi eyano enallota nnddo ddiddanlle m'murimani.

Mateyu 13:38

emateelle tti ellapo yavatthi. Mmiddo waphaamoolle tti athu ayo eniiwellella malamulo a mu omwene wa Mulluku koma nansongoloolle tti athu ayo eniiwellella malamulo a Oonanarooyo.

Mateyu 23:33

“Nyu enowa nave anamwani a enowa! Munaathawe mwawiidde ollaka waye wa gehena?

Mateyu 3:7

Vano Yohane awoonilleeye athu anchichi a mulloko wa Afarisi* ni wa Asaduki* ewaaka wi alliwattho ebatiziwe, ahallotella wi, “Nyu enowa! Ttaani uulleelleni wi muthawe ollaka wa Mulluku onawanko?

Mariko 16:18

Yaphara enowa apaalle owirya ddawiipha khevoreyiwana nave eneerekewiiyaatthi mattiiwa va athu oovoriiwa wi echirihiwe.”

Luka 1:76

“We, mwanaka, oneeroromolliwa namallotella a Mulluku Muullupalli. Oneerewaahoollella Apwiya, wi wookolle ettilla ddiwa.

Luka 10:19

Kohuuvahani olamulello woonyingalla enowa ni anamukalizi ni ogonjiha masiva mattheene a mudanaanyu. Khavikhalla ello enuuvoreyeni.

Luka 22:53

Nllapo ni nllapo kaanakhalla ni nyuwaano mu enyumba ya Mulluku koma khamwaakimakille. Olla sika mpataanyu vawi munalamulelliwa ni masiva a epiphi.”

Luka 24:27

Nave Yesu ahaatthopoollella dda ddittheddene ddalembiwe mu mawu a Mulluku ddayeekha, waamba malamulo a Mose ophiyera ddoolembiwa dda anamallotella attheene.

Yohane 8:44

Nyuwaano tti anamwani a attiitthaanyu, Satana nave munapaalla weera minkhella dda attiitthaanyu. Yooyo aari mullupa awiipha ovenyera vawaamba nave khaari mwa yawoona kaambiiwa mwa yooyo kheyaamo yawoona. Analloteeye ddawoottha, anallota ovenyera m'murimani mwaye kaambiiwa tti awoottha ni attiitthiiwa a awoottha attheene.

Mitteko 13:10

Nave allota wi, “Mwaana a Satana we! Nave mudani a ddeko ddittheddene dda echilungamo, ooddalliwa ni ddeko ddittheddene ddawoottha. Ethiyo khohiya orukunusa yawoona ya Apwiya wi ekhalle yoolleka?

Aroma 16:20

Sika Mulluku oyo anavaha murendelle aneerewoononga veneva masiva a Satana nave aneeroweerihani wi mumulamulelle. Echisomo ya Apwiya Yesu Khrisitu ekhalle ni nyuwaano.

Aroma 3:13

Ommilloni wiwa tti wonanko mahame ookatakata, ennalleka ni mallumiiwa, ddoovenyera muwano mwiwa ddiri wonanko nttipwi na enowa.

Agalatiya 4:4

Nave enthawi yoophwanella yakwakhwanilliiwa, Mulluku aamuruma Mwanaye. Aayariwe ni muthu aamutthiyana nave iiwellella malamulo a Ayuda,

Aefeso 4:8

Moollikana ni mawu a Mulluku awi, “Awenlleeye oddullu, ahaaphara athu anchichi monga amundende, ahaavaha athu emphaso.”

Akolose 2:15

Oweella mwa Khrisitu, vamutandani valle, Mulluku ahaagonjiha oolamulella attheene ni masiva mattheene ooddullu nave aanyaambusa vamiitthoni va athu attheene.

Aheberi 2:18

Kaambiiwa olliye mwaneena aheesiwa ni ohoosiwa vano ttuuwora waakavihera ayo eneesiwa.

Aheberi 5:7

Mu okumaaye va ellapo yavatthimva, Yesu m'mavekelloni mwaye ahinlla mookhuwa nave moomoriha miitthori wa Mulluku, oyo aarina masiva oomuvullusa wuukhwaani. Kaambiiwa ahiivelleella ni wiiyeviha, Mulluku ahiiwa mavekellwaaye.

1 Yohane 3:10

Nngu sika ohiyana wa anamwani a Mulluku ni anamwani a Satana, attheene ehineera echilungamo apaalle ehinaakonda amodda khe anamwani a Mulluku.

1 Yohane 3:8

Oyo anavirellella ochimwa anakhalla a Satana kaambiiwa Satana aachimwa ovenyera vawaamba. Mwaana a Mulluku ahooneya ekaamba ya yeella wi oononge eyo yeeriwe ni Satana.

1 Yohane 5:5

Ttaani anawora ogonjiha ellapo yavatthi? Tti muthu yooyove anakhulupilila wi Yesu tti Mwaana a Mulluku.

Yawuupullulla 12:17

Enowa yuullupalleelle yaasha murima ni mutthiyanooyo nave evira wi yawane ekhoto ni anaaye oohalla a mutthiyanooyo, yaalla sika athu attheene enathwara malamulo a Mulluku ni ovelleella omboni dda Yesu.

Yawuupullulla 13:7

Yahaakhullelliwa wi ewane ni athu a Mulluku ni waagonjiha. Navettho yaavahiwa olamulello va nirive nlloko, erive ellapo, erive ellotello ni orive mutundu.

Yawuupullulla 2:10

Muhoove dda ddeko ddittheddene munaakumaneneenyu. Ngoonani, Satanooyo aneeroweesani vawuuhiyani mundende amodda a nyuwaano nave ohoosiwanngu onaakhalle wa mallapo khumi. Khallani oororomelleya wa miyaano naari mwiiphiwe nave kineerewuuvahani emphaso yookumi.

Yawuupullulla 20:10

Vano Satana, aallekilloolle, aavokhelliwa mu enyanja ya munllo ni sulufure, nko enama yuullupalli yawoopiha vamodda ni namallotella awoottha yavokhelliweewawo khalle nave eneerollakiwawo wa enthawi yoohimalla.