Genesis 3:14 - Mawu a Mulluku

¹⁴ Sika Mulluku aayilleella enoweeyo wi, “Ekaamba ya nndda weerilleewe, ori ootembeleliwa variyari va enama ddittheddene dda va ellapo yavatthi, eziweto ni ddamuhakani ddene. Waambeella ollello mu okumaawo muttheene onaapaddeke ni erukullwaawo nave onaacheke nthupi.

Genesis 3:14 Iomraidhean Croise

Genesis 3:1

Enowa yaari yoochenjeresesa okhwaranya enama ddamuhakani ddittheddene ddaphatusiwe ni Apwiya. Enoweeyo yaamukoha mutthiyanoolle wi, “Ethiyo tti ddawoona wi Mulluku ahuuhiihani ocha ezipaso dda orive muteekho ori m'matanimmu?”

Genesis 4:11

Sika wootembeleliwa, khoyillimattho ethaya eyo ewinrye nikhame na mung'onong'onwaawo oyo omwiiphalleewe ni mattaawo.

Genesis 9:6

Arive muthu oomwiipha muthu, nayeenettho aneerewiiphiwa ni muthu vawi muthu aphatusiwe moophwanaphwana ni Mulluku.”

Masalimo 72:9

Athu a muchipululuni eneeromuwaramella, adanaaye eneeromukokhorella vanthupini.

Yesaya 29:4

Nave oneerollota ovenyera vatthi onaakuhelliweewevo sika mawaawo eniiweye ovenyera munthupini. Mawaawo enaavenyere vatthi wonanko mutthowa nave eniiweye moonong'ona ovenyera munthupini.

Yesaya 65:25

Mumbulu ni mwaanaankhosa eneerekochella vamodda nave mukango oneerekocha munyepu wonanko eng'ombe navettho nthupi sika ninaakhalle yoocha ya enowa. Va mwaangwaaka waweella wa Ziyoni khaviwa vikhalla ello yoovoreya apaalle yawoononga.”

Levitiko 20:25

Sika vano muhiyaniheke variyari va enama ddooripihiwa ni ddaweellihiwa, variyari va epallame ddooripihiwa ni ddaweellihiwa. Muhiiripihe voochani enama apaalle epallame apaallettho ddirive ddeko ddawaapadda nnddo kidditthoonlleemi wi muddidduwelle wi tti ddooripihiwa.

Mika 7:17

Eneerewuupuruseya munthupini wonanko enowa apaalle ddoophatusiwa ddimodda ddawaapadda. Enaawe etthukumellaka ovenyera o mipanda ddoollipa ddiwa nave mwawoova eneerorukunuwella wa nyu Apwiya Mullukwaahu nave eneerowoovani.